KPT+

ចប់ចំណេះទូទៅ រើសមុខវិជ្ជារៀនបែបណាកុំឲ្យខុស?

បានផុស

៥ years មុន

នៅ

ថ្ងៃអង្គារ ១០ វិច្ឆិកា ២០២០

ដោយ

ក្រោយពីបញ្ចប់ការសិក្សាថ្នាក់វិទ្យាល័យ សិស្សគ្រប់គ្នានឹងត្រូវបន្តការសិក្សានៅសាកលវិទ្យាល័យបន្ថែមទៀត។ ប៉ុន្តែមានសិស្សខ្លះកំពុងមានបញ្ហាក្នុងការជ្រើសរើសមុខវិជ្ជារៀនដោយមិនដឹងថាខ្លួនត្រូវរៀនអ្វីឲ្យបានត្រឹមត្រូវ ។

រៀនមុខវិជ្ជាដែលយើងស្រឡាញ់

ជ្រើសយកមុខវិជ្ជាដែលយើងស្រឡាញ់ និងមានជំនាញតាំងពីក្មេង ព្រោះងាយស្រួលក្នុងការរៀន ជាជាងការបង្ខំចិត្តតាមឪពុកម្ដាយ ឬអ្នកផ្ទះ។ ពេលយើងរៀនចប់ យើងនឹងឆាប់រកការងារបានរហ័សដោយសារយើងមានចំណង់ចំណូលចិត្ត និងសមត្ថភាពពីកំណើត។

គិតពីទីផ្សារនៃមុខវិជ្ជា

ប្រសិនបើយើងចេះតែរៀន គ្មានគោលដៅ ហើយមិនដឹងថាមុខវិជ្ជានេះស្របទៅនឹងទីផ្សារការងារបច្ចុប្បន្នឬអត់ វាប្រៀបដូចនឹងបំផ្លាញអនាគតខ្លួនឯងអ៊ីចឹង ពីព្រោះយើងគ្មាន ជំនាញដែលទីផ្សារត្រូវការ។

រៀនតាមមុខវិជ្ជាដែលយើងពូកែបំផុត

បើសិនយើងពូកែខាងគណិតវិទ្យា ហើយទទួលបានចំណាត់ថ្នាក់ល្អជាងគេលើមុខវិជ្ជានេះ យើងគួរជ្រើសរើសសិក្សា ខាងវិស្វករ គណនេយ្យ ឬខាងណាដែលទាក់ទៅនឹងគណិតវិទ្យា។ ការជ្រើសយកមុខវិជ្ជាដែលខ្លួនពូកែបំផុត វាបង្កភាពងាយស្រួលដល់ដំណើរការរៀន និងធ្វើឲ្យជំនាញដែលយើងបានជ្រើសរើសទទួលបានលទ្ធផលល្អ។

កុំរៀនតាមគ្នា

សិស្សមួយចំនួនមិនខ្វល់ពីការរៀនចេះឬមិនចេះនោះទេ សំខាន់ពួកគេចង់រៀនជុំគ្នាជាមួយមិត្តភ័ក្ដិ។ ការសម្រេចចិត្តបែបនេះ ធ្វើឲ្យយើងមិនបានផលប្រយោជន៍អ្វីទាំងអស់ ខាតទាំងពេលវេលា ខាតទាំងលុយ ខាតទាំងសម្ភារៈ និងអាចរៀនមិនចេះផង។

ពិគ្រោះជាមួយអ្នកមានបទពិសោធន៍

បើយើងស្មុគស្មាញខ្លាំង យើងអាចពិគ្រោះយោបល់ជាមួយអ្នកប្រឹក្សា ឬអ្នកមានបទពិសោធន៍ល្អដែលធ្លាប់ដើរមុនយើង។ ពួកគេអាចបង្ហាញផ្លូវវិជ្ជមានដល់យើង ពីព្រោះពួកគេមានចំណេះដឹងគ្រប់គ្រាន់ ចាស់បទពិសោធន៍ អាចណែនាំនូវមុខវិជ្ជាដែលត្រឹមត្រូវបាន៕

ប្រែសម្រួល៖ សន្យា

ប្រភព៖ liveaboutdotcom

Related Topics:ចំណេះដឹងថ្មី