កាលពីថ្ងៃទី៤ខែមករាឆ្នាំ២០១៧ អង្គការ ណាសា បានប្រកាសថា ខ្លួនយល់ព្រមលើបេសកកម្មមួយ ដែលនឹងបញ្ជូនយានស៊ើបអង្កេតទៅកាន់គន្លងជុំវិញអាចម៍ផ្កាយ 16 Psyche រយៈពេល២០ខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើមឡើយ បេសកកម្មបាញ់បង្ហោះយានអវកាស Psyche គ្រោងនឹងធ្វើឡើងនៅខែសីហា ឆ្នាំ២០២២ ហើយនឹងទៅដល់អាចម៍ផ្កាយនេះនៅឆ្នាំ២០២៦។ ជាអកុសល បញ្ហាជាមួយកម្មវិធី និងផែនការបេសកកម្ម ធ្វើឲ្យវាត្រូវពន្យារពេល។

ទោះបីជាយ៉ាងណាក៏ដោយ កាលពីឆ្នាំមុន អង្គការ ណាសា បានប្រកាសថា ពួកគេនឹងបន្តជាមួយកម្មវិធីនេះ ទោះបីជាមានការពន្យារពេលក៏ដោយ ហើយកាលបរិច្ឆេទថ្មីត្រូវបានកំណត់យកថ្ងៃទី១០ខែតុលា ឆ្នាំ២០២៣នេះ។ យាននេះនឹងបាញ់បង្ហោះនៅលើកំពូលនៃរ៉ុកកែត Falcon Heavy របស់ក្រុមហ៊ុន SpaceX។

16 Psyche ដែលជាអាចម៍ផ្កាយមានទទឹង ២២៦គីឡូម៉ែត្រ គឺមានផ្ទុកសារធាតុដែក នីកែល និងមាស តម្លៃ ១០ ០០០ ក្វាទ្រីលានដុល្លា (១០ ០០០ ០០០ ០០០ ០០០ ០០០ ០០០ ០០០)។

អ្នកស្រាវជ្រាវបានឲ្យដឹងថា បើសិនជាគេយកមាសរបស់អាចម៍ផ្កាយនេះមកចែកស្មើៗគ្នាដល់មនុស្សទាំងអស់លើពិភពលោក មនុស្សម្នាក់ៗនឹងទទួលបានទ្រព្យស្មើនឹង ១ ៤០០ លានដុល្លារ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Forbe, Wiki, Little Astronomy

ចុចអាន៖ ឆ្នាំក្រោយ ណាសា បញ្ជូនយានឆ្ពោះទៅ អាចម៍ផ្កាយសម្បូរលោហធាតុ ដែលសមល្មមឲ្យមនុស្សមួយផែនដី ក្លាយជាមហាសេដ្ឋី