ព័ត៌មានជាតិ
ក្រសួងកសិកម្មដាក់ចេញវិធានការបន្ទាន់មួយចំនួនទប់ស្កាត់ការឆ្លងរាលដាលជំងឺដុំពកស្បែកគោ ក្របី
ក្រសួងកសិកម្មរុក្ខាប្រម៉ាញ់និងនេសាទ បានដាក់ចេញនូវវិធានការមួយចំនួនដើម្បីទប់ស្កាត់ការឆ្លងរាលដាលជំងឺដុំពកស្បែកគោ ក្របី(Lumpy Skin Disease-LSD) ខណៈប្រទេសជិតខាងកម្ពុជាមួយចំនួនបានឆ្លងជំងឺនេះរួចទៅហើយនោះ។
ជាក់ស្តែងប្រទេសវៀតណាមមានជំងឺដុំពកលើស្បែកគោក្របីនេះ បានផ្ទុះឡើងចាប់ពីថ្ងៃទី០៥ ខែតុលា ឆ្នាំ២០២០ រហូតដល់ថ្ងៃទី៦ ខែធ្នូ ឆ្នាំ២០២០ដែលមានចំនួន២០កន្លែងនៅភាគខាងជើងនិងភាគកណ្ដាល និងប្រទេសថៃកាលពីថ្ងៃទី៧ ខែឧសភា ឆ្នាំ២០២១ មានការផ្ទុះឡើងនៃជំងឺនេះចំនួន១៧ខេត្ត-ក្រុង ដែលក្នុងនោះមានខេត្តចំនួន៤ មានព្រំប្រទល់ជាប់នឹងប្រទេសកម្ពុជា ដូចជា ខេត្តសុរិន្ទ ខេត្តបុរីរាំ ខេត្តអ៊ូប៊ុនវ៉ាត់ឆាផានី និងខេត្តស៊ីសាកេត។
យោងតាមសារាចរ របស់ក្រសួងកសិកម្មរុក្ខាប្រម៉ាញ់ និងនេសាទ នៅថ្ងៃទី២១ ខែឧសភា បានណែនាំដល់អគ្គនាយកដ្ឋានសុខភាពសត្វ និងផលិតកម្មសត្វ មន្ទីរកសិកម្មរាជធានី-ខេត្ត ជាពិសេសបណ្ដាខេត្ត ជាប់ព្រំដែនប្រទេសវៀតណាម និងប្រទេសថៃ ត្រូវអនុវត្ត និងចូលរួមសហការ ទប់ស្កាត់ការឆ្លងរាលដាលនៃជំងឺដុំពកស្បែកតោ ក្របី ដោយធ្វើការតាមដានស្រាវជ្រាវឲ្យបានហ្មត់ចត់ និងជាប្រចាំលើសុខភាពសត្វគោក្របីនៅទូទាំងប្រទេស និងត្រូវអនុវត្តវិធានការជីវសុវត្ថិភាព អនាម័យនៅគ្រប់ទីកន្លែងចិញ្ចឹម កន្លែងប្រមូលផ្ដុំ និងទីផ្សារ។
ក្រសួងកសិកម្មបានបន្តថា ដើម្បីបង្ការការរាតត្បាតជំងឺនេះ ក្រសួងបានស្នើឲ្យទប់ស្កាត់ការនាំចូលគោ ក្របី រស់ និងផលិតផលគោ ក្របី ទឹកមេជីវិតបង្កក គ្រប់ប្រភេទដែលខុសច្បាប់ដោយសហការជាមួយអាជ្ញាធរថ្នាក់ក្រោមជាតិគ្រប់លំដាប់ថ្នាក់ជាពិសេសសមត្ថកិច្ចនៅតាមច្រកព្រំដែន។
ទន្ទឹមគ្នានេះត្រូវបង្កើនការអង្កេតតាមដាន និងឃ្លាំមើលស្ថានភាពសុខភាពសត្វគោ ក្របីនៅតាមមូលដ្ឋាន កន្លែងចិញ្ចឹមសត្វ និងតាមកសិដ្ឋានឲ្យបានជាប្រចាំជាមួយនឹងការធ្វើយុទ្ធនាការចាក់វ៉ាក់សាំងការពារជំងឺដុំពកស្បែកតោ ក្របី និងអប់រំដល់ប្រជាជន និងកសិករចិញ្ចឹមសត្វគោ ក្របីអំពីផលប៉ះពាល់ និងការខូចខាតធ្ងន់ធ្ងរលើផលិតកម្មគោ ក្របី ផ្នែកសេដ្ឋកិច្ចបណ្ដាលមកពីជំងឺដុំពតស្បែកគោ ក្របីនេះ។
ក្រសួងក៏បានណែនាំដល់ប្រជាពលរដ្ឋភ្នាក់ងារសុខភាពសត្វភូមិអ្នកចិញ្ចឹមសត្វគោក្របីគ្រប់កម្រិតពីការរៀបចំទ្រុងការថែទាំការផ្ដល់ទឹកនិងចំណីការអនុវត្តវិធានការអនាម័យការតាមដានសុខភាពសត្វនិងការអនុវត្តវិធានជីវៈសុវត្ថិភាពឲ្យបានត្រឹមត្រូវតាមបច្ចេកទេសនិងរាយការណ៍នូវករណីសង្ស័យនៃជំងឺដុំពកស្បែកគោក្របី។
ជាមួយគ្នានេះដែរត្រូវលុបបំបាត់ភ្នាក់ងារចម្លងមេរោគដូចជាពពួកសត្វបឺតជញ្ជក់ឈាមមានមូសរុយតាបោម ដង្កែ តាមរយៈការប្រើប្រាស់ថ្នាំសម្លាប់ការដាក់មុងការប្រើប្រាស់អំពូលភ្លើងឆក់ ឬបណ្ដេញសត្វល្អិតការដុតសំរាមបណ្ដេញសត្វនិងការប្រមូលកាកសំណល់ដូចជាសំរាមសំបកកង់ឡានចាស់ៗដើម្បីដុតឬកប់ចោល។
លើសពីនេះទៀតត្រូវធ្វើយុទ្ធនាការចាក់វ៉ាក់សាំងការពារជំងឺដុំពកស្បែកគោក្របីក្នុងករណីចាំបាច់និងមានពិសោធពីប្រសិទ្ធភាពនៃវ៉ាក់សាំងឲ្យបានត្រឹមត្រូវនិងបន្តការអប់រំដល់ប្រជាពលរដ្ឋ និងកសិករចិញ្ចឹមសត្វគោក្របីអំពីផលប៉ះពាល់និងការខូចខាតធ្ងន់ធ្ងរលើផលិតកម្មគោក្របីផ្នែកសេដ្ឋកិច្ចបណ្ដាលមកពីជំងឺដុំពកស្បែកគោក្របីនេះ។
ជាងនេះទៀតត្រូវត្រួតពិនិត្យរាល់ការចរាចរសត្វគោក្របីរស់ទឹកមេជីវិតបង្កកឬផលិតផលសាច់គោក្របីដែលនាំចូលត្រូវមានវិញ្ញាបនប័ត្រអនាម័យពីប្រទេសនាំចេញនិងត្រូវស្ថិតក្រោមការត្រួតពិនិត្យសុខភាពសត្វនិងការធ្វើចត្តាឡីស័កពីមន្ត្រីជំនាញបសុពេទ្យនិងជំរុញសហការបានល្អឲ្យបានជិតស្និតជាមួយភាគីប្រទេសវៀតណាមនិងប្រទេសថៃក្នុងការផ្លាស់ប្ដូរព័ត៌មានទាក់ទងនឹងជំងឺដុំពកស្បែកគោក្របីដើម្បីធ្វើការទប់ស្កាត់ទាន់ពេលវេលានិងមានប្រសិទ្ធភាព៕
អត្ថបទ ៖ សំអឿន
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១៣ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២៣ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?