ព័ត៌មានជាតិ
រដ្ឋមន្ត្រីយុត្តិធម៌និងប្រធានសាលាឧទ្ធរណ៍ថ្មីជួបគ្នារកដំណោះស្រាយសំណុំរឿងអ្នកជាប់ឃុំឱ្យបានលឿន
ភ្នំពេញ ៖ រដ្ឋមន្ត្រីក្រសួងយុត្តិធម៌ ប្រធានសាលាឧទ្ធរណ៍ភ្នំពេញថ្មីនិង អគ្គព្រះរាជអាជ្ញានៃមហាអយ្យការអមសាលាឧទ្ធរណ៍ភ្នំពេញបានជួបគ្នាដើម្បីរិះរកដំណោះស្រាយសំណុំរឿងអ្នកជាប់ឃុំឱ្យបានលឿនក៏ដូចជាការងារកំណែទម្រង់ប្រព័ន្ធយុត្តិធម៌នៅកម្ពុជាឲ្យបានកាន់តែប្រសើរឡើងថែមទៀត។
នៅក្នុងជំនួបពិភាក្សានោះ ដែរ លោក កើត រិទ្ធ រដ្ឋមន្ត្រីក្រសួងយុត្តិធម៌ លោក សេង ស៊ីវុត្ថា ដែលទើបទទួលបានការតែងតាំងថ្មីជាប្រធានសាលាឧទ្ធរណ៍ភ្នំពេញ និង លោក អ៊ុក សាវុធ អគ្គព្រះរាជអាជ្ញានៃមហាអយ្យការអមសាលាឧទ្ធរណ៍ភ្នំពេញ អមដោយថ្នាក់ដឹកនាំនៃសាលាឧទ្ធរណ៍ភ្នំពេញ និងមហាអយ្យការអមសាលាឧទ្ធរណ៍ភ្នំពេញ ជំរុញការដោះស្រាយសំណុំរឿងនៅសាលាឧទ្ធរណ៍ និងមហាអយ្យការអមសាលាឧទ្ធរណ៍ភ្នំពេញឱ្យបានលឿន ជាពិសេស ចំពោះសំណុំរឿងដែលមានអ្នកជាប់ឃុំ និងអំពីទិសដៅការងារកំណែទម្រង់ប្រព័ន្ធយុត្តិធម៌ សំដៅលើកកម្ពស់ការផ្តល់សេវាយុត្តិធម៌ជូនប្រជាពលរដ្ឋ និងពង្រឹងប្រសិទ្ធភាពនៃការអនុវត្តច្បាប់។
កន្លងមកក្នុងការដោះស្រាយបញ្ហាកកស្ទះសំណុំរឿងនេះដែរក្រសួងយុត្តិធម៌បានបង្កើត គណៈកម្មការដឹកនាំយុទ្ធនាការដោះស្រាយការកកស្ទះសំណុំរឿងព្រហ្មទណ្ឌ (គ.យ.ក.ស) ទូទាំង២៥រាជធានី-ខេត្ត រយៈពេល១០០ថ្ងៃ។
រយៈពេល១០០ថ្ងៃគឺចាប់ពីថ្ងៃទី១៨ ខែឧសភា ដល់ថ្ងៃ២៨ខែសីហា ឆ្នាំ២០២០កន្លងទៅ គណៈកម្មការដឹកនាំយុទ្ធនាការដោះស្រាយការកកស្ទះសំណុំរឿងព្រហ្មទណ្ឌនៅតាមសាលាដំបូងទូទាំងប្រទេសបានចំនួន៨១១៣សំណុំរឿង ស្មើនឹង៦៣% នៃសំណុំរឿងដែលកកស្ទះកន្លងមក។
តាមរយៈការដោះស្រាយសំណុំរឿងកកស្ទះនេះដែរនឹងជួយ កាត់បន្ថយបានពី ៥០ ទៅ ៧០ភាគរយនូវភាពចង្អៀតណែនក្នុងពន្ធនាគារ៕
ដោយ ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)