KPT+
គេងមិនគ្រប់គ្រាន់នៅថ្ងៃធ្វើការ អាចគេងសងនៅថ្ងៃចុងសប្ដាហ៍បានអត់?
យើងគ្រប់គ្នាតែងក្រោកពីគេងលឿន និងពេលខ្លះចូលគេងយប់ជ្រៅទៀតនៅថ្ងៃធ្វើការ ហើយនៅថ្ងៃចុងសប្ដាហ៍យើងតែងគេងយូរដើម្បីប៉ះប៉ូវទៅលើការគេងមិនគ្រប់គ្រាន់អំឡុងថ្ងៃធ្វើការ។ ប៉ុន្តែការគេងសងនេះពិតជាអាចប៉ះប៉ូវនូវការគេងមិនគ្រប់គ្រាន់របស់យើងបានដែរឬយ៉ាងណា?
ជាការពិតយើងមិនអាចគេងសងការគេងមិនគ្រប់គ្រាន់របស់យើងបានទេ។ យើងប្រហែលសម្គាល់ឃើញហើយថាមិនថាយើងព្យាយាមគេងច្រើនយ៉ាងម៉េចនៅថ្ងៃចុងសប្ដាហ៍ ក៏មិនបានជួយឲ្យយើងទទួលបានថាមពលដែលយើងបាត់បង់អំឡុងថ្ងៃធ្វើការបានដែរ។ ប្រសិនជាយើងគេងមិនគ្រប់គ្រាន់នៅថ្ងៃនេះ យើងគួរប៉ះប៉ូវវិញនៅថ្ងៃដដែល។ ការគេងសងក្រោយពីរយៈពេលយូរគឺមិនអាចប៉ះប៉ូវការគេងមិនគ្រប់គ្រាន់នេះទេ។ ផ្ទុយទៅវិញ ការធ្វើបែបនេះអាចប៉ះពាល់ដល់ការប្រតិកម្ម និងការផ្ចង់អារម្មណ៍របស់យើងរួមទាំងអាចនឹងរំខានដល់ទម្លាប់នៃការគេងប្រចាំថ្ងៃរបស់យើងទៀត។
មិនថាដោយមូលហេតុអ្វីដែលធ្វើឲ្យយើងចូលគេងយឺតក៏ដោយ ការគេងគឺសំខាន់ណាស់។ នៅពេលយើងហត់នឿយ សូម្បីតែកិច្ចការតូចតាចក៏ពិបាកក្នុងបំពេញដែរ ដូចជាការសន្ទនាជាដើម ព្រោះយើងពិបាកក្នុងការផ្ចង់អារម្មណ៍។ ការគេងមិនគ្រប់គ្រាន់ក៏បង្កគ្រោះថ្នាក់បានពេលយើងកំពុងបើកបរ និងប៉ះពាល់ដល់ការចងចាំរយៈពេលខ្លី។ ទម្លាប់នៃការគេងមិនទៀងទាត់អាចបង្កើនហានិភ័យជំងឺផ្សេងៗដូចជាជំងឺទឹកនោមផ្អែម ឡើងទម្ងន់ អាការៈថប់បារម្ភ ជំងឺបាក់ទឹកចិត្ត និងជំងឺបេះដូង។
ដូចនេះហើយយើងគួរទៅគេងនៅពេលយើងមានអារម្មណ៍ថាអស់កម្លាំង ឬងងុយគេង។ យើងអាចប្រើម៉ោងរោទ៍ដើម្បីដាស់តឿនឲ្យចូលគេងលឿនបាន។ ម៉្យាងទៀត បើយើងប្រើទូរស័ព្ទ ឬកុំព្យូទ័រមុនចូលគេងគួរបន្ថយពន្លឺឲ្យសល់តិច។
ក្នុងករណីដែលយើងចង់ប៉ះប៉ូវការគេងមិនគ្រប់គ្រាន់ យើងអាច៖
- គេងថ្ងៃ២០នាទីមុនម៉ោង៣ល្ងាច
- គេងឲ្យបានច្រើនមួយទៅពីរយប់បន្ទាប់
- ចូលគេងឲ្យបានលឿននៅយប់បន្ទាប់៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ មូលហេតុ យើងតែងងងុយគេងពេលបាយថ្ងៃត្រង់ ក្នុងអំឡុងម៉ោងធ្វើការ
ចុចអាន៖ គេងសុខៗថប់ ដកដង្ហើមមិនដល់គ្នា បណ្តាលមកពីអីឲ្យប្រាកដ?
-
ព័ត៌មានជាតិ១៨ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)