ប្រទេសចិន បានបញ្ជាក់ពីការស្លាប់ដោយសារជំងឺកូវីដ១៩ ក្នុងកម្រិតកំណត់ត្រា ដោយរាយការណ៍ថា មនុស្សជិត៦០០០០នាក់បានស្លាប់ ដោយសារវីរុសនេះក្នុងរយៈពេល ៥សប្តាហ៍ចុងក្រោយ ហើយបានទទួលស្គាល់ថា​ ចំនួនអ្នកស្លាប់ទំនងជាច្រើនជាងនេះ។

គណៈកម្មការសុខភាពជាតិ (NHC) បានប្រកាសកាលពីថ្ងៃសៅរ៍ទី១៤ខែមករាថា មានអ្នកស្លាប់ដោយសារជំងឺកូវីដ-១៩ ចំនួន ៥៩៩៣៨ នាក់នៅក្នុងប្រទេសចិន គិតចាប់ពីថ្ងៃទី ៨ ខែធ្នូ ដល់ថ្ងៃទី ១២ ខែមករា។

ក្នុងចំណោមនោះ មនុស្ស ៥៥០៣ នាក់ បានស្លាប់ដោយសារជំងឺផ្លូវដង្ហើមដែលបង្កឡើងដោយផ្ទាល់ពីវីរុស ខណៈ ៥៤៤៣៥នាក់បានស្លាប់ដោយសារឈឺទាំងកូវីដនិងមានជំងឺរ៉ាំរ៉ៃជាប់ខ្លួន។

ទោះបីជាយ៉ាងណាក៏ដោយ ការស្លាប់ដែលបានរាយការណ៍ទាំងអស់នេះ គឺកើតឡើងនៅក្នុងមន្ទីរពេទ្យ ដែលមានន័យថា តួលេខនេះមិនរាប់បញ្ចូលទាំងចំនួនមនុស្សដែលស្លាប់នៅក្នុងផ្ទះ ឬកន្លែងផ្សេងទៀតនោះទេ។

ការស្លាប់ដោយសារជំងឺកូវីដ១៩ផ្ទាល់ចំនួន ៥៥០៣នាក់ ដែលបានរាយការណ៍សម្រាប់រយៈពេលប្រាំសប្តាហ៍កន្លងមកនេះ គឺលើសពីចំនួនសរុប ៥២៧២នាក់ដែលទីក្រុងប៉េកាំងធ្លាប់បានប្រកាស ចាប់តាំងពីមេរោគត្រូវបានរកឃើញជាលើកដំបូងនៅក្នុងទីក្រុង Wuhan ភាគកណ្តាលកាលពីចុងឆ្នាំ២០១៩៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ចិន គំរាមសងសឹក ចំពោះប្រទេសណា ដែលដាក់កំហិតកូវីដ លើអ្នកដំណើររបស់ខ្លួន