ព័ត៌មានអន្ដរជាតិ
មីន អ៊ុងឡាំង ជំរុញឲ្យមីយ៉ាន់ម៉ាអភិវឌ្ឍបច្ចេកវិទ្យានុយក្លេអ៊ែរ
ឧត្តមសេនីយ៍ មីន អ៊ុងឡាំង (Min Aung Hlaing) ប្រធានស្តីទី និងជាប្រធានគណៈកម្មការសន្តិសុខ និងសន្តិភាពរដ្ឋ (SSPC) បាននិយាយថា មីយ៉ាន់ម៉ាត្រូវតែធ្វើការឆ្ពោះទៅរកការអភិវឌ្ឍន៍បច្ចេកវិទ្យានុយក្លេអ៊ែរ បញ្ញាសិប្បនិម្មិត (AI) និងការប្រើប្រាស់ថាមពលនុយក្លេអ៊ែរដោយសន្តិវិធីក្នុងពេលទៅចូលរួមវេទិកា The World Atomic Week 2025 ក្នុងប្រទេសរុស្ស៉ី។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី២៧ខែកញ្ញា។
ថ្លែងនៅក្នុងសិក្ខាសាលាវិទ្យាសាស្ត្រមួយដែលមានចំណងជើងថា «យុវជន និងអនាគតនៃប្រទេសមីយ៉ាន់ម៉ា – វិទ្យាសាស្ត្រ និងបច្ចេកវិទ្យា» នៅទីក្រុងមូស្គូកាលពីថ្ងៃទី ២៥ខែកញ្ញា ឧត្តមសេនីយ៍ មីន អ៊ុងឡាំង បានសង្កត់ធ្ងន់លើតម្រូវការក្នុងការកសាងហេដ្ឋារចនាសម្ព័ន្ធនុយក្លេអ៊ែរសម្រាប់ប្រើប្រាស់ក្នុងវិស័យថាមពល ការថែទាំសុខភាព កសិកម្ម បសុសត្វ និងឧស្សាហកម្ម ដែលនឹងទាមទារធនធានមនុស្សដែលមានជំនាញ និងការធ្វើផែនការរយៈពេលវែង។
លោក ក៏បានលើកឡើងពីសារៈសំខាន់នៃវិទ្យាសាស្ត្រ និងបច្ចេកវិទ្យាក្នុងវឌ្ឍនភាពជាតិ ដោយជំរុញឱ្យយុវជនរបស់ប្រទេសមីយ៉ាន់ម៉ា បណ្តុះការគិតត្រេះរិះ ការដោះស្រាយបញ្ហា និងការច្នៃប្រឌិត។ លោកបានគូសបញ្ជាក់អំពីតួនាទីដែលកំពុងរីកចម្រើនរបស់ AI ទូទាំងពិភពលោក ហើយបាននិយាយថា មីយ៉ាន់ម៉ាត្រូវតែទទួលយកវានៅទូទាំងវិស័យនានា រួមទាំងវិស័យកសិកម្ម ការអប់រំ ការថែទាំសុខភាព និងការដឹកជញ្ជូន ដើម្បីជំរុញការអភិវឌ្ឍន៍សេដ្ឋកិច្ចសង្គម។
សិក្ខាសាលានេះមានការចូលរួមពីមន្ត្រីមីយ៉ាន់ម៉ា អ្នកការទូត និងនិស្សិតនៅប្រទេសរុស្ស៊ីជាច្រើននាក់។ វាក៏បានឆ្លុះបញ្ចាំងពីទំនាក់ទំនងកាន់តែស៊ីជម្រៅរវាងមីយ៉ាន់ម៉ា និងរុស្ស៊ីផងដែរ ខណៈទីក្រុងមូស្គូបានក្លាយជាដៃគូអន្តរជាតិដ៏សំខាន់មួយរបស់ប្រទេសមីយ៉ាន់ម៉ាចាប់តាំងពីរដ្ឋប្រហារយោធាឆ្នាំ ២០២១ ដោយផ្តល់ការគាំទ្រផ្នែកនយោបាយ កិច្ចសហប្រតិបត្តិការយោធា និងឱកាសសម្រាប់និស្សិតដើម្បីសិក្សាផ្នែកវិទ្យាសាស្ត្រ និងបច្ចេកវិទ្យានៅក្នុងស្ថាប័នរុស្ស៊ី.
គួរបញ្ជាក់ថា The World Atomic Week 2025 ត្រូវបានរៀបចំឡើងដោយសាជីវកម្មនុយក្លេអ៊ែររដ្ឋ ROSATOM របស់រុស្ស៊ីចាប់ពីថ្ងៃទី ២៥ ដល់ថ្ងៃទី២៨ ខែកញ្ញា ដើម្បីប្រារព្ធខួបលើកទី ៨០ នៃឧស្សាហកម្មនុយក្លេអ៊ែររបស់រុស្ស៊ី និងលើកកម្ពស់ការប្រើប្រាស់នុយក្លេអ៊ែរដោយសន្តិវិធី។ វេទិកានេះនឹងប្រមូលផ្តុំមេដឹកនាំមកពី ១០៥ ប្រទេស រួមទាំងប្រមុខរដ្ឋ អ្នកជំនាញ សាជីវកម្ម និងប្លុកក្នុងតំបន់មកពីអាស៊ី អាហ្វ្រិក និង អាមេរិកឡាទីន ។
អត្ថបទ៖ ប៊ុន សុភាព
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម