Connect with us

ព័ត៌មានជាតិ

នៅថ្ងៃអនាគត កម្ពុជាត្រូវបង្កើតតុលាការថ្នាក់ស្រុក ​​ដើម្បីបង្ខិតសេវាជូនពលរដ្ឋ  

បានផុស

នៅ

រដ្ឋមន្ត្រីក្រសួងយុត្តិធម៌ បានលើកឡើងថា ជាចក្ខុវិស័យទៅថ្ងៃអនាគត ប្រទេសកម្ពុជា នឹងត្រូវបង្កើតតុលាការនៅថ្នាក់ស្រុក ដើម្បីបង្ខិតសេវាឲ្យនៅជិតប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងនេះ ធ្វើឡើងក្នុងសន្និសីទសារព័ត៌មាន ដើម្បីប្រកាសដាក់ចេញនូវយុទ្ធនាការសំខាន់ចំនួន ២ ដើម្បីពង្រឹង និងលើកកម្ពស់សេវាយុត្តិធម៌ និងគុណភាពនៃយុត្តិធម៌នៅកម្ពុជា កាលពីល្ងាចថ្ងៃទី ៩ ខែមករា ឆ្នាំ ២០២៤។

លោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ មានប្រសាសន៍ថា នាពេលខាងមុខ អាចនៅឆ្នាំ ២០៤០ ឬឆ្នាំ ២០៥០ ប្រទេសកម្ពុជា នឹងត្រូវបង្កើតតុលាការនៅថ្នាក់ស្រុក​ ដើម្បីបង្ខិតសេវាឲ្យនៅជិតប្រជាពលរដ្ឋ ហើយដោះស្រាយបទលហុ ដែលជារឿងក្ដីតូចតាចនៅមូលដ្ឋាន។​

លោករដ្ឋមន្ត្រី បានឲ្យដឹងថា «ទៅថ្ងៃអនាគត មិនមែនក្នុងរយៈពេល ១០ ឬ ១៥ឆ្នាំនេះទេ ទៅថ្ងៃអនា​គត ជាចក្ខុវិស័យសម្រាប់កូនចៅជំនាន់ក្រោយ នៅកម្ពុជា ត្រូវបង្កើតតុលាការរហូតដល់ថ្នាក់ស្រុក ព្រោះ​​ដើម្បីបង្ខិតសេវាហ្នឹង ឲ្យទៅជិតជាមួយនឹងប្រជាជនរបស់យើង គឺថា ត្រូវមានតុលាការថ្នាក់ស្រុក ជាតុលាការលហុ ដែលដោះស្រាយរឿងក្ដីតូចតាចៗ»។

យ៉ាងណាក៏ដោយ ដើម្បីបង្កើតតុលាការនៅថ្នាក់ស្រុកបាន អាចត្រូវប្រើពេលរហូតដល់ឆ្នាំ ២០៤០ ឬឆ្នាំ ២០៥០ ឯណោះ។

«ប៉ុន្តែ ដើម្បីអាចធ្វើកិច្ចការងារនេះបាន យ៉ាងតិចគឺថា ម្ដុំ ២០៤០, ២០៥០ នៅស្រុកណាក៏មានដែរ មិនអាចមកប្រមូលផ្ដុំ តែទីរួមខេត្តទេ យើងមើលមណ្ឌលគិរី ពីស្រុកឆ្ងាយៗមក មកប្ដឹងដល់ទីរួមខេត្ត តើមានប៉ុន្មានករណី តិចតួចណាស់»។ នេះជាការលើកឡើងបន្ថែមពីលោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៧ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៧ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៨ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៨ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម