សមាជិក TVXQ មានឈ្មោះជាសេដ្ឋីនិងជា​តារា​ដែល​មាន​ជាង​គេ​បំផុតក្នុង​វិស័យ K-POP
Connect with us
Helistar Cambodia - Helicopter Charter Services

KPT+

សមាជិក TVXQ មានឈ្មោះជាសេដ្ឋីនិងជា​តារា​ដែល​មាន​ជាង​គេ​បំផុតក្នុង​វិស័យ K-POP

Published

on

Kim Jae-joong សមាជិក​របស់ TVXQ គឺ​ជា​តារា​ដែល​មាន​ជាង​គេ​បំផុត​ក្នុង​វិស័យ K-pop ក្នុងឆ្នាំនេះ ។ ភាព​ប៉ិនប្រសប់​និង​ការ​ខិតខំ​ប្រឹងប្រែង​​បាន​ធ្វើ​ឲ្យ Kim Jae-joong រក​ប្រាក់​បាន​យ៉ាង​ច្រើន ​ពី​អាល់ប៊ុម​តន្ត្រី​លក់​ដាច់​បំផុត​និង​ក្នុង​វិស័យ K-dramas ។  លោក​ត្រូវ​បាន​គេ​រាយការណ៍​មក​ថា​ មាន​ទឹកប្រាក់​សុទ្ធ​ប្រមាណ ១០០ លាន​ដុល្លារ​អាមេរិក និង​​ជា​តារា K-pop ដែល​មាន​ជាងគេ​បំផុត​នៅ​កូរ៉េ។

ទោះ​យ៉ាងណា ​ការ​ឈាន​ដល់​ឋានៈ​ជា​សេដ្ឋី​មិន​ងាយស្រួល​សម្រាប់​អ្នក​សំដែង​ដែល​មាន​អាយុ ៣៤ ឆ្នាំ​នោះ​ទេ។ នៅ​អាយុ ១៥ ឆ្នាំ Kim បាន​ផ្លាស់​ទៅ​ទីក្រុង​សេអ៊ូល​ដើម្បី​ធ្វើ​សវនកម្ម​នៅ​ផលិតកម្ម SM ។ លោក​ត្រូវ​ធ្វើការ​ក្រៅ​ម៉ោង​ដើម្បី​ផ្គត់ផ្គង់​ខ្លួនឯង​ និង​បង់ថ្លៃ​ឈ្នួល​ក្នុងវគ្គ​បណ្ដុះបណ្ដាល។

ក្នុង​ឆ្នាំ ២០០៣ លោក​បាន​ក្លាយ​ជា​អ្នក​ចម្រៀង​នាំ​មុខ​គេ ​នៃ​ក្រុម​ចម្រៀង​ប្រុស TVXQ ។ ក្រុម​នេះ​បាន​រំសាយ​កាល​ពី​ឆ្នាំ ២០១០ ដោយ​មាន Kim និង​អតីត​សមាជិក​ពីរ​នាក់​ទៀត​គឺ Park Yoo-chun និង​ Kim Jun-su ដោយបង្កើតឈ្មោះថា  JYJ ។  ស្រប​ពេល​ដែល JYJ រីករាយ​នឹង​ការ​អបអរសាទរ​អន្តរជាតិ Kim Jae-joong ក៏​បាន​រក​ឃើញ​ជោគជ័យ ​ក្នុង​នាម​ជា​អ្នក​សិល្បៈ​ទោល​ដោយ​លក់​អាល់ប៊ុម​បាន​កន្លះ​លាន​ក្នុង​ឆ្នាំ ២០១៧ ។

១. លោក​បាន​វិនិយោគ​លើ​អចលនទ្រព្យ

ដូចជា Song Hye-kyo និង Jun Ji-hyun ដែរ​ តារា​សម្ដែង​ដែល​មាន​ប្រាក់ខែ​ខ្ពស់​ជាង​គេ​នៅ​កូរ៉េ​រូប​នេះ ​មិន​ខ្លាច​ក្នុង​ការ​ចំណាយ​លុយ​ទៅ​លើ​អាគារ​និង​ផ្ទះ​ល្វែង​ទេ។

ក្នុង​ឆ្នាំ ២០១២ លោក​បាន​ទិញ​ផ្ទះ​ល្វែង​មួយ​នៅ Samsung-dong ក្នុង​តម្លៃ ២,៥ លាន​ដុល្លារ​ និង​អគារ ៧ លាន​ដុល្លារ​នៅ Seocho-dong ដោយ​តម្លៃ​ជួល​គឺ ៤.៩០០ ដុល្លារ​និង ៣៥.០០០ ដុល្លារ​ក្នុង​មួយ​ខែៗ ។ ពីរ​ឆ្នាំ​ក្រោយ​មក​ លោក​បាន​ទិញ​អាគារ ៧ លាន​ដុល្លារ​អាមេរិក (មាន​ឈ្មោះ​ថា J.Line Building) នៅ Seocho-dong  បន្ទាប់មក​គឺ​ផ្ទះ​ល្វែង​ប្រណិត ២ លាន​ដុល្លារ​នៅ Seongsu-dong ក្នុង​ឆ្នាំ ២០១៧ ។

លោក​ក៏​ជា​សហគ្រិន​មួយ​រូប​ ដែល​មាន​ហាង​កាហ្វេ ​បារ​និង​ភោជនីយដ្ឋាន​មួយ​ចំនួន។ ហាង​កាហ្វេ J-Holic និង​កាហ្វេ Cojjee នៅ Samsung-dong និង  បារ Holic J  និង​ភោជនីយដ្ឋាន​ជប៉ុន​ឈ្មោះ Bum នៅ​តំបន់ Gangnam ។ នៅ​ខាងក្រៅ​ប្រទេស​កូរ៉េ​ លោក​ក៏​ជា​ម្ចាស់​ផ្សារ​ទំនើប​នៅ  Shibuya ទីក្រុង​តូក្យូ​តម្លៃ ៤ ម៉ឺន​ដុល្លារ។

២. កំពូល​តារា​ដែល​មាន​រថយន្ត​ទំនើបៗ​ច្រើន​ជាង​គេ

ជាមួយ​នឹង​ប្រាក់​ដែល​លោក​ទទួល​បាន​ពី​ការ​ជួល​អចលនទ្រព្យ​ គឺ​មិន​មាន​អ្វី​គួរ​ឲ្យ​ភ្ញាក់ផ្អើល​ទេ ​អ្វី​ដែល​ដែល​ភ្ញាក់ផ្អើល​បំផុត​នោះ​គឺ​ លោក​ក៏​ជា​កំពូល​តារា​ដែល​ចូលចិត្ត​ប្រមូល​ផ្ដុំ​រថយន្ត​ប្រណីត​ៗ​ផង​ដែរ។

យោង​តាម​របាយការណ៍ AllKpop លោក​មាន​ឡាន​ថ្លៃ​ៗ ចំនួន ៦ គឺ Lamborghini Murcielago LP640 (៥២០,០០០ ដុល្លារ​អាមេរិក), Bentley Continental, (៣០ ម៉ឺន​ដុល្លារ), Mitsuoka Himiko (១១៥,០០០ ដុល្លារ), Audi R8 (២៤០,០០០ ដុល្លារ), Rolls-Royce Wraith (៤៦០,០០០ ដុល្លារ​អាមេរិក) ។ ) និង Ferrari 458 (២៨០,០០០ ដុល្លារ) ។

៣. លោក​បាន​ទិញ​ផ្ទះ​ល្វែង​ប្រណីត​និង​ជា​ម្ចាស់​វត្ថុ​សិល្បៈ​ដ៏​កម្រ

ក្រៅ​ពី​ផ្ទះ​ល្វែង​​តម្លៃ ២ លាន​ដុល្លារ​ ដែល​លោក​បាន​ទិញ​នៅ Seongsu-dong ត្រូវ​បាន​បង្ហាញ​នៅ​ក្នុង​កម្មវិធី​ទូរទស្សន៍​ជប៉ុន​មួយ​ថា ​​លោក​បាន​ទិញ​ផ្ទះ​ល្វែង​មួយ​ផ្សេង​ទៀត​តម្លៃ ៤,៤ លាន​ដុល្លារ។

ក្នុង​ផ្ទះ​ប្រណីត​នេះ​រួមបញ្ចូល​ទាំង​តុ​បរិភោគ​អាហារ​ធ្វើ​ពី​ថ្មម៉ាប​ចំនួន ៤៤,០០០ ដុល្លារ​ កម្រាល​ព្រំ​ចំនួន ៣៥.០០០ ដុល្លារ​ និង​ស្នាដៃ​សិល្បៈ​ Yayoi Kusama pumpkin ដែល​មាន​តម្លៃ ១៧៨,០០០ ដុល្លារ៕

ប្រែសម្រួល៖ សាង ស្រីល័ក្ខ

ប្រភព៖scmp

ចុចអាន៖សមាជិក​សភា​ជប៉ុន ​ក្លាយ​ជា​មហាសេដ្ឋី​ដោយ​ការ​លក់​សេវាកម្ម​ហត្ថលេខា​តាមអ៊ីនធឺណិត

ចុចអាន៖គូស្នេហ៍មិនទាន់រៀបការទៅជួលបន្ទប់នៅឌូបៃ នឹង​ប្រឈម…..

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services