របៀបថែទាំអ្នកសង្ស័យមានផ្ទុកកូវីដ-១៩ ខណៈសម្រាកនៅផ្ទះ

ចំពោះករណីសង្ស័យថា អ្នកឬសមាជិកគ្រួសារ មានផ្ទុកវីរុសកូវីដ១៩ ក្រសួងតម្រូវឱ្យធ្វើចត្តាឡីស័ក រយៈពេល ១៤ ថ្ងៃដើម្បីតាមដានសុខភាព។

ក្នុងអំឡុងពេលនេះ អ្នកអាចអនុវត្តនូវវិធានការសុខាភិបាលមួយចំនួនដើម្បីថែរក្សាខ្លួន ឬសមាជិក ឱ្យចៀសបាននូវការចម្លងរោគដោយ៖

-ត្រូវប្រាកដថា អ្នកជំងឺសម្រាកបានគ្រប់គ្រាន់ ផឹកទឹកបានច្រើន និងបរិភោគអាហារដែលមានជីវជាតិ។

-បើទ្វារបង្អួចក្នុងផ្ទះឱ្យមានខ្យល់ចេញចូល និងពន្លឺគ្រប់គ្រាន់។

-ពាក់ម៉ាសនៅពេលដែលអ្នកចូលទៅក្នុងបន្ទប់របស់អ្នកជំងឺ ហើយចៀសវាងការប៉ះពាល់ម៉ាសឬមុខ ទាំងក្នុងកំលុងពេលប្រើប្រាស់និងពេលដោះចេញ។

-ឧស្សាហ៍លាងដៃជាមួយនឹងសាប៊ូ ឬអាល់កុល ឬជែល ឲ្យបានញឹកញាប់នៅពេលដែលមានការទាក់ទងជាមួយអ្នកជំងឺ ឬប៉ះវត្ថុប្រើប្រាស់នៅជិតខ្លួនគេ។

-សម្អាតដៃនៅមុនពេល កំឡុងពេល ក្រោយពេលរៀបចំអាហារ មុនពេលបរិភោគអាហារ និងក្រោយពេលប្រើប្រាស់បន្ទប់ទឹករួច។

-ប្រើប្រាស់ ចាន ស្លាបព្រា កែវទឹក កន្សែង និង កន្លែងគេងរបស់អ្នកដោយដាច់ដោយឡែកពីគេ និងលាងសម្អាតរបស់ទាំងនោះ ឱ្យបានស្អាត ជាមួយសាប៊ូនឹងទឹក។

-សម្អាតកន្លែងដែលអ្នកជំងឺឧស្សាហ៍ប៉ះពាល់ ឱ្យបានញឹកញាប់

-បោកគក់សម្លៀកបំពាក់ កម្រាល កន្ទេល មុង ភួយ ស្រោមខ្នើយ។ល។ ឱ្យបានជាប្រចាំ។

-ទាក់ទងទៅកាន់ភ្នាក់ងារសុខភាពភ្លាមៗ បើសិនជាអ្នកជំងឺមានអាការៈពិបាកដកដង្ហើម៕

ប្រែសម្រួល៖ សន្យា

ប្រភព៖ WHO

ចុចអាន៖ អ្នក​កំពុង​ធ្វើ​ចត្តាឡីស័ក ​គួរ​អនុវត្ត​គោលការណ៍​ណែនាំ​ទាំង​នេះ ការពារ​ខ្លួន​ឆ្លង​កូវីដ

ចុចអាន៖ តើកុមារមានលក្ខណៈពិសេសអ្វី បានជាប្រឈមនឹងកូវីដតិចជាងមនុស្សចាស់?