បុរស ៦ប្រភេទ​ នារី​មិន​គួរ​ខាត​ពេលភ្ជាប់ស្នេហ៍ជាមួយ ព្រោះអាច​នឹង​​ស្ដាយ​ក្រោយ​
Connect with us
Helistar Cambodia - Helicopter Charter Services

KPT+

បុរស ៦ប្រភេទ​ នារី​មិន​គួរ​ខាត​ពេលភ្ជាប់ស្នេហ៍ជាមួយ ព្រោះអាច​នឹង​​ស្ដាយ​ក្រោយ​

បានផុស

នៅ

ការណាត់ជួបភ្ជាប់ស្នេហ៍ជាមួយបុរសណាម្នាក់ មិនមែនគ្រាន់តែជួបមុខគេនោះទេ តែវាជាការជួបសិក្សាពីគ្នាដើម្បីបន្តជាស្នេហាយល់ចិត្តយូរអង្វែង។ ដូច្នេះគួរតែប្រយ័ត្នប្រយែងមុនពេលចង់ទាក់ទងជាមួយបុរសណា ចៀសវាងការខូចចិត្តនៅពេលក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមនេះគឺជាបុរស ៦ ប្រភេទដែលអ្នកគួរតែនៅឲ្យឆ្ងាយ៖

១. បុរសគ្មានគោលដៅ

បុរសដែលមិនដឹងថាខ្លួនគេចង់បានអ្វី ឬចង់ធ្វើអ្វី ជាបុរសគ្មានគោលដៅជីវិតពិតប្រាកដ។ មនុស្សប្រុសបែបនេះមិនគួរយកខ្លួនទៅក្បែរឡើយ ព្រោះសូម្បីខ្លួនគេ ក៏មិនប្រាកដប្រជាខ្លួនដែរ តើយើងជាអ្នកដទៃអាចសង្ឃឹមអ្វីបាន? គេមិនមែនជាក្មេងទៀតឡើយ គេគួរតែដឹងថាត្រូវធ្វើអ្វីក្នុងនាមជាមនុស្សធំម្នាក់។

២. បុរសជាអ្នកលេង

បុរសជាអ្នកលេងពិបាកបំផុតក្នុងការកែប្រែ។ ភាគច្រើនការកែប្រែរបស់គេ ក៏បានតែមួយឆាវប៉ុណ្ណោះ។ នៅពេលគេទាល់ច្រក សូម្បីតែខោអាវរបស់យើងក៏គេអាចលួចយកទៅបានដែរ។ កុំសង្ឃឹមទៅកែគេអី!​ យើងមានឱកាសច្រើនទៀតក្នុងការជួបអ្នកផ្សេងដែលល្អជាងគេ។ ដូច្នេះកុំបង្ខាតពេលជាមួយមនុស្សប្រុសប្រភេទនេះ។

៣. បុរសតាំងខ្លួនជាម្ចាស់

បុរសដែលដែលចង់ប្ដូរយើងគ្រប់យ៉ាង ជាបុរសដែលយល់តែចិត្តខ្លួនឯងប៉ុណ្ណោះ។ ទទួលស្គាល់ថា ក្នុងទំនាក់ទំនងដៃគូត្រូវប្ដូរចំពោះគ្នាម្នាក់បន្តិច ទើបស្នេហាមានចំណងរឹងមាំ។ តែបុរសប្រភេទនេះ គេនិយមបង្ខំ និងតែងតែចង់គ្រប់គ្រងមនុស្សស្រីឲ្យតាមផ្គាប់ផ្គន់គេជានិច្ច។ គេជាមនុស្សដែលតែងគិតខ្លួនឯងជាទីមួយមុនអ្នកណាៗទាំងអស់ ពោលគឺអាត្មានិយម។

៤. បុរសចំណូលដ្រាម៉ា

បុរសបែបនេះចូលចិត្ត Drama អារម្មណ៍រមែងវិលវល់ និងឧស្សាហ៍កើតទុក្ខខុសទំនង។ គេមិនមែនជាមនុស្សដែលមានបញ្ហាផ្លូវចិត្តអ្វីទេ តែជាមនុស្សប្រុសដែលទាមទារការចាប់អារម្មណ៍ និងការយកចិត្តទុកដាក់គ្រប់ពេលវេលា។ គេធ្វើខ្លួនជាមនុស្សទន់ជ្រាយប្រៀបបាននឹងអ្នកជំងឺ ដែលត្រូវការនារីតាមថែដូចម្ដាយ។​ បើបានជួបបុរសបែបនេះ មិនគួរទាក់ទងនោះទេ ព្រោះថាយើងមិនមែនអាណាព្យាបាលគេឡើយ។

៥. បុរសទើបបែកបាក់ស្នេហ៍

បុរសដែលទើបតែបែកបាក់ស្នេហា ជាទូទៅគេគ្មានស្នេហ៍ស្មោះឲ្យយើងនោះទេ ដោយសារគេនៅសល់អារម្មណ៍ឈឺចាប់ពីអតីតកាល។ អាចថា គេមកទាក់ទងយើងគ្រាន់តែចង់បំភ្លេចអ្នកចាស់ ឬព្យាយាមធ្វើបាបមនុស្សស្រីឲ្យឈឺចាប់ដូចគេធ្លាប់ទទួលប៉ុណ្ណោះ។ ជាការល្អ កុំព្យាយាមភ្ជាប់ស្នេហ៍ជាមួយបុរសនេះ ឬទាក់ទងនឹងគេធ្វើអីទៀត នាំតែកើតទុក្ខទទេៗ ឥតអំពើ។

៦. សង្សារចាស់

កុំត្រឡប់ទៅអតីត ទុកឲ្យវានៅតែវាទៅ ដោយកុំទៅព្យាយាមទាក់ទងជាមួយសង្សារចាស់ម្ដងទៀត ព្រោះថាបើអ្នកទាំងពីរពិតជាស្រឡាញ់គ្នាពិតមែន យើងក៏មិនបែកគ្នាទេ។ សូមឈប់ផ្ដល់ឱកាសទី២ទៅលើមនុស្សដែលមិនសមនឹងទទួល។ ​សូមចាប់ផ្ដើមទំព័រថ្មី ​ជាមួយមនុស្សថ្មី៕

ប្រែសម្រួល៖ សន្យា

ចុចអាន៖ សម្គាល់​មើល​មនុស្ស​ប្រុស ដែល​ចូលចិត្ត​តោង​កូនស្រី​អ្នកមាន​ដើម្បី​ជោគជ័យ

ចុចអាន៖ ដឹងអត់? មនុស្ស​ស្រី​ងាយ​លង់​ស្នេហ៍​បុរស​ដែល​មាន​ទំនុក​ចិត្ត​លើ​ខ្លួនឯង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ចរាចរណ៍១១ ម៉ោង មុន

រថយន្ត​ដឹក​ដី​បើក​បត់​ប្រយ័ត្ន ជ្រុល​ចង្កូត​បុក​ម៉ូតូ​មួយគ្រឿង បណ្តាល​ឲ្យ​បុរស​ម្នាក់​ស្លាប់ និង​មនុស្ស​២​នាក់​ត្រូវ​រង​របួស​ធ្ងន់

នយោបាយ១១ ម៉ោង មុន

ឆ្លើយតប​ការចោទប្រកាន់ ! រាល់​សកម្មភាព​ល្មើស​ដែល​ផ្ដន្ទាទោស​កន្លងមក​មិនមែនជា​ការអនុវត្ត​សិទ្ធិ​តាម​រដ្ឋធម្មនុញ្ញ​នោះទេ​

កីឡា១៣ ម៉ោង មុន

Rae Yoon វ៉ៃ​ដណ្តើម​ខ្សែក្រវាត់​បានសម្រេច តែ Christian Lee មិន​ពេញ​លទ្ធផល

កីឡា១៣ ម៉ោង មុន

បណ្ដា​ប្រទេស​អាស៊ាន អបអរសាទរ​និង កោតសរសើរ​កម្ពុជា ក្រោយ​ធ្វើ​ហេដ្ឋារចនាសម្ព័ន្ធ​ហើយ​មុន SEA Games-ASEAN Para Games 2023

កូវីដ-១៩១៤ ម៉ោង មុន

ខេត្តកណ្តាលមានកម្មករឆ្លងជំងឺកូវីដ-១៩ ជាង២ពាន់នាក់ និងអ្នកពាក់ព័ន្ធជាង៨ពាន់នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services