ព័ត៌មានអន្ដរជាតិ
វៀតណាម ត្រៀមចាប់ផ្តើមផលិតវ៉ាក់សាំងកូវីដ ផ្ទាល់ខ្លួន ទ្រង់ទ្រាយធំ នៅខែ សីហា
ប្រទេសវៀតណាម អាចចាប់ផ្តើមផលិតវ៉ាក់សាំងការពារជំងឺកូវីដ-១៩ របស់ខ្លួនជាទ្រង់ទ្រាយធំនៅខែសីហា ប្រសិនបើការសាកល្បងលើមនុស្សបីដំណាក់កាល ត្រូវបានបញ្ចប់ក្នុងខែឧសភាខាងមុខនេះ។
តាមការគ្រោងទុក ដំណាក់កាលទីបីនៃការសាកល្បងលើមនុស្ស របស់វ៉ាក់សាំង Nanocovax ដែលបង្កើតឡើងដោយក្រុមហ៊ុន Nanogen Pharmaceutical Biotechnology JSC មានមូលដ្ឋាននៅទីក្រុង ហូជីមិញ នឹងត្រូវបញ្ចប់នៅខែឧសភាខាងមុខ ដោយមានការសម្របសម្រួលជាមួយសាកលវិទ្យាល័យពេទ្យយោធាវៀតណាម ក្រោមក្រសួងការពារជាតិ។
នាយឧត្តមសេនីយ៍ Nguyen Xuan Kien ប្រធាននាយកដ្ឋានពេទ្យយោធានៃក្រសួង បាននិយាយនៅក្នុងសន្និសីទកាសែតមួយកាលពីថ្ងៃសុក្រថា រយៈពេល៣ខែចាប់ពីពេលនេះទៅដល់ខែសីហា ប្រទេសវៀតណាមអាចចាប់ផ្តើមផលិតវ៉ាក់សាំងនេះជាទ្រង់ទ្រាយធំ ដើម្បីចាក់ឲ្យប្រជាជនរបស់ខ្លួន។
មនុស្សសរុបចំនួន៥៦០នាក់ បានចូលរួមនៅក្នុងដំណាក់កាលទី២នៃការសាកល្បងលើមនុស្សរបស់វ៉ាក់សាំង Nanocovax ដែលចាប់ផ្តើមកាលពីខែកុម្ភៈ បន្ទាប់ពីការបញ្ចប់ដំណាក់កាលទី១ដែលបានចាប់ផ្តើមកាលពីខែធ្នូជាមួយអ្នកស្ម័គ្រចិត្តចំនួន៦០នាក់។
ដំណាក់កាលទីបី ដែលគ្រោងនឹងធ្វើឡើងនៅខែឧសភា នឹងចាក់លើអ្នកស្ម័គ្រចិត្តចន្លោះពី១០,០០០ ដល់១៥,០០០នាក់។
លោក Kien និយាយថា ដំណាក់កាលដំបូងគឺត្រូវកំណត់សុវត្ថិភាពរបស់វ៉ាក់សាំង និងផលប៉ះពាល់លើរាងកាយ ហើយដំណាក់កាលទី២ នឹងអនុញ្ញាតឲ្យអ្នកស្រាវជ្រាវពិនិត្យមើលថាតើ វ៉ាក់សាំង Nanocovax មានភាពស៊ាំពិតប្រាកដដែរឬក៏អត់។
លោកបន្តថា “សង្ឃឹមថា ក្នុងរយៈពេល៣ខែចាប់ពីដំណាក់កាលសាកល្បងទី៣គឺនៅខែសីហា យើងនឹងមានវ៉ាក់សាំងផ្ទាល់ខ្លួន ចាក់ឲ្យទាហាននិងប្រជាពលរដ្ឋដើម្បីបង្ការការរីករាលដាលនៃជំងឺរាតត្បាតកូវីដ-១៩”។
គួរបញ្ជាក់ថា បច្ចុប្បន្ន ប្រទេសវៀតណាមមានវ៉ាក់សាំងកូវីដ ផលិតក្នុងស្រុកចំនួន៤ប្រភេទ ដែលស្ថិតក្រោមការអភិវឌ្ឍនិងធ្វើតេស្ត៕
ប្រែសម្រួលដោយ៖ Vann Vann
ប្រភព៖ VN Express
ចុចអាន៖ តើអាចប្រើថ្នាំបំបាត់ការឈឺចាប់មុនឬក្រោយពេលចាក់វ៉ាក់សាំងកូវីដ-១៩បានទេ?
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ