ព័ត៌មានជាតិ
លោក ជា ចាន់តូ៖ សាសនាគឺធាតុដ៏សំខាន់ ដែលមិនអាចខ្វះបាន នៅក្នុងសង្គមជាតិ
លោក ជា ចាន់តូ ទេសាភិបាលធនាគារជាតិនៃកម្ពុជា បានចាត់ទុកសាសនា គឺធាតុសំខាន់ ដែលមិនអាចខ្វះបាន នៅក្នុងសង្គមជាតិព្រោះសាសនា បានដើរតួនាទីជាគ្រឹះនៃទស្សនៈវិជ្ជាដ៏រឹងមាំ សម្រាប់ភាពរុងរឿងនៃអរិយធម៌របស់ប្រជាជាតិ។
ការលើកឡើងរបស់លោក ជា ចាន់តូ នេះ បានធ្វើឡើងនៅក្នុងឱកាស ដែលលោកបានអញ្ជើញចូលរួមធ្វើបាឋកថាជូនព្រះសង្ឃ មន្ត្រីរាជការពាក់ព័ន្ធនិងសមណនិស្សិត និស្សិតក្នុងខាសាពុទ្ធិកវិទ្យាល័យព្រះស៊ីហនុរាជ ខេត្តបាត់ដំបង ក្រោមប្រធានបទ«ដំណើរកម្ពុជារយៈពេលកន្លះសតវត្សរ៍ចុងក្រោយ»សម្រាប់ផ្ដល់ជាមូលដ្ឋានដល់អ្នកសិក្សាស្រាវជ្រាវនិងមន្ត្រីពាក់ព័ន្ធ ក្នុងខេត្តបានយល់ពីដំណើរការវិវត្តន៍របស់ប្រទេសកម្ពុជា ចាប់ពីសតវត្សទី១មកដល់ឆ្នាំ១៩៧០។
លោកទេសាភិបាលបានបន្តថា ដូចនេះវិស័យអាណាចក្រនិងពុទ្ធចក្រត្រូវដើរទន្ទឹមគ្នា ដើម្បីឲ្យសង្គមនិងប្រជាជនរស់នៅប្រកប ដោយបញ្ញា ស្មារតី សេចក្ដីសុខ សុចរិតភាពនិងជាប្រយោជន៍ដល់សង្គម»។
លោក ជា ចាន់តូ លើកឡើងដែរថា ដើម្បីឲ្យប្រទេសជាតិកាន់តែរឹងមាំនិងទទួលបានការរីកចម្រើនថែមទៀត ចាំបាច់ក៏ត្រូវតែមានការចូលរួមពីវិស័យពុទ្ធចក្រនិងស្ថាប័នព្រះមហាក្សត្រសម្រាប់ជាម្លប់ ផងដែរ។ ហើយកាន់តែសំខាន់ទៀតនោះ គឺការធានារក្សាឲ្យបាន ស្ថេរភាពម៉ាក្រូសេដ្ឋកិច្ច អត្រាប្ដូរប្រាក់,ការកសាងហេដ្ឋារចនាសម្ព័ន្ធរូបវ័ន្ត ផ្លូវគមនាគមន៍ ទឹក ភ្លើង និងការអភិវឌ្ឍន៍ធនធានមនុស្ស ដើម្បីធ្វើសមាហរណកម្មចូលក្នុងសហគមន៍តំបន់និងពិភពលោក ដែលទាំងអស់នេះ គឺស្មារតីប្រកបដោយសុទិដ្ឋិនិយមរបស់កម្ពុជា សម្រាប់អនាគត។
លោក ជា ចាន់តូ បញ្ជាក់ដែរថា«ការកសាងប្រទេសជាតិមួយឬអរិយធម៌មួយ ឲ្យរីកចម្រើនរុងរឿងទៅបាន ក៏ទាមទារឲ្យមានទាំងកាយសម្បទានិងផ្នែកបញ្ញាស្មារតី ហើយកាយសម្បទារបស់ប្រជាជាតិមួយប្រៀបដូចទៅនឹងផ្នែកអាណាចក្រ ដែលសំដៅដល់ពលកម្មរបស់ប្រជាជន ការគ្រប់គ្រងរដ្ឋបាល ដោយប្រើចំណេះដឹងនិងជំនាញបច្ចេកទេស ច្បាប់និងហេដ្ឋារចនាសម្ពន្ធ័ សង្គមនិងសេដ្ឋកិច្ច»។ ការធ្វើបាឋកថានេះ ធ្វើឡើងក្នុងគោលបំណង ដើម្បីចែករំលែកចំណេះដឹងនិងបទពិសោធន៍ ក៏ដូចជាពុទ្ធិសម្រាប់ធ្វើជាមូលដ្ឋាន ក្នុងការពិចារណា ដើម្បីចូលរួមដល់ការអភិវឌ្ឍន៍ប្រទេសជាតិ ក្នុងនោះក៏បានបង្ហាញពីតួនាទីរបស់ព្រះពុទ្ធសាសនា ក្នុងសង្គមកម្ពុជាដល់អ្នកចូលរួម ផងដែរ។
វាគ្មិនសំខាន់ៗដែលបានចូលរួមធ្វើបាឋកថានាឱកាសនោះ មានសម្ដេចព្រះពុទ្ធជ័យមុនី ឃឹម សន ប្រធានលេខាធិការដ្ឋានគណៈសង្ឃនាយក នៃព្រះរាជាណាចក្រកម្ពុជាទាក់ទងតួនាទីរបស់ព្រះពុទ្ធសាសនា ឯកឧត្ដម ជា ចាន់តូ ទេសាភិបាលធនាគារជាតិនៃកម្ពុជានិង ឯកឧត្ដម ស៊ុ សន្និសិទ្ធ ទេសាភិបាលរងធនាគារជាតិ នៃកម្ពុជាទាក់ទងទៅនឹងការឆ្លងកាត់ដ៏លំបាកលំបិន មានទាំងការរុងរឿងទាំងការធ្លាក់ចុះរបស់ប្រទេសកម្ពុជា នារយៈពេកកន្លះសតវត្សកន្លងមកនេះ។ ជាមួយនេះដែរ កម្មវិធីក៏បានបង្ហាញឲ្យអ្នកចូលរួម បានយល់ពីប្រវត្តិនៃការតស៊ូ ក្នុងដំណាក់កាលនីមួយៗរបស់កម្ពុជា ចាប់ពីក្រោយថ្ងៃរំដោះ ក្នុងនោះរួមទាំងក្នុងសម័យព្រះរាជណាចក្រកម្ពុជាទី២ ផងដែរ។
ទាក់ទងបញ្ហានេះលោក ជា ចាន់តូ បានបញ្ជាក់ថា កម្ពុជាបានឆ្លងកាត់សម័យកាលជាច្រើន។ប៉ុន្តែគ្មានពេលណា ដែលកម្ពុជាបានចាប់ងើបមុខនិងមានការរីកចម្រើនលើគ្រប់វិស័យជាបន្តបន្ទាប់ ដូចពេលនេះឡើយ។ ពោលចាប់ពីក្រោយឆ្នាំ១៩៩៨ ក្រោមនយោបាយឈ្នះ ឈ្នះ ឈ្នះកម្ពុជា បានឈានដល់ការបង្រួបបង្រួមជាតិតែមួយនិងមានសន្តិភាពពេញលេញជូនជាតិមាតុភូមិ ដែលបានបើកឱកាសឲ្យកម្ពុជា ធ្វើការស្ដារនិងអភិវឌ្ឍប្រទេសឲ្យមានការរីកចម្រើនដល់សព្វថ្ងៃនេះ។ ជាមួយនេះដែរ លោក ជា ចាន់តូ បានវាយតម្លៃខ្ពស់ថា«ដោយគុណបុណ្យនៃសន្តិភាព ដែលកើតចេញពីនយោបាយឈ្នះឈ្នះ ប្រកបដោយគតិបណ្ឌិតរបស់សម្ដេចតេជោ ហ៊ុន សែន ប្រទេសកម្ពុជាយើងទទួលបានសុខសន្តិភាព ប្រជាជនមានជីវភាពរស់នៅសមរម្យនិងរស់នៅប្រកបដោយ ការលូតលាស់រីកចម្រើននឹងរស់ដោយសុខសាន្តហើយមានជីវភាពធូរធារថែមទៀតផង»៕
អត្ថបទ៖ សំអឿន
សូមចុចអាន៖ ផ្លូវក៏ធ្វើស្អាត អង្គរសង្ក្រាន្តសៀមរាប អាចរៀបចំជាថ្មី នៅឆ្នាំ២០២២
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?