សុខភាព
ផឹក “តែ” រាល់ថ្ងៃ អាចបង្កើនថាមពលខួរក្បាល និងជួយឱ្យមានអាយុវែង
ដំណឹងល្អសម្រាប់អ្នកចូលចិត្តផឹកតែ! ផឹកតែមួយពែងរៀងរាល់ថ្ងៃត្រូវបានគេរកឃើញថា ជួយបង្កើនថាមពលខួរក្បាល និងបង្កើនប្រសិទ្ធភាពក្នុងច្នៃប្រឌិតការងារគ្រប់ប្រភេទ។
ក្រុមអ្នកស្រាវជ្រាវមកពីសាកលវិទ្យាល័យ Peking បានធ្វើការពិសោធន៍លើអ្នកផឹកតែជាប្រចាំ ហើយរកឃើញថា អ្នកទាំងនោះមានសមត្ថភាពក្នុងការគិតបានល្អប្រសើរ និងអាចដោះស្រាយបញ្ហាប្រកបដោយហេតុផលច្បាស់លាស់។
របកគំហើញនេះបង្ហាញទៀតថា ការទម្លាប់ផឹកតែមានអត្ថប្រយោជន៍ទាំងខាងការយល់ដឹងផ្នែកបញ្ញាស្មារតី ជំនួយសុខភាពរាងកាយ និងជួយឱ្យមានអាយុវែងផងដែរ។
លោកស្រីបណ្ឌិត Lei Wang អ្នកចិត្តវិទ្យានៃសាកលវិទ្យាល័យ Peking ប្រទេសចិន ពន្យល់ថា ផឹកតែមួយពែងរាល់ថ្ងៃអាចជួយធ្វើឱ្យផ្លូវចិត្តដំណើរការល្អ ជាពិសេសរាល់ពេលប្រឈមមុខនឹងភារកិច្ចលំបាកៗ។ មិនតែប៉ុណ្ណោះ ភេសជ្ជៈនេះក៏ជួយឱ្យរាងកាយធន់ក្នុងការបំពេញកិច្ចការបានយូរ ដោយមិនងាយនឿយហត់ឡើយ។
ក្រុមអ្នកស្រាវជ្រាវបានជ្រើសរើសមនុស្សចំនួន ១០០ នាក់ដើម្បីសិក្សា ដោយបានប្រគល់ភារកិច្ចឱ្យពួកគេបំពេញ និងឱ្យពួកគេដោះស្រាយបញ្ហាមួយចំនួន ដែលបានកំណត់កម្រិតពិបាកផ្សេងៗគ្នា។
ក្រោយការតាមដាន អ្នកស្រាវជ្រាវរកឃើញថា អ្នកផឹកតែជាប្រចាំទទួលបានលទ្ធផលល្អប្រសើរជាងអ្នកផឹកម្តងម្កាល ថែមទាំងអាចច្នៃប្រឌិតបានល្អផងដែរ។ ទោះយ៉ាងណាអត្ថប្រយោជន៍នៃទឹកតែមួយពែង មានអត្ថប្រយោជន៍តិចតួចប៉ុណ្ណោះ ពេលបញ្ហាប្រឈមនឹងការដោះស្រាយនៅកម្រិតពិបាកខ្លាំង។
ត្បិតតែយ៉ាងនេះ លទ្ធផលជាក់ស្តែងបញ្ជាក់ថា ផឹកតែជំនួយគំនិតក្នុងការងារច្នៃប្រឌិត ព្រមទាំងជួយបង្កើនកម្លាំង មិនងាយហត់នឿយនោះទេ៕
ប្រែសម្រួល៖ សន្យា
ប្រភព៖ Daily Mail
ចុចអាន៖ គុណប្រយោជន៍ដ៏អស្ចារ្យនៃតែ «ស្លឹកម្រុំ» សម្រាប់សុខភាព
-
ព័ត៌មានអន្ដរជាតិ៤ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៤ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ៣ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៣ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ