ព័ត៌មានជាតិ
រដ្ឋចំណាយថវិកាជាង ១៣០០ លានដុល្លារ ជួយដល់គ្រួសារក្រីក្រប្រយុទ្ធនឹងកូវីដ-១៩
ដោយផ្អែកលើភាពប្រសើរឡើងនូវស្ថានភាពនៃជំងឺកូវីដ-១៩ មូលនិធិជាតិជំនួយសង្គម (ម.ជ.ជ.)នៃក្រសួងសង្គមកិច្ច អតីតយុទ្ធជន និងយុវនីតិសម្បទា សម្រេចបិទបញ្ចប់ កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ-១៩ ត្រឹមថ្ងៃទី២៤ ខែមេសាឆ្នាំ២០២៤ ដោយរដ្ឋចំណាយថវិកាអស់ជាង ១៣០០ លានដុល្លារអាមេរិក។
សេចក្តីជូនដំណឹងរបស់ ម.ជ.ជ. ចុះថ្ងៃទី ២៦ ខែមេសានេះ បានឱ្យដឹងថា ក្រោយបញ្ចប់កម្មវិធីខាងលើ រដ្ឋនឹងដាក់ឱ្យអនុវត្តនូវកម្មវិធីជាតិជំនួយសង្គមក្នុងកញ្ចប់គ្រួសារ ដែលជាកម្មវិធីជំនួយសង្គមលក្ខណៈអចិន្ត្រៃយ៍ និងប្រក្រតី ចាប់ខែមេសា ឆ្នាំ២០២៤ តទៅ។ កម្មវិធីជាតិជំនួយសង្គមក្នុងកញ្ចប់គ្រួសារ» ដើម្បីផ្តល់ប្រាក់ឧបត្ថម្ភជូនស្ត្រីមានផ្ទៃពោះ និងកុមារអាយុក្រោម២ឆ្នាំ ជនមានពិការភាព ជនចាស់ជរាចាប់ពីអាយុ៦០ឆ្នាំឡើង អ្នកផ្ទុកមេរោគអេដស៍ និងជំងឺអេដស៍។ សម្រាប់គ្រួសារមានបណ្ណសមធម៌មានសុពលភាព និងសមាជិកជាជនងាយរងគ្រោះទៅសាលាឃុំ សង្កាត់ ដើម្បីចុះឈ្មោះចូលកម្មវិធី។
បើយោងលទ្ធផលនៃការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ-១៩ ចាប់ពីថ្ងៃ ២៥ ខែមិថុនា ឆ្នាំ ២០២០ ដល់ថ្ងៃទី២៤ ខែមីនា ឆ្នាំ ២០២៤ រដ្ឋចំណាយថវិកាចំនួន ៥,៣៦៧,៩៥៥១,៧៦១,០០០(ប្រាំពាន់បីរយហុកប្រាំពីរប៊ីលានប្រាបួនរយហាសិបមួយលានប្រាំពីរពាន់ហុកសិបមួយពាន់រៀលគត់)ស្មើនឹង ១៣៤១.៩៨ លានដុល្លារអាមេរិក។
ជាមួយគ្នានេះដែរ មូលនិធិជាតិជំនួយសង្គម គូសបញ្ជាក់ថា ចាប់តាំងពីថ្ងៃដាក់ឱ្យអនុវត្តកម្មវិធីនេះ ទទួលបានលទ្ធផលល្អប្រសើរ និងប្រកបដោយប្រសិទ្ធភាពខ្ពស់ និងបានសម្រួលដល់ជីវភាពរស់នៅប្រចាំថ្ងៃរបស់គ្រួសារ ក្រីក្រ និងងាយរងគ្រោះ ដែលមានបណ្ណសមធម៌ ក្នុងអំឡុងពេលនៃការរាតត្បាតនៃជំងឺកូវីដ-១៩។
ដើម្បីបង្ករលក្ខណៈងាយស្រួល និងរក្សានិរន្តរភាពកម្មវិធី ម.ជ.ជ. បន្តទទួលបណ្ដឹងតវ៉ារបស់អ្នកទទួលផលពាក់ព័ន្ធនឹងការអនុវត្តកម្មវិធីខាងលើ រហូតដល់ថ្ងៃទី១០ ខែឧសភា ឆ្នាំ២០២៤។
គួរបញ្ជាក់ថា កម្មវិធីឧបត្ថម្ភសាច់ប្រាក់ជូនគ្រួសារក្រីក្រ ក្នុងអំឡុងពេលប្រយុទ្ធនឹងជំងឺកូវីដ-១៩ ត្រួវបានរាជរដ្ឋាភិបាលកម្ពុជា ប្រកាសដាក់ឱ្យអនុវត្តដើម្បីជួយដល់ជនងាយរងគ្រោះក្នុងអំឡុងរីករាលដាលនៃជំងឺកូវីដ ដោយទទួលបានការសាទរជាច្រើនពីគ្រប់មជ្ឈដ្ឋានជាតិ និងអន្តរជាតិ។
ការឧបត្ថម្ភនេះ បានផ្តល់ជូនជនគ្រួសារក្រីក្រ និងងាយរងគ្រោះរួមមាន កុមារអាយុ ០-៥ ឆ្នាំ មនុស្សវ័យចាស់អាយុពី ៦០ឆ្នាំ ជនមានពិការភាព និងគ្រួសារដែលមានជំងឺអេដស៍ ដោយក្នុងមួយគ្រួសារទទួលបានថវិកាទៅតាមប្រភេទមុខសញ្ញា និងគោលដៅ៕
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម១ សប្តាហ៍ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម