ព័ត៌មានជាតិ
នៅថ្ងៃទី១៤កក្កដានេះ អភិបាលស្រុកមង្គលបូរី បើកយុទ្ធនាការចាក់វ៉ាក់សាំងជូនពលរដ្ឋ៥ទីតាំង
អភិបាលស្រុកមង្គលបូរី បានឲ្យដឹងថា ចាប់ពីថ្ងៃទី១៤ ខែកក្កដា ឆ្នាំ២០២១នេះ ក្រុមគ្រូពេទ្យចំណុះយោធភូមិទី៥ និងសម្របសម្រួល សហការដោយកងកម្លាំងទាំង៣ប្រភេទ មន្ត្រីក្រុមការងារចាប់ផ្តើមយុទ្ធនាការចាក់វ៉ាក់សាំងជូនប្រជាពលរដ្ឋរស់ក្នុងស្រុកមង្គលបូរី ក្នុងផែនការចាក់ជូនប្រជាពលរដ្ឋឲ្យបាន៤៨.០០០នាក់ ដែលមានទីតាំងចំនួន៥។
លោក រ័ត្ន ដាស៊ីណង់ អភិបាលស្រុកមង្គលបូរីបានប្រាប់ឲ្យដឹងថាការចាក់វ៉ាក់សាំងជូនប្រជាពលរដ្ឋក្នុងស្រុកមង្គលបូរីនេះចាប់ ពីថ្ងៃទី១៤ ដល់ ថ្ងៃទី២៨ ខែកក្កដា ឆ្នាំ២០២១ ដំណើរការចាក់វ៉ាក់សាំងដោយគ្រូពេទ្យចំណុះយោធភូមិទី៥ និងសម្របសម្រួល សហការដោយកងកម្លាំងទាំង៣ប្រភេទ មន្ត្រីក្រុមការងារចុះជួយមូលដ្ឋាន មន្ត្រីអាជ្ញាធរ យុវជន សសយក និងយុវជនចម្រុះ ប្រជាការពារ ដែលក្នុងនោះមានទីតាំងចំនួន៥គឺ ទី១មណ្ឌលសាលាចិនចុងវ៉ា ២ទីតាំងនៅសាលាបឋមសិក្សាចំណោម ៣ទីតាំងផ្សារបូរីជ័យចំការតាដោក ៤ទីតាំងសាលាបឋមសិក្សាគំរូ និង៥សាលាបឋមសិក្សាប្ញស្សីក្រោក កំណត់រយៈពេលចាក់១៤ ថ្ងៃ។។
លោកឧត្តមសេនីយ៍ទោ សរ គឹមប៉ាក់ មេបញ្ជាការរង យោធភូមិភាគទី ៥និងជាប្រធានក្រុមការងារទី៣ បានប្រាប់ឲ្យដឹងថា គម្រោងយុទ្ធនាការចាក់វ៉ាក់សាំងនេះចាប់ផ្តើមចាក់នៅពេលព្រឹកថ្ងៃទី១៤ ខែកក្កដា ឆ្នាំ២០២១ តទៅ ក្នុងរយៈពេល១៤ ថ្ងៃ ជំហានទី១ គ្រូពេទ្យយោធាគ្រោងចាក់ជូន ព្រះសង្ឃ មន្ត្រីរាជការ កម្មករ កម្មការិនី និងប្រជាពលរដ្ឋឲ្យបាន៤៨.០០០ នាក់ទាំង៥ទីតាំង និងបន្ទាប់មកទៀតនៅស្រុកព្រះនេត្រព្រះ ស្រុកម៉ាឡៃ។
លោកឧត្តមសេនីយ៍ទោ សរ គឹមប៉ាក់ បានបន្តថាកាលពីល្ងាចថ្ងៃទី១៣ខែកក្កដា កន្លងមក ខេត្តបន្ទាយមានជ័យ ទទួលវ៉ាក់សាំងពីថ្នាក់លើបានចំនួន៥,៥ដូស ហើយល្ងាចថ្ងៃទី១៤ ខែកក្កដា នឹងទទួលបន្ថែមទៀត។ លោកឧត្តមសេនីយទោ សេង ធារិន បញ្ជាការរងជានាយសេនាធិការយោធភូមិភាគទី៥ និងជាប្រធានក្រុមគ្រូពេទ្យចាក់វ៉ាក់សាំងការពារកូវីដ១៩ យោធភូមិភាគបានឲ្យដឹងថា គ្រូពេទ្យយោធាមកពី១២អង្គភាពចំណុះយោធភូមិភាគនឹងជួយអន្តរាគមន៍លើផ្នែកចាក់វ៉ាក់សាំង។ ឯកម្លាំងកងរាជអាវុធហត្ថ មន្ត្រីអាជ្ញាធរ ប្រជាការពារ យុវជន សសយក និងជួយលើការសម្របសម្រួលបែបបទរដ្ឋបាល សណ្តាប់ធ្នាប់ ការចុះនិងហៅឈ្មោះ ផ្ទៀងផ្ទាត់បញ្ចូលទិន្នន័យក្នុងកុំព្យូទ័រជាដើម។
ក្នុងនោះលោកនាយឧត្តមសេនីយ៍ ម៉ក់ សារុន អគ្គមេបញ្ជាការរងនៃអគ្គបញ្ជាការដ្ឋានកងយោធពលខេមរៈភូមិន្ទ បានកោតសរសើរនិងថ្លែងអំណរគុណដល់ក្រុមការងារទាំងកងកម្លាំង ទាំងអាជ្ញាធរ ដែលបានខិតខំប្រឹងប្រែងចាក់វ៉ាក់សាំងបង្ការកូវីដ១៩ ជូនពលរដ្ឋនៅតំបន់បិទខ្ទប់ បន្ទាប់ពីមានការផ្ទុះខ្លាំង ការរីករាលដាលជំងឺកូវីដ១៩ និងប្រឈមនេះ។ ក្នុងនោះលោកបានណែនាំទូទៅ វិន័យ ការទទួលខុសត្រូវចំពោះថ្នាក់លើ ក៏ដូចពលរដ្ឋ និងបច្ចេកទេស ដើម្បីឲ្យដំណើរការចាក់វ៉ាក់សាំងប្រព្រឹត្តទៅរលូន បានលទ្ធផលល្អ មានប្រសិទ្ធភាពនិងប្រកបដោយការទទួលខុសត្រូវផងដែរ៕
អត្ថបទ៖ វ៉ាន់ ណាង
-
សន្តិសុខសង្គម១ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា៦ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានអន្ដរជាតិ៣ ម៉ោង agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានអន្ដរជាតិ៦ ថ្ងៃ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន
-
កីឡា៦ ថ្ងៃ agoចប់សន្សំពិន្ទុជុំទី២ World Cup 2026 រកឃើញ ៧ ក្រុមឡើងវគ្គ ៣២ ក្រុមចុងក្រោយ
-
ព័ត៌មានជាតិ១ សប្តាហ៍ agoអ្នកវិភាគមើលឃើញពីសក្ដានុពលពាណិជ្ជកម្មសេរីរវាងកម្ពុជានិងអឺរ៉ាស៊ីស្របគ្នានឹងបញ្ហាប្រឈមមួយចំនួន
-
ព័ត៌មានអន្ដរជាតិ២ ថ្ងៃ agoអាមេរិកបើកការវាយប្រហារលើអ៊ីរ៉ង់ ២ថ្ងៃជាប់គ្នា ដោយចោទទីក្រុងតេហេរ៉ង់ថា រំលោភលើកិច្ចព្រមព្រៀង
-
ព័ត៌មានជាតិ២ ថ្ងៃ agoកូរ៉េខាងត្បូង ស្នើឲ្យ កម្ពុជា ធ្វើម្ចាស់ផ្ទះសន្និសីទ ICPC លើកទី ២