ព័ត៌មានអន្ដរជាតិ
លោក ថាក់ស៊ីន ត្រូវគេរំពឹងថានឹងត្រឡប់ទៅថៃវិញនៅល្ងាចនេះ មុនសវនាការតុលាការថ្ងៃស្អែក
យន្តហោះឯកជន Bombardier Global 7500 ដែលដឹកលោក ថាក់ស៊ីន ស៊ីណាវ៉ាត្រ បានចុះចតនៅប្រទេសសិង្ហបុរីនៅព្រឹកថ្ងៃចន្ទទី៨ខែកញ្ញានេះ បន្ទាប់ពីចាកចេញពីទីក្រុងឌូបៃ ដោយអតីតនាយករដ្ឋមន្ត្រីថៃរូបនេះត្រូវគេរំពឹងថានឹងត្រឡប់ទៅប្រទេសថៃវិញនៅរសៀលនេះ។ នេះបើយោងតាមការចុះផ្សាយរបស់ Khaosod។
ទិន្នន័យតាមដានការហោះហើរពី Flightradar24 បានបង្ហាញថា យន្តហោះចាកចេញពីអាកាសយានដ្ឋានអន្តរជាតិ Al Maktoum របស់ទីក្រុងឌូបៃ នៅម៉ោង ៨ និង៤៥នាទីយប់ថ្ងៃអាទិត្យ មុនពេលធ្វើដំណើរឆ្ពោះទៅប្រទេសសិង្ហបុរី ហើយចុះចតប្រហែលម៉ោង ៦ និង៥៤នាទីព្រឹកថ្ងៃចន្ទ។
មុននេះ លោក ថាក់ស៊ីន បានឡើងយន្តហោះពីអាកាសយានដ្ឋានដុនមឿងទីក្រុងបាងកកកាលពីសប្តាហ៍មុន ដោយនិយាយថា លោកកំពុងស្វែងរកការព្យាបាលនៅប្រទេសសិង្ហបុរី។ ទោះជាយ៉ាងណាក៏ដោយ យន្តហោះបានបង្វែរទិសដៅទៅកាន់ទីក្រុងឌូបៃ ដោយជំរុញឲ្យមានការសង្ស័យអំពីផែនការធ្វើដំណើររបស់លោក។
អតីតនាយករដ្ឋមន្ត្រីវ័យ ៧៥ឆ្នាំ បានសរសេរនៅលើបណ្ដាញសង្គម X ថា លោកមានបំណងវិលត្រឡប់ទៅប្រទេសថៃវិញនៅថ្ងៃទី៨ខែកញ្ញា មុនពេលសវនាការរបស់តុលាការកំពូលដែលបានគ្រោងទុកនៅថ្ងៃទី៩ខែកញ្ញា ទាក់ទងនឹងករណីមួយក្នុងចំណោមសំណុំរឿងដែលមិនទាន់កាត់ក្ដីរបស់លោក។
ប្រព័ន្ធផ្សព្វផ្សាយក្នុងស្រុករាយការណ៍ថា លោក ថាក់ស៊ីន អាចទៅដល់ទីក្រុងបាងកកនៅម៉ោងប្រហែល ៥ល្ងាចថ្ងៃនេះ៕
ដោយ៖ ឈាង
ចុចអាន៖ ហេតុអ្វីលោក ថាក់ស៊ីន ទៅ ឌូបៃ?
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ