អតីតនិស្សិតវិចិត្រសិល្បៈ ជូនអំណោយគ្រូចូលនិវត្តន៍ និងសិស្សខ្វះខាតស្នាក់ក្នុងសាលា

នៅថ្ងៃទី២៤ ខែមករា ឆ្នាំ២០២៣ សាលាមធ្យមវិចិត្រសិល្បៈ រៀបចំចែកអំណោយជាគ្រឿងឧបភោគបរិភោគ ដែលជាអំណោយរបស់ សមាគមអតីតនិស្សិតសាកលវិទ្យាល័យវិចិត្រសិល្បៈខ្មែរនៅប្រទេសបារាំង តំណាងដោយ លោកគ្រូ ម៉ម ណារុំ ជូនដល់លោកគ្រូ/អ្នកគ្រូដែលធ្លាប់បង្ហាត់បង្រៀននៅសាលាមធ្យមវិចិត្រសិល្បៈ ដែលសព្វថ្ងៃពួកគាត់បានចូលនិវត្តន៍ និងសិស្សានុសិស្សដែលមានជីវភាពខ្វះខាតកំពុងស្នាក់នៅក្នុងសាលា។

កម្មវីធីចែកអំណោយនេះទទួលបានកិត្តិយសផ្តល់ជូន លោកគ្រូ អ្នកគ្រូដោយផ្ទាល់ពីសំណាក់ លោកស្រីបណ្ឌិតសភាចារ្យ ភឿង សកុណា រដ្ឋមន្ត្រី ក្រសួងវប្បធម៌ និងវិចិត្រសិល្បៈ។

បន្ទាប់ពីពិធីចែកអំណោយ លោកស្រីបណ្ឌិតសភាចារ្យរដ្ឋមន្ត្រី បានផ្តល់នូវមតិសំណេះសំណាល់ ក៏ដូចជាមតិថ្លែងអំណរគុណចំពោះគុណបំណាច់របស់ លោកគ្រូ អ្នកគ្រូ ដែលបានខិតខំយកចិត្តទុកដាក់ក្នុងការបង្ហាត់បង្រៀននាពេលកន្លងមក៕