សុខភាព
តើកុមារមានលក្ខណៈពិសេសអ្វី បានជាប្រឈមនឹងកូវីដតិចជាងមនុស្សចាស់?
តើវីរុសកូវីដ-១៩ប៉ះពាល់លើកុមារដែរឬទេ?
កូវីដ-១៩ជាវីរុសមួយ ដែលក្រុមអ្នកជំនាញមិនទាន់ដឹងច្បាស់ថា វាអាបង្កផលប៉ះពាល់ដល់កុមារយ៉ាងដូចម្តេចនោះទេ។ រហូតមកដល់ពេលនេះ មានករណីតិចតួចណាស់ដែលបានរាយការណ៍អំពីការឆ្លងវីរុស COVID-19 ទៅលើកុមារ។ វីរុសនេះកម្របង្កគ្រោះថ្នាក់ដល់ជីវិតក្មេងណាស់ ដែលមកទល់បច្ចុប្បន្ន ភាគច្រើននៃការស្លាប់គឺកើតឡើងតែចំពោះមនុស្សវ័យចំណាស់ដែលមានជំងឺប្រចាំកាយរួចទៅហើយប៉ុណ្ណោះ។
យ៉ាងណាមិញ អ្វីដែលច្បាស់ គឺក្មេង ពុំសូវឈឺ ពុំសូវមានជំងឺប្រឈមហានិភ័យដូចជា ជំងឺធាត់ជ្រុល លើសឈាម ឬទឹកនោមផ្អែមទេ ទើបនាំឱ្យអត្រាឆ្លង ស្ថិតក្នុងកម្រិតទាប។
បើនិយាយអំពីរបៀបធ្វើសកម្មភាពរបស់វីរុស សរីរាង្គក្មេងដូចជាមិនសូវចាប់ ឬមិនងាយទទួលយកមេរោគកូរ៉ូណាឬមិនសូវឆ្លង និងចម្លងមេរោគដូចមនុស្សចាស់ឡើយ ព្រោះប្រព័ន្ធសរីរាង្គក្មេងបញ្ចេញប្រតិកម្មដាក់មេរោគខុសពីមនុស្សចាស់។
អ៊ីចឹងហើយ! បានមានការសិក្សាច្រើនណាស់ ជុំវិញប្រព័ន្ធការពារខ្លួនរបស់កុមារ។ សកម្មភាពនៃប្រព័ន្ធការពារខ្លួនរបស់ក្មេង ដែលទំនងជាខុសពីប្រព័ន្ធការពារខ្លួនរបស់មនុស្សចាស់ ទើបក្មេងប្រឈមឈ្នះនឹងកូវីដ១៩ ខុសឆ្ងាយខ្លាំងពីមនុស្សចាស់។ ប៉ុន្តែទាំងនេះស្ថិតនៅក្នុងដំណាក់កាលសិក្សាស្រាវជ្រាវនៅឡើយ។ កូវីដ-១៩ នៅតែជាចំណោទនិងចម្ងល់ដ៏ធំរបស់អ្នកវិទ្យាសាស្ត្រដដែល។
តើគួរធ្វើដូចម្តេច ប្រសិនបើកូនមានរោគសញ្ញានៃវីរុសកូវីដ-១៩?
ប្រសិនសង្កេតឃើញក្មេងៗ មានរោគសញ្ញាពាក់ព័ន្ធកូវីដ សូមសុំយោបល់ពីគ្រូពេទ្យ ប៉ុន្តែត្រូវចងចាំថា ជំងឺផ្តាសាយនិងរោគសញ្ញានៃវីរុស COVID-19 ដូចជា ក្អកឬគ្រុនក្តៅអាចលក្ខណៈស្រដៀងគ្នា។
ទោះយ៉ាងណា ដើម្បីចៀសការចម្លងក្នុងកម្រិតទាប សូមបន្តអនុវត្តវិធានការសុខភាពនិងអនាម័យដូចជា លាងដៃឱ្យបានទៀងទាត់ និងនាំកូនទៅចាក់ថ្នាំបង្ការឱ្យបានទៀងទាត់ ដូច្នេះកូនរបស់លោកអ្នកត្រូវបានការពារពីវីរុសនានា រួមទាំងបាក់តេរីដែលបង្កជំងឺផ្សេងៗផងដែរ។
ដូចគ្នានឹងជំងឺផ្លូវដង្ហើមដទៃទៀតដូចជា ជំងឺគ្រុនផ្តាសាយជាដើម សូមស្វែងរកការព្យាបាលឱ្យបានឆាប់រហ័ស ប្រសិនបើអ្នកឬកូនរបស់អ្នកមានរោគសញ្ញាទាំងនេះ ហើយព្យាយាមជៀសវាងការធ្វើដំណើរទៅកាន់កន្លែងសាធារណៈ ដើម្បីការពារការឆ្លងរាលដាលដល់អ្នកដទៃ៕
អត្ថបទ៖ សន្យា
ប្រភព៖ UNICEF
ចុចអាន៖ ការស្រាវជ្រាវ៖កុមារ១ភាគ៣ដែលឆ្លងកូវីដមិនបង្ហាញរោគសញ្ញាទេ
ចុចអាន៖ រោគសញ្ញាជំងឺកូវីដដែលកើតជាទូទៅចំពោះកុមារ ខុសពីមនុស្សពេញវ័យ
-
ព័ត៌មានជាតិ២ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៥ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ១ សប្តាហ៍ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម៦ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី