ផ្លូវ​លេខ​១១៥ ក្រុងតាខ្មៅ​​ពីព្រឹក​ដល់ល្ងាច ដីហុយទ្រលោម រថយន្ត​ដឹក​ដី​បរកាត់រាល់ថ្ងៃ

កណ្តាល ៖ នៅលើកំណាត់ផ្លូវលេខ ១១៥ ក្រុងតាខ្មៅ ខេត្តកណ្តាល បច្ចុប្បន្នកំពុងកើតមានស្ថានភាពយ៉ាប់​យ៉ឺន​ខ្លាំងណាស់ ព្រោះមានដីហុយទ្រលោម ខណៈរថយន្តដឹកដី​ដឹកខ្សាច់បើករដោយគ្មានសណ្តាប់ធ្នាប់។

ពលរដ្ឋរស់នៅក្រុងតាខ្មៅបានត្អូញត្អែរ ចំពោះស្ថានភាពផ្លូវលេខ១១៥ នៃមូលដ្ឋានក្រុងតាខ្មៅ មានដីហុយទ្រលោម​រាល់ថ្ងៃបង្កឱ្យមានផលប៉ះពាល់ដល់សុខភាពយ៉ាងធ្ងន់ធ្ងរ ទៅដល់ប្រជាពលរដ្ឋដែលរស់នៅតាមបណ្តោយផ្លូវនេះ ពិសេសនោះគឺប៉ះពាល់ដល់សោភ័ណ្ឌភាព នៃក្រុងតាខ្មៅតែម្តង ដោយសារវត្តមានរបស់ក្រុម​រថយន្តដឹកដី និង​រថយន្តដឹកខ្សាច់យ៉ាងច្រើនសន្ធឹក​បើកបរលឿនៗ។

ដោយសារបញ្ហាទាំងនេះ បងប្អូនប្រជាពលរដ្ឋដែលរស់នៅក្នុងមូលដ្ឋានក្រុងតាខ្មៅ ខេត្តកណ្តាល ទាំងមូល  សូមសំណូមពរអាជ្ញាធរជំនាញ ឬ លោកអភិបាលក្រុងតាខ្មៅ មេត្តាចុះត្រួតពិនិត្យអំពីស្ថានភាពផ្លូវ និងបរិស្ថាន អនាម័យនៅតំបន់នោះផង៕

អត្ថបទ៖ រ៉ាវុទ្ធ