មីក្រូហ្វូនដែល Cardi B គប់ទស្សនិកជន កំពុងដាក់ដេញថ្លៃរាប់ម៉ឺនដុល្លារ

មីក្រូហ្វូនដែល Cardi បានគប់ដាក់មនុស្សម្នាក់ តាមពិតជាកម្មសិទ្ធិរបស់ក្រុមហ៊ុន The Wave in Sin City ហើយម្ចាស់វាបានសម្រេចចិត្តដេញថ្លៃដើម្បីយកថវិកាបរិច្ចាគឲ្យសប្បុរសធម៌ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Scott Fisher ប្រាប់ TMZ ថា គេងាយស្រួលក្នុងការស្វែងរកមីក្រូហ្វូនបន្ទាប់ពីចប់កម្មវិធី ព្រោះមានស្កុតពណ៌សនៅផ្នែកខាងក្រោមសរសេរថា “MAIN” ហើយវានៅតែអាចដំណើរការបានធម្មតា ទោះបីជា Cardi គប់វាខ្លាំងក៏ដោយ ។

ចំពោះវីដេអូ Cardi B គប់មីក្រូហ្វូនទៅលើនារីម្នាក់នោះ តាមពិតនាងបានសំណូមឲ្យអ្នកគាំទ្រជះទឹកដាក់ខ្លួនមែន ប៉ុន្តែស្ត្រីនោះមិនត្រឹមតែជះទឹកទេ ថែមទាំងមានទឹកកកទៀតផង បណ្ដាលឲ្យ Cardi ខឹងដល់ថ្នាក់គប់មេក្រូតែម្ដងទៅ ។

ការដេញថ្លៃចាប់ផ្តើមនៅលើ eBay ពីតម្លៃ ៥០០ ដុល្លារ ហើយ Scott បានឲ្យដឹងថា មីក្រូហ្វូននេះមានតម្លៃដើមត្រឹមតែ ១០០០ ដុល្លារប៉ុណ្ណោះ ខណៈពេលរសៀលនៅថ្ងៃទី៣ ខែសីហា មហាជននាំគ្នាដេញថ្លៃដល់ ៩៩ ៩០០ ដុល្លារហើយ ។

ទន្ទឹមនោះ Scott បញ្ជាក់ទៀតថា ប្រាក់​ចំណូល​ពី​ការ​លក់​នឹង​ត្រូវចែកឲ្យអង្គការសប្បុរសធម៌ចំនួន ២ គឺ Wounded Warrior Project និង Friendship Circle Las Vegas ដែលជួយដល់​យុវវ័យ និង​ក្មេង​ដែល​មាន​តម្រូវការ​ពិសេស ៕

ប្រែសម្រួល៖ វារី

ប្រភព៖ TMZ

ចុចអាន៖ ក្រោយមានគេគប់ភេសជ្ជៈកណ្ដាលមុខ Cardi B ក្លាយជាតារារ៉េបប្រើហិង្សាមិនរើសមុខ

ចុចអាន៖ Cardi B ឲ្យកាបូបតម្លៃរាប់ម៉ឺនដុល្លារ ជាកាដូខួបកំណើតកូនស្រីអាយុ ៥ ឆ្នាំ