ព័ត៌មានជាតិ
តម្លៃគ្រឿងសមុទ្រនៅខេត្តកែបមានហាងឆេងធម្មតា ទោះពុំសូវមានភ្ញៀវទេសចរច្រើនដូចមុន
(ខេត្តកំពត)៖ ថ្វីត្បិតតំបន់ទេសចរណ៍នានាទូទាំងខេត្តកំពត-កែប ពុំសូវមានក្រុមភ្ញៀវមកទស្សនា ប៉ុន្តែបើក្រលេកមើលការលក់ដូរគ្រឿងសមុទ្រនៅក្នុងផ្សារនៃតំបន់ខាងលើហាក់នៅតម្លៃធម្មតា។

បើយោងតាមរបាយការណ៍ដែលទទួលបានពី លោក ឯម រតន៍មុន្នី ប្រធានមន្ទីរពាណិជ្ជកម្មខេត្តកែប នៅថ្ងៃទី២៣ ខែមិថុនា ឆ្នាំ២០២១ បានឲ្យដឹងថា ថ្វីត្បិតក្នុងរមណីយដ្ឋានខេត្តកែប ពុំសូវមានភ្ញៀវមកទស្សនា សម្រាកលម្ហែ ដូចមុនក៏ពិតមែន តែតម្លៃគ្រឿងសមុទ្រហាក់មានហាងឆេងធម្មតា(តម្លៃទូទៅ)។លោកថា ជួនកាលពេលខ្លះតម្លៃគ្រឿងសមុទ្រអាចមានហាងឆេងឡើងចុះ បណ្តាលមកពីការងារនេសាទមានការថយចុះ ដែលកត្រាបែបនេះអាចបណ្តាលមកពីបញ្ហាគ្រោះធម្មជាតិ ដូចជាមានភ្លៀងខ្យល់ ពិសេសព្រោះតែទឹករលកធំៗ ទើបអ្នកនេសាទខ្លះអាក់ខានពុំបានចេញទូកនេសាទក្នុងលម្ហសមុទ្រ។

លោកប្រធានបានបញ្ជាក់ទៀតថា ចំពោះតម្លៃទូទៅរួមមាន៖ បង្គាស្រស់លេខ១ ក្នុង១គីឡូក្រាម តម្លៃចាប់ពី៤០,០០០៛ទៅ៤៥,០០០៛,មឹកស្រស់លេខ១ ក្នុង១គីឡូក្រាម តម្លៃចាប់ពី៣៥,០០០៛ ទៅ៤៥,០០០៛ ,ក្តាមសេះលេខ១ តម្លៃចាប់ពី ៦០,០០០៛ ទៅ ៦៥,០០០៛។
ដោយឡែកបើយោងតាមតួលេខរបស់ មន្ទីរពាណិជ្ជកម្មខេត្តកំពត ក៏បានបញ្ជាក់ដែរថា តម្លៃគ្រឿងសមុទ្រ នៅទីផ្សារខេត្តកំពត គឺមានហាងឆេងប្រហាក់ប្រហែលគ្នានឹងខេត្តកែបដែរ៕

សេង ណារិទ្ធ

-
ព័ត៌មានជាតិ៤ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១៨ ម៉ោង ago
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ