ព័ត៌មានអន្ដរជាតិ
អ្នកងប់ងុល Huawei សេរីថ្មី រអ៊ូរឿងមានលុយគ្រប់ហើយ ទៅទិញ Mate XT អត់បាន
Mate XT ជាកំពូលស្មាតហ្វូនចុងក្រោយបំផុតរបស់ក្រុមហ៊ុន Huawei ដែលទើបប្រកាសលក់ជាផ្លូវការនៅថ្ងៃសុក្រនេះ នៅក្នុងតម្លៃ២៨០០ដុល្លារ ពោលគឺស្មើនឹងជាង២ដងនៃតម្លៃ iPhone 16 Pro Max ដែលទើបប្រកាសលក់ថ្ងៃនេះដូចគ្នានៅក្នុងប្រទេសចិន។ ត្បិតមានតម្លៃថ្លៃក៏ពិតមែន ក៏ក្រុមអ្នកគាំទ្រដ៏ងប់ងុលរបស់ Huawei នៅតែបង្ហាញពីការចង់បាន ចង់ដឹង និងចង់សាកល្បងនូវកំពូលស្មាតហ្វូនថ្មីនេះដែរ ហើយដល់ថ្នាក់នៅតាមហាងលក់ទូរសព្ទធំៗរបស់ Huawei ពុំមាន Mate XT លក់ឲ្យអតិថិជនរបស់ខ្លួននោះឡើយ ដែលជាហេតុធ្វើឲ្យពួកគេសម្ដែងការខកចិត្តជាខ្លាំង។
ជានិស្សិតសកលវិទ្យាល័យមួយរូប បុរសម្នាក់ត្រកូល Ye បានប្រាប់ទីភ្នាក់ងារព័ត៌មាន Reuters ថា៖ «ខ្ញុំចាំនៅទីនេះតាំងពីម៉ោង១០យប់មិញ ព្រោះទូរសព្ទដែលអាចបត់៣តង់នេះ គឺជារបស់ដំបូងគេ ហើយខ្ញុំរំភើបក្នុងការគាំទ្រប្រទេសរបស់យើង។ ប៉ុន្តែវាជារឿងគួរឲ្យខកចិត្តខ្លាំង។ ពួកគេគួរតែប្រាប់ឲ្យដឹងថា ពួកយើងទិញវាមិនបាន»។
បើយោងតាម Reuters មនុស្សប្រហែល៣០នាក់នៅឈរតម្រង់ជួរនៅពីមុខហាង Huawei ក្នុងក្រុងប៉េកាំង ហើយប្រមាណជា៣០នាក់ផ្សេងទៀតឈរចាំនៅហាង Huawei ក្នុងខេត្ត Shenzhen នៅព្រឹកព្រលឹមថ្ងៃសុក្រ។
អ្នកវិភាគមួយចំនួន បានលើកឡើងថា ឧបសគ្គធំៗចំនួន២របស់ក្រុមអ្នកគាំទ្រ Huawei គឺសង្វាក់ផលិតកម្មផ្គត់ផ្គង់យឺតយ៉ាវ និងបញ្ហាតម្លៃស្មាតហ្វូនខ្ពស់ខ្លាំងចំពេលសេដ្ឋកិច្ចកំពុងធ្លាក់ចុះ។
ការបញ្ជាទិញទុកមុនសម្រាប់ Mate XT បានមានចំនួនជាង ៦,៥លានគ្រឿងឯណោះ ដែលស្ទើរតែទ្វេដងនៃប្រភេទស្មាតហ្វូនអេក្រង់បត់ ដែលដាក់លក់នៅទូទាំងពិភពលោកក្នុងត្រីមាសទី២នៃឆ្នាំ២០២៤ក្នុងចំនួនប្រហែល ៣,៩លានគ្រឿង។
Huawei បានបំពាក់បន្ទះឈីប Kirin 9010 ប្រវែង 7mn លើកំពូលស្មាតហ្វូន Mate XT របស់ខ្លួន ជាមួយទំហំអេក្រង់ ១០,២អ៊ីង អាចបត់បែនបាន៣តង់។ កាមេរ៉ាទាំង៣គ្រាប់របស់ស្មាតហ្វូននេះ មានទំហំ 50MP ជាប្រភេទលេន wide, 12MP ប្រភេទ telephoto និង 12MP ប្រភេទ ultrawide។ កាមេរ៉ាមុខសម្រាប់សែសហ្វីវិញមានទំហំ 8MP ប្រភេទ wide ថតរូបបានទូលាយ និងថតវីដេអូបានដល់កម្រិត 4K។ ចំណែកទំហំថាមពលថ្មគឺ 5600mAh អាចសាកថ្មល្បឿនលឿន 60វ៉ាត់ដោយប្រើខ្សែ និង 50វ៉ាត់សាកដោយពុំប្រើខ្សែ ហើយមុខងារពិសេសគឺអាចសាកថ្មឲ្យស្មាតហ្វូនផ្សេងក្នុងល្បឿន 7.5វ៉ាត់៕
ដោយ៖ ឈាង
លោក អុិន សុភិន បញ្ជាក់ជំហរថា ដាច់ខាតលោកមិនដើរផ្លូវចាស់ យក Miss Grand ចូលប្រទេសវិញទេ
ការរៀបចំឥណទានឡើងវិញជូនពលរដ្ឋចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ចជាតិ
ក្រុមហ៊ុន Mirarth ត្រៀមបំពាក់បច្ចេកវិទ្យាចុងក្រោយដំណើរការសាកល្បងកៀបយកប្រេងពីសំបកស្វាយចន្ទី
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង
ក្រសួងអប់រំ៖ ប្រឡងបាក់ឌុបព្រឹកថ្ងៃទី២ មានបេក្ខជនអវត្តមានជាង២៣០០នាក់ និងមានបញ្ហាសុខភាពជាង៤០នាក់
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
អភិបាលស្រុកល្វាឯម ដែលសូកលុយ លី សាម៉េត ៣០ម៉ឺនដុល្លារ ដើម្បីធ្វើអភិបាលក្រុងអរិយក្សត្រ ត្រូវបញ្ចប់តំណែង
សម្ពាធទាបនៅតែបន្តគ្របដណ្ដប់ ខណៈខ្យល់មូសុងឦសានក៏ចាប់ផ្តើមមានឥទ្ធិពលខ្លាំងលើកម្ពុជា
កុំខកខាន! ប្រជាជនកម្ពុជា នឹងមើលឃើញផ្កាយដុះកន្ទុយមហាកម្រ ក្នុងខែនេះ
-
ព័ត៌មានអន្ដរជាតិ៤ ថ្ងៃ agoប៉ូលិសថៃ រកឃើញហើយ! មូលហេតុនាំឲ្យឆេះរថយន្តដឹកសិស្ស
-
ព័ត៌មានអន្ដរជាតិ២៣ ម៉ោង agoអ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
ជីវិតកម្សាន្ដ១៥ ម៉ោង agoអ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ចរាចរណ៍៤ ថ្ងៃ agoរថយន្ដកាមរីឆ្លាមបើកធ្លាក់ប្រឡាយ ខណៈភ្លៀងខ្លាំងលិចផ្លូវ
-
សន្តិសុខសង្គម៦ ថ្ងៃ agoយុវជន ៣ នាក់ បាត់បង់ជីវិតដោយសារលង់ទឹក
-
ព័ត៌មានអន្ដរជាតិ៥ ថ្ងៃ agoព្រះអាទិត្យផ្ទុះអណ្តាតភ្លើង ជះព្យុះកម្តៅមកផែនដីនៅចុងសប្តាហ៍នេះ
-
ព័ត៌មានជាតិ៥ ថ្ងៃ agoខេត្តកែបទទួលបានភ្ញៀវទេសចរជិត៨ម៉ឺននាក់ ក្នុងឱកាសបុណ្យភ្ជុំបិណ្ឌ
-
សន្តិសុខសង្គម៥ ថ្ងៃ agoយុវជន៣នាក់ត្រូវទឹកគួចលង់ស្លាប់ សមត្ថកិច្ចប្រើពេលជិត២៤ម៉ោងទើបរកសពឃើញ