ជប៉ុនបង្កើតឧបករណ៍គេងបញ្ឈរសម្រាប់អ្នកធ្វើការហត់

ថ្មីៗនេះក្រុមហ៊ុនជប៉ុនមួយបានបង្ហាញនូវឧបករណ៍ម្យ៉ាង ដែលអាចជួយឲ្យអ្នកធ្វើការហត់អាចសម្រាកមួយរយៈពេលខ្លី ។

កន្លងមកអ្នកសិក្សាតែងឲ្យដឹងថា ការគេងយកកម្លាំងរយៈពេលខ្លីអាចជួយបង្កើនផលិតភាព ភាពរហ័សរហួន និងធ្វើឲ្យអ្នកកាន់តែពូកែច្នៃប្រឌិតជាដើម ។

ឧបករណ៍ខាងលើមានឈ្មោះថា Giraffenap ដែលយកគំនិតពីសត្វកវែង ។ នៅខាងក្នុងមានសម្ភារៈទ្រទ្រង់រាងកាយឲ្យងាយស្រួលគេង ជាពិសេសការពារសំឡេងរំខានថែមទៀតផង ។

មែនទែនទៅ Giraffenap គឺជាផលិតផលរបស់ក្រុមហ៊ុន Koyoju Plywood នៅកោះហុកកៃដូ ប្រទេសជប៉ុន ដែលជាប្រទេសមានផ្នត់គំនិតល្អលើបុគ្គលិកគេងម៉ោងការងារ ។

ក្រុមហ៊ុន Koyoju Plywood បញ្ជាក់ដែលថា ឧបករណ៍នេះមានកម្ពស់ ២.៥ ម៉ែត្រ និងទទឹង ១.២ ម៉ែត្រប៉ុណ្ណោះ សម្រាប់ទ្រទ្រង់មនុស្សទម្ងន់ក្រោម ១០០ គីឡូក្រាម ។

មួយវិញទៀតគេណែនាំឲ្យអ្នកគេងរយៈពេល ២០ នាទី ឬមិនលើសពី ៣០ នាទី ទើបមិនប៉ះពាល់ដល់ដំណេកនាពេលរាត្រី ៕

ប្រែសម្រួល៖ វារី

ប្រភព៖ Dailymail

ចុចអាន៖ នៅជប៉ុន៖ ក្រុមហ៊ុនខ្លះ បានរៀបចំកន្លែងគេងសម្រាប់បុគ្គលិក ដើម្បីតបស្នងនៃការខិតខំធ្វើការរបស់ពួកគេ