ព័ត៌មានជាតិ

ខេត្តបន្ទាយមានជ័យ បើកដំណើរការចាក់វ៉ាក់សាំងជូនពលរដ្ឋស្រុកថ្មពួក ជាស្រុកចុងក្រោយ

បានផុស

៤ years មុន

នៅ

ថ្ងៃសៅរ៍ ១៤ សីហា ២០២១

ដោយ

ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ឯកឧត្តម ប៉ាល់ សំអឿន អ្នកតំណាងរាស្ត្រមណ្ឌលបន្ទាយមានជ័យ អមដំណើរដោយ លោក គឹង វណ្ណៈ អភិបាលរងខេត្ត លោក អែម សុខា អភិបាលស្រុកថ្មពួក លោក ឡេ ចន្ទសង្វាត ប្រធានមន្ទីរសុខាភិបាលរដ្ឋបាលខេត្ត បានអញ្ជើញបើកយុទ្ធនាការចាក់វ៉ាក់សាំងជូនបងប្អូនប្រជាពលរដ្ឋ ទូទាំង៦ឃុំ ក្នុងស្រុកថ្មពួក ខេត្តបន្ទាយមានជ័យ ចំនួន៣២០០០ដូស នាព្រឹកថ្ងៃទី១៤ ខែសីហា ឆ្នាំ២០២១ដែលជាស្រុកចុងក្រោយគេនៃការចាក់វ៉ាក់សាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា ៩ក្រុង/ស្រុក ទូទាំងខេត្តបន្ទាយមានជ័យ បានដំណើរការចាក់វ៉ាក់សាំងគ្រប់ទាំងអស់ ស្រុកថ្មពួកជាស្រុកចុងក្រោយគេបានដំណើរការចាក់ពីថ្ងៃនេះតាមផែនការ។

ឯកឧត្តម អ៊ុំ រាត្រី អភិបាលខេត្តបន្ទាយមានជ័យបានបន្តថា បើទោះបីជាបងប្អូនបានធ្វើការចាក់វ៉ាក់សាំង បង្ការជំងឺកូវីដ១៩ហើយក្ដី ក៏បងប្អូនត្រូវតែបន្តអនុវត្តតាមការណែនាំរបស់ ក្រសួងសុខាភិបាល និងអនុវត្តវិធាន ៣ការពារ និង៣កុំ ឱ្យបានខ្ជាប់ខ្ជួន។

ឯកឧត្តមអភិបាលខេត្ត មានប្រសាសន៍ថា វ៉ាក់សាំងដែលចាក់ជូនបងប្អូនយើងនាពេលនេះ គឺជាការផ្តល់ជូនពីសំណាក់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលសម្តេចបានខិតខំគ្រប់បែបយ៉ាង ដើម្បីរកវ៉ាក់សាំង និងបានដាក់ចេញវិធានការ សម្រាប់ចាក់ជូនប្រជាពលរដ្ឋរបស់យើងឱ្យបានគ្រប់ៗគ្នា ដូច្នេះហើយបងប្អូនត្រូវគោរពដឹងគុណចំពោះសម្តេច។ សូមអញ្ជើញពុកម៉ែបងប្អូនទៅចូលរួមចាក់វ៉ាក់សាំងឲ្យបានគ្របៗគ្នា ដើម្បីការពារ និងប្រយុទ្ធនឹងជំងឺកូវីដ១៩៕

អត្ថបទ៖ អពៅ

Related Topics: