ព័ត៌មានជាតិ
រាជរដ្ឋាភិបាល ៖ កំណើនសេដ្ឋកិច្ចឆ្នាំ២០២១ អាចនឹងមិនសម្រេចបានតាមការរំពឹងទុក
ភ្នំពេញ ៖ រាជរដ្ឋាភិបាលកម្ពុជាបានបង្ហាញភាពមិនច្បាស់លាស់អំពីកំណើនសេដ្ឋកិច្ចរបស់កម្ពុជាក្នុងឆ្នាំ២០២១នេះ ដោយសារការបន្តរីករាលដាលនៃព្រឹត្តិការណ៍ សហគមន៍២០ កុម្ភៈ ឆ្នាំ២០២១ បាននឹងកំពុងតែដាក់សម្ពាធបន្ថែមនិងកាន់តែធ្ងន់ធ្ងរលើសេដ្ឋកិច្ចកម្ពុជាដែលនឹងធ្វើឲ្យកំណើនសេដ្ឋកិច្ចឆ្នាំ ២០២១ អាចនឹងមិន សម្រេចបានតាមការរំពឹងទុកកាលពីដើមឆ្នាំ។ នេះបើយោងតាមសារាចរណែនាំស្តីពីការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២២របស់រាជរដ្ឋាភិបាល។
នៅក្នុងសារាចរណែនាំស្តីពីការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២២ ដែលមានជាច្រើនទំព័ររាជរដ្ឋាភិបាលកម្ពុជាបានលើកឡើងថា «ជាក់ស្តែងវិស័យដែលត្រូវបានរំពឹងថា នឹងជួយជំរុញកំណើនឡើងវិញបាននឹងកំពុងទទួលរងផលប៉ះពាល់ពីការរីករាលដាលនៃព្រឹត្តិការណ៍សហគមន៍២០កុម្ភៈ ដែលក្នុងនោះរួមមាន អនុវិស័យសណ្ឋាគារនិងភោជនីយដ្ឋាន, អនុវិស័យលក់ដុំ-រាយ , អនុវិស័យសំណង់និងអចលនទ្រព្យ, អនុវិស័យកាត់ដេរ,អនុវិស័យកម្មន្តសាលមិន មែនកាត់ដេរនិងអនុវិស័យដឹកជញ្ជូនជាដើម»។
រាជរដ្ឋាភិបាលកម្ពុជាបានវាយតម្លៃអំពីកំណើនសេដ្ឋកិច្ចកម្ពុជាឆ្នាំ២០២១ ត្រូវបានប៉ាន់ស្មានកាលពីដើមឆ្នាំថា នឹងមានកំណើន៤%ស្របពេលដែល ផ. ស.សតាមថ្លៃ បច្ចុប្បន្នត្រូវបានប៉ាន់ស្មានស្មើនឹង១១៦,៧១១ ប៊ីលានរៀល ដោយផ្អែកលើសម្មតិកម្មសំខាន់នៃវិសាលភាពនិងប្រសិទ្ធភាពការចាក់វ៉ាក់សាំងបង្ការជំងឺកូវីដ-១៩គួបផ្សំ នឹងគោលនយោបាយគាំទ្រនានាដែលជួយជំរុញសកម្មភាពផលិតកម្ម,តម្រូវការប្រើប្រាស់និងការបង្កើនទំនុកចិត្តសម្រាប់ការវិនិយោគ។
គួរបញ្ជាក់ថា ក្នុងឆ្នាំ ២០២០ កន្លងមកនេះកំណើនសេដ្ឋកិច្ចកម្ពុជាសម្រេចបានក្នុងអត្រា -៣,១% ដែលកំណើននេះដោយសារការធ្លាក់ចុះយ៉ាងគំហុកនៃវិស័យសេវាកម្ម និងវិស័យឧស្សាហកម្ម ខណៈវិស័យកសិកម្មនៅរក្សាបានកំណើនវិជ្ជមាន។ ការធ្លាក់ចុះនេះបានធ្វើឱ្យ ផ.ស.ស សម្រាប់មនុស្សម្នាក៏បានត្រឹម ១ ៦៥៣ ដុល្លារ អាមេរិក។ ទន្ទឹមនេះអត្រាអតិផរណាមធ្យមប្រចាំឆ្នាំស្ថិតក្នុងរង្វង់ ២,៩% និងអត្រាប្តូរប្រាក់មធ្យមគឺប្រមាណ ៤១៨០ រៀលក្នុងមួយដុល្លារអាមេរិក៕
ដោយ ៖ បាន វិបុល
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)