ព័ត៌មានអន្ដរជាតិ
ថៃគ្រោងធ្វើរបងព្រំដែន១០គីឡូម៉ែត្រនៅខេត្តស្រះកែវ ដោយចំណាយថវិកា ៨៧លានបាត
រដ្ឋមន្ត្រីក្រសួងការពារជាតិ លោក Nattaphon Narkphanit បានប្រកាសកាលពីថ្ងៃព្រហស្បតិ៍ទី២៥ខែកញ្ញាថា ប្រទេសថៃគ្រោងនឹងសាងសង់របងព្រំដែនប្រវែង ១០គីឡូម៉ែត្រក្នុងខេត្តស្រះកែវ តាមបណ្តោយព្រំដែនជាមួយប្រទេសកម្ពុជា ដោយប្រើថវិកាប៉ាន់ស្មានចំនួន ៨៧លានបាត។
យោងតាមការចុះផ្សាយរបស់ The Nation នាថ្ងៃទី២៦កញ្ញានេះ លោក Nattaphon បាននិយាយថា គម្រោងនេះបានទទួលការគាំទ្រចម្បងពីម្ចាស់ក្សត្រី Chulabhorn Krom Phra Srisavangavadhana ដែលបានបរិច្ចាគថវិកាចំនួន ១លានបាត ដើម្បីបង្កើតមូលនិធិ «Hathai Thip»។ មូលនិធិនេះនឹងបម្រើជាដើមទុនសម្រាប់ការសាងសង់ជញ្ជាំង និងរបាំងនៅតាមផ្នែកនៃព្រំដែនកម្ពុជា-ថៃ។
លោកពន្យល់ថា របងនឹងត្រូវសាងសង់តែក្នុងតំបន់ដែលបានកំណត់ព្រំប្រទល់ច្បាស់លាស់ប៉ុណ្ណោះ។ ទីបញ្ជាការកងយោធាថៃ ត្រូវបានចាត់តាំងឲ្យដឹកនាំគម្រោងនេះ ក្នុងការសម្របសម្រួលជាមួយតំបន់កងទ័ពភូមិភាគ១ ភូមិភាគ២ និងកងទ័ពជើងទឹកថៃ ដែលទទួលខុសត្រូវលើវិស័យព្រំដែនភាគខាងត្បូង។
ទីបញ្ជាការកងកម្លាំងប្រដាប់អាវុធក៏នឹងធ្វើការជាមួយនាយកដ្ឋានអង្កេតភូមិន្ទថៃ ដែលជាផ្នែកមួយនៃគណៈកម្មការព្រំដែនរួម (JBC) ដែលនឹងផ្តល់ជំនាញបច្ចេកទេស និងឧបករណ៍សម្រាប់គម្រោងនេះ។
ការអនុម័តថវិកានេះបច្ចុប្បន្នកំពុងស្ថិតក្រោមការត្រួតពិនិត្យ ដោយសារថវិការបស់រដ្ឋាភិបាលមានកម្រិត ប៉ុន្តែការសាងសង់អាចដំណើរការបានភ្លាមៗ នៅពេលដែលមូលនិធិត្រូវបានយល់ព្រម៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ