ព័ត៌មានអន្ដរជាតិ
ត្រាំ គ្រោងបន្ថែមការលក់អាវុធច្រើនជាងមុនឲ្យតៃវ៉ាន់ ដើម្បីទប់ស្កាត់ឥទ្ធិពលចិន
យោងតាមប្រភពពីមន្ត្រីអាមេរិកដែលត្រូវបានចុះផ្សាយដោយទីភ្នាក់ងារព័ត៌មាន Reuters នៅថ្ងៃទី៣០ ខែឧសភា ឆ្នាំ២០២៥ រដ្ឋបាលលោក ដូណាល់ ត្រាំ កំពុងរៀបចំបង្កើនការលក់សព្វាវុធរបស់អាមេរិកទៅឲ្យកោះតៃវ៉ាន់ លើសពី ១៨,៣ពាន់លានដុល្លារដែលធ្លាប់បានអនុម័តអំឡុងពេលអាណត្តិដំបូងរបស់លោក ត្រាំ។ គំនិតផ្តួចផ្តើមនេះ គឺជាផ្នែកមួយនៃយុទ្ធសាស្ត្រទូលំទូលាយក្នុងការពង្រឹងសមត្ថភាពការពាររបស់តៃវ៉ាន់ ក្នុងការប្រឈមមុខនឹងការកើនឡើងសម្ពាធយោធាពីប្រទេសចិន។
កញ្ចប់សព្វាវុធដែលបានស្នើឡើង ត្រូវបានគេរំពឹងថានឹងផ្តោតលើអាវុធទំនើបៗ រួមមាន មីស៊ីល យន្តហោះគ្មានមនុស្សបើក និងគ្រាប់បែក ដើម្បីបង្កើនឥរិយាបថរារាំងរបស់តៃវ៉ាន់។ មន្ត្រីសហរដ្ឋអាមេរិក ក៏បានជំរុញឲ្យភាគីបក្សប្រឆាំងនៅតៃវ៉ាន់គាំទ្រផែនការរបស់រដ្ឋាភិបាល ក្នុងការបង្កើនការចំណាយលើវិស័យការពារជាតិដល់ទៅ ៣% នៃផលិតផលក្នុងស្រុកសរុប ដោយសង្កត់ធ្ងន់លើសារៈសំខាន់នៃវិធីសាស្រ្តបង្រួបបង្រួមចំពោះសន្តិសុខជាតិ។
ទោះបីជាមានការបង្កើនការគាំទ្រផ្នែកយោធាក្តី ក្តីបារម្ភនៅតែមាននៅក្នុងទីក្រុងតៃប៉ិទាក់ទងនឹងភាពប្រាកដប្រជានៃការប្តេជ្ញាចិត្តរបស់អាមេរិក។ លោកប្រធានាធិបតី ត្រាំ ធ្លាប់បានសម្តែងការសង្ស័យអំពីការប្តេជ្ញាចិត្តផ្នែកការពារជាតិ និងបានរិះគន់ឧស្សាហកម្ម semiconductor របស់តៃវ៉ាន់ ដែលនាំឲ្យមានការបារម្ភអំពីការផ្លាស់ប្តូរសក្តានុពលនៅក្នុងគោលនយោបាយរបស់ក្រុងវ៉ាស៊ីនតោន។
ចិនដែលចាត់ទុកតៃវ៉ាន់ជាខេត្តផ្តាច់ខ្លួន មិនបានច្រានចោលការប្រើកម្លាំងដើម្បីសម្រេចបានការបង្រួបបង្រួមគ្នាឡើងវិញទេ។ ចំណែកឯអាមេរិកវិញនៅរក្សានូវគោលនយោបាយនៃភាពមិនច្បាស់លាស់ជាយុទ្ធសាស្ត្រ ដោយផ្តល់ឲ្យតៃវ៉ាន់នូវការគាំទ្រផ្នែកការពារដោយគ្មានការធានាសុវត្ថិភាពច្បាស់លាស់ ដែលជាជំហរបន្តបង្កើតភាពស្មុគស្មាញនៃទំនាក់ទំនងអាមេរិក-តៃវ៉ាន់-ចិន៕
ដោយ៖ ឈាង
Charlie Scott មើលឃើញលីគកម្ពុជា កំពុងដើរលើផ្លូវដ៏ត្រឹមត្រូវ ដោយសារកត្តាទាំងនេះ
ត្រាំ គ្រោងបន្ថែមការលក់អាវុធច្រើនជាងមុនឲ្យតៃវ៉ាន់ ដើម្បីទប់ស្កាត់ឥទ្ធិពលចិន
សម្ព័ន្ធបស្ចិមប្រទេស ចោទកូរ៉េខាងជើង និងរុស្សី បំពានទណ្ឌកម្មអន្តរជាតិ ក្នុងកិច្ចព្រមព្រៀងយោធា
ក្រោយស្នងការសន្យាចុះចេញពីតំណែង នគរបាលចរាចរណ៍ខេត្តតាកែវ ចាប់ផ្ដើមអនុវត្តស្ទាក់ចាប់រថយន្តដឹកទំនិញសំពីងសំពោង
រដ្ឋាករទឹករកចំណូលបានជាង ៣៤៨ ពាន់លានរៀលកាលពីឆ្នាំមុន
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
សមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
សម្ដេចតេជោ ព្រមានថា កម្ពុជាបានរៀបចំសំណាញ់មេឃរួចរាល់ សម្រាប់បាញ់យន្តហោះចម្បាំងដែលឈ្លានពាន
ស្នងការខេត្តតាកែវសន្យាថានឹងចុះចេញពីតំណែង បើទប់ស្កាត់រថយន្ដដឹកទំនិញសំពីងសំពោងមិនបានតាមការណែនាំរបស់អភិបាលខេត្ត
-
ព័ត៌មានជាតិ៦ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
ព័ត៌មានជាតិ១៤ ម៉ោង agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម៥ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៤ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៥ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ២៣ ម៉ោង agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ២ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៣ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី