សុខភាព
សកម្មភាព ៥យ៉ាងចាំបាច់បំផុត ធ្វើឲ្យប្រព័ន្ធភាពស៊ាំខ្លាំងក្លា ក្រោយចាក់វ៉ាក់សាំងដូសទី៣
ថ្វីត្បិតការចាក់វ៉ាក់សាំងដូសទី៣ ឬដូសជំរុញ ពុំមានចេញសេចក្ដីណែនាំពាក់ព័ន្ធនឹងការទទួលទានអាហារ ព្រមទាំងសកម្មភាពចាំបាច់មួយចំនួនដែលត្រូវធ្វើ ដូចកាលចាក់ពីរដូសដំបូង ប៉ុន្តែគោលការណ៍សុខភាពសម្រាប់ពង្រឹងប្រព័ន្ធភាពស៊ាំនៅតែចាំបាច់បន្តអនុវត្ត ដើម្បីជំនួយដល់ការផលិតអង់ទីគ័រការពារប្រឆាំងនឹងវីរុស។
ប្រការមិនគួររំលង ក្រោយចាក់វ៉ាក់សាំងដូសទី៣ រួមមាន៖
១. ផឹកទឹក
ក្រោយចាក់វ៉ាក់សាំងដូសជំរុញរួចរាល់ មនុស្សភាគច្រើននឹងមានអាការមិនស្រួល ឬក្ដៅខ្លួន ដែលប្រការនេះជាហេតុបណ្ដាលឱ្យរាងកាយខ្វះជាតិទឹក។ ដូច្នេះអ្នកដែលមិនទម្លាប់ផឹកទឹកច្រើន (២លីត្រ) ត្រូវបញ្ចូលជាតិទឹកឱ្យបានគ្រប់គ្រាន់ ពុំនោះទេរាងកាយនឹងខ្សោះខ្សោយ ពិបាកដល់ប្រព័ន្ធភាពស៊ាំធ្វើការជាមួយវ៉ាក់សាំង។
២. សម្រាក
បើយោងសម្ដីតាមវេជ្ជបណ្ឌិត Michael Thorpy សាស្រ្តាចារ្យផ្នែកសរសៃប្រសាទមកពីមហាវិទ្យាល័យវេជ្ជសាស្ត្រ Albert Einstein នៅញូយ៉ក បានអះអាងថា ក្រោយទទួលវ៉ាក់សាំង មិនថាដូសទីប៉ុន្មានទេ ត្រូវតែគេងឱ្យបានយ៉ាងហោច ៧ម៉ោង ទៅ ៨ម៉ោង។ ការអត់ងងុយឬខំធ្វើការដល់យប់ជ្រៅ បន្ទាប់ពីចាក់វ៉ាក់សាំងរួច នឹងមិនផ្ដល់ផលល្អដល់ការបណ្ដុះអង់ទីគ័រឡើយ។
៣. អាហារ
ដើម្បីបង្កើនភាពស៊ាំក្នុងរាងកាយបានរហ័ស ជួយប៉ូវកម្លាំង និងជួយកាត់បន្ថយការឈឺចាប់ព្រមទាំងរលាកក្រោយពេលចាក់វ៉ាក់សាំងដូសទី៣រួច គួរហូបស៊ុបឱ្យបានច្រើន មិនថាជាស៊ុបសាច់មាន់ ត្រី ជ្រូក សាច់គោ ឬស៊ុបន្លែឡើយ សុទ្ធតែផ្ដល់ផលល្អទាំងអស់។ នេះបើតាមដំបូន្មានរបស់ CDC អាមេរិក។ ក្រៅពីនោះ បន្លែបៃតង និងគ្រាប់ធញ្ញជាតិ ក៏សុទ្ធសឹងផ្ដល់ផលវិជ្ជមានដល់ប្រព័ន្ធភាពស៊ាំផងដែរ។
៤. ភេសជ្ជៈ
មជ្ឈមណ្ឌលបង្ការនិងត្រួតនិត្យជំងឺឆ្លង CDC របស់អាមេរិក បានរកឃើញថា ការទទួលទានតែបៃតងនិងតែរមៀត បន្ទាប់ចាក់វ៉ាក់សាំងដូសនីមួយៗរួចរាល់ អាចជួយទប់ស្កាត់ការរលាក បន្ថែមជាតិទឹក ប្រយុទ្ធប្រឆាំងនឹងកូវីដ-១៩ ដោយធ្វើឱ្យប្រព័ន្ធភាពស៊ាំកាន់តែរឹងមាំទ្វេរឡើង។
៥. ហាត់ប្រាណ
ការហាត់ប្រាណតិចតួច ក្រោយពីចាក់វ៉ាក់សាំងដូសទី១ ទី២ ឬទី៣ ពុំមានផលប៉ះពាល់អ្វីនោះទេ ។ ការធ្វើលំហាត់ប្រាណស្រាលៗនាំឱ្យបែកញើស ហុចផលកាន់តែប្រសើរទៅលើប្រសិទ្ធភាពនៃថ្នាំបង្ការ។ នេះបើតាមការអះអាងរបស់លោក David Wyles, MD អ្នកឯកទេសខាងជំងឺឆ្លងនិងជាប្រធាននៅមជ្ឈមណ្ឌល Denver Health សហរដ្ឋអាមេរិក៕
អត្ថបទ៖ សន្យា
ចុចអាន៖ ៤យ៉ាង ត្រូវតមដាច់ខាត ក្រោយចាក់វ៉ាក់សាំងដូសទី៣ ឬដូសជំរុញ
ចុចអាន៖ កុំឲ្យសង្ស័យ! លោកជំទាវ ឱ វណ្ណឌីន បញ្ជាក់ច្បាស់ៗ ក្រុមមនុស្ស១ប្រភេទ ពុំចាំបាច់ចាក់វ៉ាក់សាំងដូសទី៣
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង