ព័ត៌មានជាតិ
អាជ្ញាធរដាក់កម្លាំងល្បាតតាមភូមិនៅតំបន់ក្រហម ឃ្លាំមើលអ្នកចេញពីផ្ទះ និងជួបជុំផឹកស៊ី
វិធានការណ៍ដ៏ក្តៅគគុកត្រូវបានអនុវត្តទៅលើតំបន់បិទខ្ទប់ពិសេសតំបន់(ក្រហម)ក្នុងភូមិសាស្ត្រខណ្ឌមានជ័យ រាជធានីភ្នំពេញ។
ជាក់ស្តែងនៅថ្ងៃទី២០ ខែមេសានេះ អាជ្ញាធរសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ សហការណ៍ជាមួយកម្លាំងនគរបាលតម្រួតបទបញ្ជារបានចុះល្បាតតាមខ្នងផ្ទះ ដើម្បីទប់ស្កាត់មិនឲ្យប្រជាពលរដ្ឋចេញពីផ្ទះ ព្រោះជាតំបន់ក្រហមដែលជាទីកន្លែងដែលជំងឺកូវីដ១៩កំពុងឆ្លងរាលដាលពេញបន្ទុក។
លោក សេង វ៉ាន់ថា ចៅរងទី១សង្កាត់ស្ទឹងមានជ័យទី២ បានឲ្យដឹងថា ថ្ងៃនេះអាជ្ញាធរសង្កាត់រួមទាំងកម្លាំងគណៈបញ្ជាការឯកភាពខណ្ឌមានជ័យ បានសហការណ៍ជាមួយកម្លាំងនគរបាលតម្រួតបទបញ្ជារបានចុះល្បាតតាមបណ្តាភូមិក្នុងមូលដ្ឋានសង្កាត់ដើម្បីមានវិធានការណ៍ទៅលើអ្នកចេញពីផ្ទះដោយគ្មានមូលហេតុ ពិសេសអ្នកជួបជុំផឹកស៊ី។
លោកចៅសង្កាត់រងបន្តថា ក្នុងពេលចេញល្បាតនាថ្ងៃនេះ គឺពុំបានឃើញបងប្អូនប្រជាពលរដ្ឋណាម្នាក់ចេញដើរពីផ្ទះឡើយ។ ដូច្នេះអាជ្ញាធរមានសង្ឃឹមជឿជាក់ទៅលើបងប្អូនប្រជាពលរដ្ឋថា លោកនឹងចូលរួមគោរពតាមសេចក្តីណែនាំពីសាលារាជធានីភ្នំពេញ ដើម្បីទប់ស្កាត់កុំឲ្យជំងឺកូវីដ១៩នេះឆ្លងរាលដាលបន្ថែមទៀត។
លោក សេង វ៉ាន់ថា បានបញ្ជាក់ទៀតថា បើសិនជាកម្លាំងល្បាតប្រទះឃើញបងប្អូនប្រជាពលរដ្ឋណានៅបន្តរឹងរូសមិនស្តាប់តាមការណែនាំរបស់សាលារាជធានីភ្នំពេញនោះ គឺកម្លាំងចម្រុះនឹងធ្វើការឃាត់ខ្លួនរួចរៀបចំកសាងសំណុំរឿងបញ្ជូនទៅតុលាការដោយមិនលើកលែងឡើយ។ ដូច្នេះសូមបងប្អូនប្រជាពលរដ្ឋបើពុំចាំបាច់សូមកុំចេញពីផ្ទះមួយទៅផ្ទះមួយឲ្យសោះ៕
អត្ថបទ ៖ នរា
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៦ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ១ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ៧ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា