ព័ត៌មានជាតិ

ប្រហែលខូចចិត្តរឿងស្នេហា នារីម្នាក់មកលោតទឹកទាំងយប់ ដោយបន្សល់ទុករូបថតមួយសន្លឹក

បានផុស

៤ years មុន

នៅ

ថ្ងៃសៅរ៍ ២៨ សីហា ២០២១

ដោយ

រូបថត១សន្លឹកដែលថតជាមួយសង្សាររួមជាមួយស្បែងជើង១គូ និងអាវដេកយប់១ បានបន្សល់ទុកនៅលើស្ពានជ្រោយចង្វារ ក្រោយពីមាននារីរូបស្រស់ស្អាតម្នាក់ប្រហែលជាកើតទុករឿងស្នេហាហើយមើលទៅ បានជាសម្រេចចិត្តលោតទឹកសម្លាប់ខ្លួន តែត្រូវគេជួយទាន់ពេលវេលា។ ហេតុការណ៍នោះបានបង្កឲ្យមានការភ្ញាក់ផ្អើលឡើងកាលពីវេលា៣ទៀបភ្លឺថ្ងៃ២៨ ខែសីហា ឆ្នាំ២០២១ នៅលើស្ពានជ្រោយចង្វារខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានប្រជាពលរដ្ឋអ្នកដំណើរដែលបានឃើញហេតុការណ៍នោះបានឲ្យដឹងថា នៅវេលាកើតហេតុគេ គឺឃើញនារីស្រស់ស្អាតម្នាក់ ដើរពាក់អាវឈុតរាត្រីយំមិនដើរទឹកភ្នែកបណ្ដើរឡើងលើស្ពានជ្រោយចង្វារលុះដល់ពាក់កណ្ដាលស្ពាននារីរូបនោះ ក៏បានឈរមួយសន្ទុះក៏ស្រាប់តែលោតទឹកសម្លាប់ខ្លួន តែត្រូវបានអ្នករត់កង់បីឥណ្ឌា ជួយទាន់ពេល។

ដើមហេតុដោយសារស្ដ្រីរូបនោះបានឈ្លោះគ្នាជាមួយសង្សារ ហើយក៏បានទៅផឹកស្រាឲ្យស្រវឹងបម្រុងទៅលោតទឹកសម្លាប់ខ្លួន តែសំណាងល្អត្រូវបានអ្នករត់កង់បីឥណ្ឌា(PASS APP) មកជួយទាន់ ដោយសារស្រវឹងស្រាពេកស្ដ្រីរូបនោះ មិនបានយករូបថតស្បែងជើង និងអាវដេកយប់ ដោយធ្វើឲ្យមានការយល់ច្រឡំថានាងបានលោតទឹកសម្លាប់ខ្លួន តែតាមពិតមានគេជួយនាងរួចជូនទៅផ្ទះរួចទៅហើយ គ្រាន់តែនារីរូបនោះភ្លេចយកអីវ៉ាន់ទៅតែប៉ុណ្ណោះ៕