ព័ត៌មានជាតិ

សមត្ថកិច្ចស្ទាក់នាំខ្លួនពលករ១០នាក់ មកពីប្រទេសថៃតាមផ្លូវកាត់ទៅធ្វើចត្តាឡីស័កតាមវិធានការសុខាភិបាល

បានផុស

៣ years មុន

នៅ

ថ្ងៃសៅរ៍ ១២ មិថុនា ២០២១

ដោយ

ប្រជាពលរដ្ឋខ្មែរដែលជាពលករសំណាកស្រុកចំនួន១០នាក់ដែលបាននាំគ្នាត្រឡប់មកពីប្រទេសថៃតាមផ្លូវកាត់ច្រករបៀងត្រូវសមត្ថកិច្ចស្ទាក់នាំខ្លួនទៅណែនាំនិងធ្វើចត្តាឡីស័កតាមវិធានការសុខាភិបាលដើម្បីទប់ស្កាត់ការឆ្លងរីករាលដាលជំងឺកូវីដ១៩ នៅក្នុងសហគមន៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលការពារគោលដៅតំបន់ព្រំដែនបានឲ្យដឹងថា អនុវត្តតាមផែនការស្តីពីការត្រួតពិនិត្យពលរដ្ឋឆ្លងដែននិងមេខ្យល់នាំពលករចេញចូលខុសច្បាប់តាមខ្សែបន្ទាត់ព្រំដែនកម្ពុជា ថៃនៅថ្ងៃទី១១ខែមិថុនាឆ្នាំ២០២១កន្លងមកនេះកម្លាំងចម្រុះបានចុះល្បាតនាំខ្លួនពលករខ្មែរចំនួន១០នាក់ដើម្បីយកទៅអនុវត្តវិធានការសុខាភិបាលដើម្បីទប់ស្កាត់ជំងឺកូវីដ១៩ ពីខាងក្រៅចូលមកក្នុងប្រទេសកម្ពុជា។

ប្រភពដដែលបន្តថាពលករទាំង១០នាក់នៅថ្ងៃខាងលើបាននាំគ្នាលួចឆ្លងដែនដោយចេញពីទឹកដីថៃហើយចូលមកប្រទេសកំណើតវិញកាត់តាមត្រង់ចំណុចភូមិសាស្ត្រភូមិគីឡូលេខ៩ឃុំជ្រៃសីមានិងភូមិសាស្ត្រភូមិពោធិ៍ជ្រៃឃុំសិរីមានជ័យស្រុកសំពៅលូនខេត្តបាត់ដំបង។

ពលករខាងលើសរុបចំនួន១០នាក់ក្នុងនោះបុរសចំនួន០៤នាក់ស្ត្រីនិងក្មេងចំនួន០៦នាក់ដោយអ្នកទាំងអស់បាននាំគ្នាព្យាយាមគេចវេសមិនចូលធ្វើចត្តាឡីស័កក៏ត្រូវសមត្ថកិច្ចនាំខ្លួនតែម្តង។ បន្ទាប់ពីសមត្ថកិច្ចការសាកសួរនិងណែនាំអប់រំកម្លាំងសមត្ថកិច្ចការពារគោលដៅតំបន់ព្រំដែនបានបញ្ជូនពលករទាំង១០នាក់ទៅឲ្យក្រុមគ្រូពេទ្យដើម្បីនាំយកទៅធ្វើចត្តាឡីស័កនៅអនុវិទ្យាល័យកូនភ្នំ៣២តាមវិធានសុខាភិបាល៕

សៅ សារិទ្ធ