លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)

ដូចដែលដឹងស្រាប់ហើយថា កម្មវិធី Gumball 3000 បានបញ្ចប់ទៅដោយរលូន ក្រោមការដឹកនាំរបស់ លោក ឧកញ៉ា លាង ពៅ ក្រោមការគាំទ្រ ពីថ្នាក់ដឹកនាំ ក្រសួង អាជ្ញាធរ ក្រុមការងារ និងស្ថាប័នពាក់ព័ន្ធនានា ជាពិសេសពីសំណាក់អ្នកគាំទ្រទាំងអស់ ក្រុមហ៊ុន ជីប ម៉ុង។

យ៉ាងណាមិញ លោក ឧកញ៉ា បានលើកចំនុចដែលធ្វើឲ្យមានចន្លោះខ្វះខាតនៅក្នុងកម្មវិធីដ៏អស្ចារ្យមួយនេះ ដែលវត្តមានរបស់ Ishowspeed ដែលមហាជនទន្ទឹងរងចាំ។ លោក ឧកញ៉ា បានបង្ហាញការខកចិត្តទៅលើ Speed និងបានលើកឡើងពីប្រសាសន៍របស់ Peter ថា តារាប្រុសរូបនេះ គ្មានទំនួលខុសត្រូវនៅក្នុងកម្មវិធី Gumball 3000 នេះឡើយ។

នៅក្នុងនោះ មានចំនុចមួយចំនួនដូចខាងក្រោមនេះ

1. Speed ទាមទាថា មុនមកចូលរួម Gumball 3000 នៅកម្ពុជាត្រូវតែមានឡាន lamborghini sto អោយគាត់ជិះបានគាត់យល់ព្រម។

2. មិនធ្វើតាមការៀបចំកម្មវិធី ដែលបានរៀបចំសម្រាប់គាត់ ដូចជា នៅលើឆាកនៅ វត្ត​បទុមថ្ងៃទី ១៥ ចំណែកថ្ងៃ ១៦​ Ishow Speed ត្រូវបង្ហាញខ្លួននៅ gala dinner តែ Speed គេចមិនព្រមចូលរួម នឹងថ្ងៃ ១៧ ដែលមានកម្មវិធីជួបជុំបំបែកកំណត់ត្រានៅមុខប្រាសាទអង្គវត្តក៏គ្មានវត្តមានរបស់ Speed ដែលស្ថិតក្រោមហេតុផលដដែល។

3. Speed ត្រូវចូលរួមជាមួយ Gumball ដោយជិះឡាន lamborghini sto ចេញពីភ្នំពេញទៅសៀមរាបតែ Speed បែជាមិនបានជិះទៅនិងទុកឡានខ្លួននៅភ្នំពេញរួចរួមដំណើរជាមួយក្រុមការងារដោយឡានផ្សេងទៀត (ពួននៅក្នុងឡានមិនព្រមចេញ)៕

ប្រភព៖ Z Sport