មនុស្ស៥ប្រភេទនេះ មានហានិភ័យខ្ពស់អាចឈានដល់ស្លាប់ បើឆ្លង អូមីក្រុង

ថ្វីបើមនុស្សជាច្រើន ហាក់មិនព្រួយបារម្ភអំពីវីរុសបំប្លែងខ្លួន អូមីក្រុង ដោយសារតែពួកគេគិតថា មេរោគនេះបណ្តាលឲ្យមានរោគសញ្ញាស្រាលជាងវីរុសមុនៗក៏ដោយ ប៉ុន្តែវេជ្ជបណ្ឌិតអាមេរិក បានចេញការព្រមានខ្លាំងៗ។

វេជ្ជបណ្ឌិតជួរមុខក្នុងសង្គ្រាមប្រឆាំងកូវីដរបស់សហរដ្ឋអាមេរិក បានចេញការព្រមានអំពីក្រុមមនុស្សដែលប្រឈមនឹងហានិភ័យ នៃការចូលព្យាបាលក្នុងមន្ទីរពេទ្យ និងការស្លាប់ខ្ពស់បំផុត​ដោយសារវីរុសបំប្លែងខ្លួន អូមីក្រុង។

លោកវេជ្ជបណ្ឌិត Josh Denson នាយកវេជ្ជសាស្ត្រនៅមណ្ឌលថែទាំធ្ងន់ធ្ងរ និងជំងឺសួត Tulane បានកត់សម្គាល់អ្នកជំងឺជាច្រើន ហើយលោកបានរកឃើញថា ក្រុមហានិភ័យខ្ពស់មាន៥ប្រភេទ នោះគឺ៖

• មនុស្សធាត់

• អ្នកលើសឈាម

• អ្នកមានជំងឺទឹកនោមផ្អែម

• អ្នកមានជាតិស្ករខ្ពស់

• អ្នកមានជាតិកូលេស្តេរ៉ុលខ្ពស់

លោកវេជ្ជបណ្ឌិត Denson អះអាងថា ហានិភ័យនេះ មិនគិតថាតើអ្នកមានអាយុប៉ុន្មាននោះទេ។ លោកបានពិនិត្យកំណត់ត្រានៃអ្នកជំងឺកូវីដ ជាង ៤៦,០០០នាក់នៅក្នុងមន្ទីរពេទ្យទូទាំងពិភពលោក។

ការរកឃើញរបស់លោកត្រូវបានបោះពុម្ភផ្សាយនាពេលថ្មីៗនេះ នៅក្នុងទស្សនាវដ្តី American Medical Association Network Open។ លោកនិយាយថា មេរោគប៉ះពាល់ដល់សួតរបស់មនុស្សដែលមានលក្ខខណ្ឌទាំងនេះ ខ្លាំងជាងអ្នកដែលមានជំងឺរ៉ាំរ៉ៃផ្សេងទៀតដូចជាមហារីក និងជំងឺសួត ទៅទៀត៕

ប្រែសម្រួល៖ Vann Vann

ប្រភព៖ 4WWL

ចុចអាន៖ អ្នកវិទ្យាសាស្រ្តព្រមាន វីរុសបំប្លែងខ្លួនថ្មីៗ នឹងធ្ងន់ធ្ងរជាង អូមីក្រុង