ស្លាប់៥នាក់ក្នុងហេតុការណ៍បាញ់ប្រហារដ៏រន្ធត់ ក្នុងរដ្ឋធានីអ៊ីស្រាអែល

យោងតាមការចេញផ្សាយរបស់ទីភ្នាក់ងារព័ត៌មាន Reuters យ៉ាងហោចណាស់មនុស្ស ៥ នាក់បានស្លាប់ ៥ នាក់រងរបួសធ្ងន់ និងមនុស្ស​ជា​ច្រើន​នាក់​ទៀត​រង​របួស​ស្រាល​ពី​ការ​បែក​កញ្ចក់នៅក្នុងការបាញ់ប្រហារដ៏រន្ធត់មួយនៅ ក្នុងទីក្រុងហ្សេរុយសាឡឹមខាងកើត ដែលជារដ្ឋធានីរបស់អ៊ីស្រាអែល។

ប៉ូលិសអ៊ីស្រាអែលបានហៅឧបទ្ទវហេតុនេះថាជា «ការវាយប្រហារភេរវកម្ម» ហើយបាននិយាយថា អ្នកវាយប្រហារពីរនាក់ត្រូវបានបង្ក្រាបភ្លាមៗបន្ទាប់ពីការបាញ់ប្រហារចាប់ផ្តើម។ ក្រោយមកវិទ្យុកងទ័ពអ៊ីស្រាអែលរាយការណ៍ថា ជនសង្ស័យទំនងជាជនជាតិប៉ាឡេស្ទីនមកពីតំបន់ West Bank ដែលអ៊ីស្រាអែលកាន់កាប់ មិនមែនជាអ្នកក្រុងហ្សេរុយសាឡឹមខាងកើតនោះទេ។

ដោយសារតែបញ្ហានេះ នាយករដ្ឋមន្ត្រីអ៊ីស្រាអែលលោក Benjamin Netanyahu បានពន្យារពេលសវនាការលើអំពើពុករលួយរបស់លោក ខណៈរដ្ឋមន្ត្រីសន្តិសុខស្តាំនិយមលោក Itamar Ben-Gvir បានទៅពិនិត្យកន្លែងកើតហេតុដោយផ្ទាល់។

អ្នកវិភាគជនជាតិអ៊ីស្រាអែលលោក Ori Goldberg បានប្រាប់ Al Jazeera ថាលោកសង្ស័យថាការវាយប្រហារនេះត្រូវបានបញ្ជាដោយក្រុមហាម៉ាស ដោយផ្តល់យោបល់ជំនួសវិញថា វាទំនងជាត្រូវបានផ្សារភ្ជាប់ទៅនឹងភាពចលាចលនៅ West Bank ។ លោកបានបន្ថែមថា ប្រសិនបើក្រុមហាម៉ាសបានចូលរួមនោះ វានឹងបង្ហាញជាសញ្ញានៃការកើនឡើងភាពតើនតឹងបន្ថែមទាក់ទងនឹងកិច្ចខិតខំប្រឹងប្រែងរបស់សហរដ្ឋអាមេរិកក្នុងការជំរុញឱ្យមានការបញ្ចប់សង្គ្រាមនៅតំបន់ហ្គាហ្សា៕

អត្ថបទ៖ ប៊ុន សុភាព