កីឡា

ផ្អើលការគាំទ្រខ្លាំងចំពោះការប្រកួតតេក្វាន់ដូ ITF ក្នុងព្រឹត្តិការណ៍កីឡាចម្រុះជើងឯកកុមារ ២០២៦

បានផុស

២១ នាទី មុន

នៅ

ថ្ងៃអង្គារ ៣០ មិថុនា ២០២៦

ដោយ

ព្រឹត្តិការណ៍កីឡាចម្រុះជើងឯកកុមារ ឆ្នាំ២០២៦ ទើបបញ្ចប់ទៅនេះមានការគាំទ្រជាខ្លាំងចំពោះការប្រកួតកីឡាតេក្វាន់ដូ ITF ដែលអ្នកឈរទស្សនាច្រើនកុះករ និងបង្ហាញពីភាពសប្បាយរីករាយជាមួយកីឡាករ កីឡាការិនីតូចៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពការប្រកួត ITF

លោក ប៉ាល់ ជីវ័ន ដែលជាក្រុមការងាររៀបចំការប្រកួតតេក្វាន់ដូ ITF ក្នុងព្រឹត្តិការណ៍កីឡាចម្រុះខាងលើនេះបានឲ្យដឹងថា តាមការមើលឃើញជាក់ស្ដែងនៃការប្រកួតពេលមួយថ្ងៃទី២៨ មិថុនា ២០២៦ នេះគឺពិតជាមានការគាំទ្រច្រើនមែនក្នុងចំណោម ៣ប្រភេទកីឡាដែលរៀបចំក្នុងសាលនោះ។

កក្ដតាដែលនាំឲ្យមានភាពទាក់ទាញទាំងនោះដោយសារតែតេក្វាន់ដូ ITF មានវិញ្ញាសារប្រយុទ្ធសម្រាប់កុមារតូចៗធ្វើឲ្យមានការចាប់អារម្មណ៍ខ្លាំងពីអ្នកមកចូលរួមកម្មវិធីទាំងមូល។ អ្នកគាំទ្រមួយចំនួនជាអាណាព្យាបាល និងមិត្តភ័ត្ររបស់កីឡាករ កីឡាការិនីថ្នាលដែលមកប្រកួតបានធ្វើឲ្យទីលានមានភាពអ៊ូអរខ្លាំង។ ដូចបានលើកឡើងខាងតេក្វាន់ដូ ITF ជាប្រភេទកីឡាបែបប្រយុទ្ធ និងមេគុន ដែលត្រូវប្រកួតប្រជែងគ្នាហេតុនេះសកម្មភាពគឺមានភាពទាក់ទាញ។

ទិដ្ឋភាពការប្រកួត ITF

គ្រូបង្វឹកខាងលើនេះបន្ថែមទៀតថា មិនត្រឹមតែមានមនុស្សចូលរួមទស្សនាច្រើននៅក្នុងទីលានផ្ទាល់នោះទេ ពោលនៅតាមការឡាយ (Live) ដំណាលគ្នាក៏មានអ្នកទស្សនាច្រើនជាងប្រភេទកីឡាផ្សេងៗផងដែរនេះបើតាមការបញ្ជាក់ពីក្រុមបច្ចេកទេសមកកាន់លោក។

ទិដ្ឋភាពបំពាក់មេដាយ

បញ្ជាក់ដែរថា កាលពីថ្ងៃទី២៨ ខែមិថុនា ឆ្នាំ២០២៦ នេះ ស.ស.យ.ក រាជធានីភ្នំពេញ សហការការជាមួយសហព័ន្ធកីឡាជាតិមួយចំនួនរៀបចំការព្រឹត្តិការណ៍ប្រកួតកីឡាចម្រុះកុមារ ឆ្នាំ២០២៦ នៅអគារ ខេមរានី នៅខណ្ឌជ្រោយចង្វា រាជធានីភ្នំពេញ។ ការប្រកួតនេះមាន ៥ប្រភេទកីឡាគឺមានបាល់ទាត់ ឡើងភ្នំ វាយសី វាយកូនឃ្លីលើតុ និងកីឡាតេក្វាន់ដូ ITF។ ការប្រកួតតាំងពីព្រឹករហូតដល់ពេលល្ងាចបិទបញ្ចប់កម្មវិធីគេឃើញមានអ្នកចូលរួមទស្សនាការប្រកួតតេក្វាន់ដូ ITF ច្រើនកុះករ និងមានភាពសប្បាយរីករាយដោយសារក្មេងៗប្រកួតមានការចាប់អារម្មណ៍ខ្លាំង៕