សុខភាព
វៀតណាម មានអ្នកឆ្លងជំងឺផ្តាសាយបក្សី លើកដំបូងក្នុងរយៈពេល ៨ឆ្នាំ
ក្រសួងសុខាភិបាលវៀតណាម បាននិយាយកាលពីថ្ងៃព្រហស្បតិ៍ទី២០ខែតុលាថា ក្មេងស្រីអាយុ៥ឆ្នាំម្នាក់នៅខេត្ត Phu Tho ភាគខាងជើង បានក្លាយជាអ្នកជំងឺផ្តាសាយបក្សី A/H5 ដំបូងគេរបស់វៀតណាម ចាប់តាំងពីឆ្នាំ ២០១៤ មក។
លោក Tran Nhu Duong អនុប្រធានវិទ្យាស្ថានជាតិអនាម័យ និងរោគរាតត្បាត បាននិយាយថា អ្នកជំនាញមួយក្រុម ត្រូវបានបញ្ជូនទៅកាន់កន្លែងដែលក្មេងស្រីរស់នៅ ហើយដោយមានការសហការជាមួយនាយកដ្ឋានសុខភាពសត្វ, ក្រសួងកសិកម្ម និងអភិវឌ្ឍន៍ជនបទ និងអាជ្ញាធរមូលដ្ឋាន ពួកគេបានធ្វើការស៊ើបអង្កេតផ្នែកវេជ្ជសាស្ត្រទាក់ទងនឹងករណីនេះ។
ការធ្វើតេស្តសំណាកចំនួន៦៥នៃអ្នកដែលមានទំនាក់ទំនងជាមួយអ្នកជំងឺ សុទ្ធតែចេញលទ្ធផលអវិជ្ជមានមេរោគ A/H5 ហើយសុខភាពរបស់ពួកគេគឺធម្មតា។
ទោះបីជាយ៉ាងណាក៏ដោយ មិនមានការបញ្ជាក់ទេថា តើក្មេងស្រីរូបនោះឆ្លងដំបូងដោយរបៀបណា។
ចាប់តាំងពីឆ្នាំ២០០៣មក ប្រទេសវៀតណាមបានកត់ត្រាករណីជំងឺ A/H5 លើមនុស្សចំនួន១២៨នាក់ ហើយពួកគេទាំងអស់សុទ្ធតែបានឆ្លងមេរោគ H5N1។ មនុស្សចំនួន៦៤នាក់បានស្លាប់។
ក្នុងឆ្នាំ២០១៤ មានករណីឆ្លងមេរោគ H5N1 ចំនួនពីរ នៅខេត្តភាគខាងត្បូង Binh Phuoc និង Dong Thap ហើយអ្នកទាំងពីរបានស្លាប់។
ករណីជំងឺផ្ដាសាយបក្សីក្នុងចំណោមសត្វបក្សី នៅតែកំពុងរីករាលដាលក្នុងតំបន់ជាច្រើននៃប្រទេសវៀតណាម។
ជំងឺគ្រុនផ្តាសាយបក្សីចំពោះមនុស្ស អាចបង្កើតរោគសញ្ញាផ្លូវដង្ហើម ចាប់ពីកម្រិតស្រាលដូចជាគ្រុនក្តៅ និងក្អក រហូតដល់កម្រិតធ្ងន់ធ្ងរដូចជារលាកសួត ឬរហូតដល់ស្លាប់៕
ប្រែសម្រួល៖ Vann Vann
ប្រភព៖ VN Express
ចុចអាន៖ ចិន រកឃើញករណីជំងឺផ្តាសាយបក្សី H3N8 ឆ្លងពីសត្វទៅមនុស្ស ជាលើកដំបូង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ