ព័ត៌មានជាតិ

ផ្លូវក៏ធ្វើស្អាត អង្គរសង្ក្រាន្តសៀមរាប អាចរៀបចំជាថ្មី នៅឆ្នាំ២០២២

បានផុស

៦ years មុន

នៅ

ថ្ងៃចន្ទ ៣០ វិច្ឆិកា ២០២០

ដោយ

អង្គរសង្ក្រាន្តអាចរៀបចំឡើងវិញនៅឆ្នាំ ២០២២ នៅពេលស្ថានភាពជំងឺកូវីដធូរស្រាល ហើយពិភពលោកអាចវិលត្រឡប់មករស់នៅក្នុងជីវភាពធម្មតាវិញ។

សម្តេចតេជោ ហ៊ុន សែន បានលើកឡើងក្នុងពេលបើកការដ្ឋានផ្លូវ ៣៨ ខ្សែនៅក្រុងសៀមរាបព្រឹកនេះថា នៅពេលស្ថានភាពវិបត្តិជំងឺកូវីដអាចគ្រប់គ្រងបាន នៅឆ្នាំ ២០២២ ខេត្តសៀមរាបអាចរៀបចំព្រឹត្តិការណ៍អង្គរសង្ក្រាន្តជាថ្មី ស្របពេលហេដ្ឋារចនាសម្ពន្ធសម្ព័ន្ធផ្លូវក្នុងខេត្តសៀមរាបត្រូវបានកែលម្អបញ្ចប់ការស្ថាបនាទាំងស្រុង។

ជុំវិញការផ្ទុះជំងឺកូវីដជាប់ពាក់ព័ន្ធមន្រ្តីជាន់ខ្ពស់នៅអគ្គនាយកដ្ឋានពន្ធនាគារ សម្តេចតេជោ ហ៊ុន សែន បានហៅការឆ្លងនេះជាព្រឹត្តិការណ៍សហគមន៍ ២៨ វិច្ឆិកា។ សំណាក ៣៣៣១ ត្រូវបានធ្វើតេស្ត និងរកឃើញ ១៤ ករណី មានវិជ្ជមានកូវីដ ១៩ និង ០១ ករណីទៀតកំពុងធ្វើការបញ្ជាក់ពីវិទ្យាស្ថានប៉ាស្ទ័រ។

សម្ដេចបានលើកឡើងថា ជាលើកដំបូងដែលវាបានឆ្លងចូលក្នុងសហគមន៍ហើយមិនទាន់កំណត់ប្រភពបាន។ សម្ដេចមានការបារម្ភ ហើយទាមទារឲ្យធ្វើប្រតិបត្តិការយ៉ាងលឿនបំផុត ហើយត្រូវការស្រាវជ្រាវអ្នកពាក់ព័ន្ធនានា។ សម្តេចថា ពេលនេះមិនមែនជាពេលត្រូវស្តីបន្ទោសនិងទម្លាក់កំហុសគ្នា ជាពេលវេលាត្រូវសាមគ្គីគ្នា ដើម្បីប្រយុទ្ធទប់ស្កាត់ការរីករាលដាលជំងឺនេះ៕

Related Topics:ខេត្តសៀមរាប