ព័ត៌មានជាតិ

អាជីវករខ្មែរដែលជាពីជំងឺកូវីដ៣០០នាក់ មកបន្តធ្វើចត្តាឡីស័ក១៤ថ្ងៃ ក្នុងបរិវេណផ្សាររោងក្លឿ

បានផុស

៤ years មុន

នៅ

ថ្ងៃសុក្រ ៦ សីហា ២០២១

ដោយ

កាលពីថ្ងៃទី៥ ខែសីហា ឆ្នាំ២០២១ ម្សិលមិញនេះ អាជ្ញាធរខេត្តស្រះកែវ បានបញ្ជូនក្រុមអាជីវករដែលទើបព្យាបាលជាសះស្បើយពីជំងឺកូវីដ១៩ ចំនួន៣០០នាក់ មកកាន់បរិវេណផ្សាររោងក្លឿ ដើម្បីបន្តធ្វើចត្តាឡីស័កចំនួន១៤ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីប្រកាសតួលេខរបស់មន្ដ្រីសុខាភិបាលខេត្តស្រះកែវ បានបញ្ជាក់ថា ក្រុមអាជីវករខ្មែរដែលលក់ដូរក្នុងផ្សាររោងក្លឿ បានឆ្លងកូវីដរហូតដល់ចំនួន ១,១៩៧ នាក់ ហើយកាលពីថ្ងៃទី៥ សីហា ម្សិលមិញនេះដែរ ក៏មានចំនួនអ្នកជាសះស្បើយ ៣០០ នាក់ ដែលនេះជាលើកដំបូងហើយបន្ទាប់ពីគណកម្មាធិការប្រយុទ្ធប្រឆាំងជំងឺឆ្លងប្រចាំខេត្តស្រះកែវ បានយកពួកគាត់ទៅព្យាបាលនៅក្នុងទីតាំងចំនួន២ គឺក្បែរកងរយលេខ ១២៦ ក្នុងឃុំបានម៉ៃណងសៃ និងបរិវេណ ហ្វាកហ៊ួយ ក្នុងស្រុកអារញ្ញប្រាថេត ខេត្តស្រះកែវ ។

លោក កៀតស័ក្តិ ច័ន្ទត្រា អភិបាលខេត្តស្រះកែវ បានចេញសេចក្តីសម្រេច ដោយដាក់កម្លាំងយាមកាមនៅជុំវិញបរិវេណផ្សាររោងក្លឿ ដោយមិនអនុញ្ញាតឲ្យមានការធ្វើដំណើរចេញ-ចូលឡើយ ចាប់ពីថ្ងៃទី៤ ដល់ថ្ងៃទី២៤ សីហា ខាងមុខនេះ៕

អត្ថបទ៖ សោ និយមរ័ត្ន

Related Topics: