សុខភាព

បើមានជំងឺទឹកនោមផ្អែម តើស្ត្រីអាចមានផ្ទៃពោះបានដែរឬទេ?

បានផុស

២ years មុន

នៅ

ថ្ងៃព្រហស្បតិ៍ ២៣ កញ្ញា ២០២១

ដោយ

ដូចដែលបងប្អូនប្រជាជនយើង បានជ្រាបហើយថា ជំងឺទឹកនោមផ្អែមមាន បីប្រភេទ ប្រភេទទី១ ប្រភេទទី២ និងប្រភេទទី៣(កើតលើស្ត្រីមានផ្ទៃពោះ) ប៉ុន្តែនៅក្នុងអត្ថបទនេះ យើងខ្ញុំសុំធ្វើ ការបកស្រាយអំពីអ្នកជំងឺជាពិសេស ស្ត្រីដែលកើតជំងឺទឹកនោមផ្អែមហើយប្រាថ្នាចង់បានបុត្រតើគាត់អាចមានបុត្របានដែរឬទេ? ហើយគាត់គួររៀបចំខ្លួនបែបណាខ្លះ?

What You Need to Know If You Have Diabetes and Want to Get Pregnant | Department of Obstetrics & Gynecology | University of Washington

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គឺគាត់នៅតែអាចមានបុត្របាន ប៉ុន្តែគាត់ត្រូវតែរៀបចំខ្លួនឲ្យបានល្អ ដើម្បីជៀសវាងផលវិបាកទាំងម្តាយនិងទារក។

ស្ត្រីដែលមានជំងឺទឹកនោមផ្អែមប្រភេទទី១ ឬក៏ប្រភេទទី២ នៅពេលដែលប្រាថ្នាចង់បានបុត្រគួរគប្បីរៀបចំខ្លួនដូចខាងក្រោម៖

– ពិនិត្យហើយតាមដានជាតិស្ករឲ្យមានលំនឹងមុននឹងប្រាថ្នាយកបុត្រ (A1C< ៧%)។

– ប្រឹក្សាជាមួយគ្រូពេទ្យឯកទេសជំងឺទឹកនោមផ្អែម ចំពោះអ្នកជំងឺដែលមានជំងឺទឹកនោមផ្អែមប្រភេទទី១ ត្រូវបន្តអាំងស៊ុយលីន។

ចំណែកឯអ្នកជំងឺទឹកនោមផ្អែម ប្រភេទទី២ដែលគាត់ប្រើថ្នាំគ្រាប់ក្នុងការព្យាបាល ហើយគាត់ប្រាថ្នាយកបុត្រ គឺគាត់ត្រូវប្រឹក្សាជាមួយគ្រូពេទ្យ ដើម្បីធ្វើការផ្លាស់ប្តូរថ្នាំគ្រាប់មួយចំនួន ដែលជាយថាហេតុអាចប៉ះពាល់ទៅលើទារក ក្នុងករណីចាំបាច់ត្រូវធ្វើការ ផ្លាស់មកប្រើថ្នាំចាក់ អាំងស៊ុយលីនវិញ។

– អ្នកជំងឺទឹកនោមផ្អែមជាស្ត្រី ដែលប្រាថ្នាចង់បានបុត្រគួរគប្បីទៅពិនិត្យភ្នែក ពិនិត្យបេះដូង និង ពិនិត្យតម្រងនោម។

– បើកំពុងប្រើថ្នាំបញ្ចុះឈាម ឬថ្នាំបញ្ចុះខ្លាញ់ ត្រូវប្រឹក្សាជាមុនដើម្បីបានការជំនួស ឬបញ្ឈប់។

– អ្នកជំងឺគួរគប្បីប្រឹក្សាជាមួយគ្រូពេទ្យ ឬក៏អ្នកឯកទេសខាងជំនាញម្ហូបអាហារ។

How Can Diabetes Affect The Fertility of Male & Female

ស្ត្រីត្រូវថែរក្សាកម្រិតជាតិស្ករឲ្យបានល្អ និងតឹងរឹង បំផុត គឺមុនពេលបាយជាតិស្ករ ៩០-១០០mg/dL និងក្រោយពេលបាយពីរម៉ោងតិចជាង១២០mg/dL (ឬមួយម៉ោងក្រោយបាយតិចជាង១៤០mg/dL)៕

អត្ថបទ៖ រស្មី