ព័ត៌មានជាតិ

តំបន់ផ្ទុះកូវីដជាង ១០០ នាក់នៅព្រៃនប់ ជាតំបន់អភិវឌ្ឍទីក្រុងថ្មីមួយ ចម្ងាយជាង ៤០ គីឡូម៉ែត្រពីក្រុងព្រះសីហនុ

បានផុស

៣ years មុន

នៅ

ថ្ងៃព្រហស្បតិ៍ ២៩ មេសា ២០២១

ដោយ

ទីក្រុងរស្មីមង្គល ដែលជាតំបន់អភិវឌ្ឍថ្មីស្ថិតនៅភូមិចំណោតរាម ឃុំបិតត្រាំ ស្រុកព្រៃនប់ ខេត្តព្រះសីហនុ បានបន្តរកឃើញអ្នកឆ្លងជិត ១០០ នាក់មានទាំងជនជាតិចិននិងខ្មែរ។

តំបន់ដែលត្រូវបានអភិវឌ្ឍតាំងពីឆ្នាំ២០១៩ ជាទីក្រុងថ្មីមួយចម្ងាយជាង ៤០ គីឡូម៉ែត្រពីក្រុងព្រះសីហនុ ដែលមានការសាងសង់សំណង់អគារពាណិជ្ជកម្ម សណ្ឋាគារ អគារស្នាក់នៅសរុបចំនួន៣៦អគារ លាតសន្ធឹងលើផ្ទៃដីទំហំរហូតដល់ទៅ ១០ហិកតា។ ទីក្រុងពាណិជ្ជកម្មនេះជាការវិនិយោគរួមគ្នារវាងក្រុមហ៊ុននិងវិនិយោគិនចិន ក្រោមទុនវិនិយោគជាង ៧០ លានដុល្លារអារមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ រដ្ឋបាលខេត្តព្រះសីហនុនៅថ្ងៃទី២៤ ខែមេសាឆ្នាំ២០២១នេះបានជូនដំណឹង ស្តីពីការផ្អាកជាបណ្តោះអាសន្នដំណើរការអាជីវកម្ម និងការចេញចូលទីតាំងទីក្រុងរស្មីមង្គល មានទីតាំងនៅភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ និងដាក់ជាមណ្ឌលចត្តាឡីស័ករយៈពេល ១៤ថ្ងៃ។

ការចុះបិទនេះ ក្រោយពេលអាជ្ញាធររកឃើញអ្នកឆ្លងកូវីដជាបន្តបន្ទាប់ជាង ១០០ នាក់។ គួរបញ្ជាក់ថា ខេត្តព្រះសីហនុបានរកឃើញអ្នកឆ្លងថ្មី ១៨៧ នាក់បន្ថែមទៀត គិតត្រឹម ២៤ ម៉ោងនេះ ហើយជាង ១០០ ករណី ផ្ទុះចេញពីតំបន់អភិវឌ្ឍរស្មីមង្គល៕

Related Topics:កូវីដ-១៩