ព័ត៌មានជាតិ

ដកបញ្ឈរជើង មេបញ្ជាការវរការពារព្រំដែនគោកលេខ ៨២៣ ក្រោយប្រើហិង្សាទៅលើមន្ត្រីក្រោមឱវាទ

បានផុស

៥ years មុន

នៅ

ថ្ងៃសុក្រ ៤ មិថុនា ២០២១

ដោយ

លោក យឹម វិចិត្រ មេបញ្ជាការវរសេនាតូច នគរបាលការពារព្រំដែនគោកលេខ ៨២៣ ប្រចាំស្រុកសំឡូត លោកស្នងការ នៃស្នងការដ្ឋាននគរបាលខេត្ត ចេញលិខិតបង្គាប់ការ និងបានចុះប្រកាសនៅព្រឹកថ្ងៃទី៤ ខែមិថុនា ឆ្នាំ២០២១នេះ ជុំវិញករណីប្រើហិង្សាទៅលើ នាយផ្នែកភស្តុភា កណ្តាលចំណោមមនុស្ស ដែលជាការប្រមាថ និងមើលងាយយ៉ាងធ្ងន់ធ្ងរដល់មន្ត្រីនគរបាលក្រោមឱវាទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា ថ្មីៗនេះមានករណីហិង្សាមួយបានកើតឡើងនៅក្នុងទីតាំងវរៈ ៨២៣ ផ្ទាល់តែម្តង ដោយនៅព្រឹកនោះ ក៏មានមន្ត្រីប៉ូលិសយ៉ាងច្រើនកុះករ ដែលត្រៀមចូលរួមក្នុងកិច្ចប្រជុំគណបញ្ជាការកងឯកភាពស្រុក ក្រោមអធិបតីភាពលោក ណុប ដារ៉ា អភិបាលរងខេត្ត ក្នុងទិសដៅការពារ និងទប់ស្កាត់បទល្មើសឆ្លងដែនគ្រប់ប្រភេទ។ ឯអ្នកបង្ក គឺជាលោក យឹម វិចិត្រ មេបញ្ជាការវរសេនាតូច នគរបាលការពារព្រំដែនគោកលេខ ៨២៣ ផ្ទាល់តែម្តង ដែលបានវាយទៅលើលោកនាយផ្នែកភស្តុភា ទាំងកណ្តាលចំណោមមនុស្ស ដែលជាទង្វើមួយក្នុងការមើលងាយ និងប្រមាថយ៉ាងខ្លាំងដល់មន្ត្រីក្រោមឱវាទ។

ទីបំផុតលោក យឹម វិចិត្រ ក៏ត្រូវបានការិយាល័យបុគ្គលិក កោះហៅឲ្យចូលខ្លួនដើម្បីសាកសួរ ហើយលោកក៏បានសារភាពថា ពិតជាបានវាយទៅលើបុគ្គលនោះផងដែរ គឺនៅពេលនេះ ការិយាល័យកំពុងរង់ចាំយោបល់ និងការសម្រេចពីលោកឧត្ដមសេនីយ៍ទោ សាត គឹមសាន ស្នងការនគរបាលខេត្ត។

នៅព្រឹកថ្ងៃទី ៤ ខែមិថុនា ឆ្នាំ ២០២១ នេះ ស្នងការខេត្តបានសម្រេចចេញលិខិតបង្គាប់ការមួយសម្រេចដកលោក យឹម វិចិត្រ មេបញ្ជាការវរសេនាតូច នគរបាលការពារព្រំដែនគោកលេខ ៨២៣ ដោយផ្អាកការងារជាបណ្តោះអាសន្ន និងប្រគល់ភារកិច្ចបណ្តោះអាសន្ន ជូនលោក វរសេនីយ៍ទោ មាស មឿន ដែលជាមេបញ្ជាការរងឲ្យទទួលដឹកនាំវរសេនាតូច នគរបាលការពារព្រំដែនគោក លេខ ៨២៣ រហូតដល់មានការសម្រេចជាថ្មី៕

អត្ថបទ៖ សោ និយមរ័ត្ន

Related Topics:អំពើហិង្សា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា