ព័ត៌មានជាតិ

ជំនន់ទឹកភ្លៀងកំពុងវាយលុកក្រុងប៉ោយប៉ែត អាជ្ញាធរជម្លៀសពលរដ្ឋ មកកាន់ទីទួលសុវត្ថិភាព

បានផុស

៣ years មុន

នៅ

ថ្ងៃចន្ទ ២០ កញ្ញា ២០២១

ដោយ

រយៈពេលពីរថ្ងៃហើយ គឺចាប់តាំងពីថ្ងៃទី១៩ មកទល់ថ្ងៃទី២០នេះ សន្ទុះទឹកភ្លៀងបានធ្លាក់មកយ៉ាងធ្ងន់ធ្ងរ បង្កឲ្យលិចរាល់ហេដ្ឋារចនាសម្ព័ន្ធជាពិសេសផ្លូវជាតិតូចធំ នៅក្នុងក្រុងប៉ោយប៉ែត បានរងនូវការលិចលង់ទាំងស្រុងតែម្ដង មិនត្រឹមតែប៉ុណ្ណោះប្រជាពលរដ្ឋដែលរស់នៅតាមអូរព្រំដែនកម្ពុជាថៃ កំពុងត្រូវបានអាជ្ញាធរជម្លៀសមកពីទួលសុវត្ថិភាពជាបណ្ដើរៗហើយ ដោយមានកងកម្លាំងទាហាន ប៉ូលិស ប៉េអិម បានចូលរួមសង្គ្រោះប្រជាពលរដ្ឋយើងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេបានសម្គាល់ឃើញ មន្ត្រីទាហានរបស់អង្គភាពកងពលតូចលេខ ៥១ ប្រចាំខេត្តបន្ទាយមានជ័យ រួមទាំងមន្ត្រីប៉េអិម និងប៉ូលិសជាច្រើនរូប បានកំពុងតែជួយសង្គ្រោះពលរដ្ឋ ដែលនៅតាមអូរព្រំដែនកម្ពុជាថៃ ដែលកំពុងរងនូវការលិចលង់ ដោយទឹកជំនន់នាពេលបច្ចុប្បន្ននេះ ដើម្បីឲ្យពួកគាត់បានមករស់នៅលើទីទួលសុវត្ថិភាព ដែលអាជ្ញាធរបានត្រៀមរួចស្រេចទៅហើយនោះ។

សូមបញ្ជាក់ដែរថា ផ្លូវជាតិលេខ ៥ ដែលមានប្រវែង ២០០ម៉ែត្រកំពុងតែរងនូវការលិចលង់ទាំងស្រុងនៅចំណុចក្នុងភូមិបាលិលេយ្យ ២ សង្កាត់ប៉ោយប៉ែត ក្រុងប៉ោយប៉ែតខេត្តបន្ទាយមានជ័យ ហើយនៅតាមបណ្ដាលផ្លូវបេតុងតូចធំស្ទើរ 90% ទៅហើយនោះ ក៏ត្រូវរងនូវការលិចលង់ផងដែរ អាជ្ញាធរមិនទាន់បានបំភ្លឺទាក់ទងទៅហ្នឹងការជម្លៀសប្រជាពលរដ្ឋនៅតាមបណ្ដាភូមិនីមួយៗមកពីសុវត្ថិភាពនៅឡើយទេ ដោយឡែក លោកអភិបាលក្រុងប៉ោយប៉ែត មិនទាន់បានបំភ្លឺច្បាស់លាស់នៅឡើយទេ ទាក់ទិនទៅនឹងការជម្លៀសប្រជាពលរដ្ឋមកកាន់ទីទួលសុវត្ថិភាព៕