ព័ត៌មានជាតិ

មន្រ្តីជាន់ខ្ពស់បញ្ជាក់ករណី សុគតព្រះសង្ឃ១ អង្គ ដោយសារកូវីដ១៩

បានផុស

៣ years មុន

នៅ

ថ្ងៃពុធ ២៨ កក្កដា ២០២១

ដោយ

ប្រធានមន្ទីរធម្មការ និង សាសនា រាជធានីភ្នំពេញ លោក ទេព គង្គា បានឱ្យដឹងនៅថ្ងៃទី២៨ ខែ កក្កដានេះថា រហូតមកដល់ពេលនេះ ព្រះសង្ឃក្នុងវិស័យព្រះពុទ្ធសាសនាចំនួន២១២អង្គ ឥស្លាមសាសនាចំនួន ២៩៩នាក់ គ្រិស្តសាសនា ចំនួន១០០នាក់ និង សាសនាមហាយាន ចំនួន១២នាក់ បានឆ្លងជំងឺកូវីដ១៩ ក្នុងនោះក៏ មានព្រះសង្ឃ១អង្គ បានសុគតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការឲ្យដឹងពីប្រធានមន្ទីរធម្មការ និង សាសនា មានវត្តចំនួន១២ ព្រះសង្ឃចំនួន២១២អង្គ បានឆ្លងជំងឺកូវីដ១៩ ព្រះសង្ឃ១៣៧អង្គជាសះស្បើយ ព្រះសង្ឃ៧៥អង្គ កំពុងសម្រាកព្យាបាលជំងឺ វត្តចំនួន៨កំពុងធ្វើចត្តាឡីសក័ និងព្រះសង្ឃ១អង្គបានសុគត។ រួមមាន៖ ទី១. វត្ត សារាវ័ន្តតេជោ មានឆ្លង៥០អង្គ ជាសះស្បើយ៤៩អង្គ និងសុគត១អង្គ បានបញ្ចប់ការធ្វើចត្តាឡីស័កហើយ។ ទី២. វត្តបទុមវតី មានឆ្លង១៤អង្គ ជាសះស្បើយ១អង្គ សម្រាកព្យាបាល១៣អង្គនិងកំពុងធ្វើចត្តាឡីស័ក។ ទី៣. វត្តកោះមេត្តាពោធិវង្ស មានឆ្លង៧អង្គ ជាសះស្បើយ៧អង្គ បានបញ្ចប់ការធ្វើចត្តាឡីស័កហើយ។ ទី៤. វត្តចង្ក្រានតាព្រហ្មស្ទឹងមានជ័យ មានឆ្លង៣៧អង្គ ជាសះស្បើយ៣៧អង្គ បានបញ្ចប់ការធ្វើចត្តាឡីស័កហើយ។ ទី៥. វត្តដំបូកខ្ពស់ មានឆ្លង៣អង្គ កំពុងសម្រាកព្យាបាល៣អង្គ និងកំពុងធ្វើចត្តាឡីស័ក។ ទី៦. វគ្គមហាមន្ត្រី មានឆ្លង៤៨អង្គ ជាសះស្បើយ៤១អង្គ កំពុងសម្រាកព្យាបាល៧អង្គ និងកំពុងធ្វើចត្តាឡីស័ក។ ទី៧. វត្តសាក់សំពៅ មាន២អង្គ ជាសះស្បើយ២អង្គ បានបញ្ចប់ការធ្វើចត្តាឡីស័កហើយ។ ទី៨. វគ្គតេជោឧកញ៉ាវាំង មានឆ្លង២អង្គ កំពុងសម្រាកព្យាបាល និងធ្វើចត្តាឡីស័ក។ ទី៩. វត្តវារិន្ទព្រែកលៀប មានឆ្លង២១អង្គ កំពុងសម្រាកព្យាបាលនិងធ្វើចត្តាឡីស័ក។ ទី១០. វត្តទួលទំពូង មានឆ្លង២០អង្គ កំពុងសម្រាកព្យាបាល និងធ្វើចត្តាឡីស័ក។ ទី១១. វត្តអរុណវតី មានឆ្លង៤អង្គ កំពុងសម្រាកព្យាបាល និងធ្វើចត្តាឡីស័ក។ ទី១២. វត្តជុំ មានឆ្លង៤អង្គ កំពុង សម្រាកព្យាបាល និងធ្វើចត្តាឡីស័ក។

ចំពោះឥស្លាមសាសនា គ្រិស្តសាសនា និងសាសនាផ្សេងៗ ដែលឆ្លងជំងឺកូវីដ-១៩ ក្នុងព្រឹត្តិការណ៍២០កុម្ភៈនោះដែររួមមាន៖ ទី១. ឥស្លាមសាសនាអ្នកវិជ្ជមានកូវីដ១៩ ចំនួន២៩៩នាក់ ជាសះស្បើយ ចំនួន២៦១នាក់ កំពុងធ្វើចត្តាឡីស័ក ចំនួន៣៨ និងស្លាប់៦នាក់។ ទី២. គ្រិស្តសាសនា អ្នកវិជ្ជមានកូវីដ១៩ ចំនួន១០០នាក់ ជាសះស្បើយចំនួន៩៨នាក់ កំពុងធ្វើចត្តាឡីស័កចំនួន២នាក់។ ទី៣. សាសនាមហាយាន អ្នកវិជ្ជមានកូវីដ១៩ ចំនួន១២នាក់ ជាសះស្បើយ ចំនួន១២នាក់។ សូមបញ្ជាក់ថា នៅរាជធានីភ្នំពេញ មានវត្ត១៥១វត្ត ព្រះសង្ឃ៨៥១៧អង្គ៕