ព័ត៌មានជាតិ
ឃុំខ្លួនប្រធានក្រុមប្រឹក្សាភិបាលក្រុមហ៊ុន YRT ពីបទឆបោកប្រាក់ ៥ ម៉ឺនដុល្លារ
ចៅក្រមស៉ើបសួរសាលាដំបូងរាជធានីភ្នំពេញ នាថ្ងៃអាទិត្យទី ៣១តុលា ឆ្នាំ២០២១នេះ បានចេញដីកាសម្រេចឃុំខ្លួនប្រធានក្រុមប្រឹក្សាភិបាលក្រុមហ៊្ន YRT ដាក់ពន្ធនាគារព្រៃសជាបណ្ថោះអាសន្ន ក្រោមការចោទប្រកាន់ពីបទ ឆបោកមានស្ថានទំងន់ទោស (ក្រុមឆបោកមានការចាត់តាំង)។
ជនត្រូវចោទឈ្មោះ យុត ឫទ្ធី ជាប្រធានក្រុមប្រឹក្សាភិបាល ក្រុមហ៊ុន វ៉ាយ អ ធី ត្រេឌីង ឯ.ក (YRT Trading Co,Ltd) មានទីលំនៅ តាមផ្លូវជាតិលេខ២ ក្នុងបុរីពិភពថ្មីកួរស្រូវ២ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។
ក្រុមហ៊ុន វ៉ាយ អ ធី ត្រេឌីង ឯ.ក (YRT Trading Co,Ltd) មានទីតាំងស្ថិតនៅអគារ Exchange Square ជាន់ទី១៤ សង្កាត់វត្តភ្នំ ខណ្ឌដូនពេញ រាជធានីភ្នំពេញ។
លោក យុត ឫទ្ធី នៅថ្ងៃទី ៣០ ខែតុលា ឆ្នាំ២០២១ នេះ ត្រូវបានសមត្ថកិច្ចកងរាជអាវុធហត្ថរាជធានីភ្នំពេញ ឃាត់ខ្លួនបញ្ជូនមកអយ្យការអមសាលាដំបូងរាជធានីភ្នំពេញ ដើម្បីធ្វើការសាកសួរពាក់ព័ន្ធ និងអំពើឆបោកមានការចាត់តាំង។
តាមដំណើររឿងនេះ គឺជនរងគ្រោះបានស្គាល់លោក យុត ឫទ្ធី តាមរយៈមិត្តភក្តិម្នាក់ទៀត ក្នុងអំឡុងដើមឆ្នាំ២០២១ ដែល លោក យុត ឫទ្ធី អះអាងថា លោកគឺជាប្រធានក្រុមប្រឹក្សាភិបាល ក្រុមហ៊ុន វ៉ាយ អ ធី ត្រេឌីង ឯ.ក (YRT Trading Co,Ltd)។
លោក យុត ឫទ្ធី តែងតែលួងលោមជនរងគ្រោះ ឱ្យដាក់ប្រាក់រកស៊ីជាមួយគ្នា ដើម្បីទទួលបានការប្រាក់ពីការជួញដូរទើបជនរងគ្រោះដាក់ប្រាក់ជាបន្តបន្ទាប់ចំនួន៤ដង សរុបទឹកប្រាក់ជាង ៥ម៉ឺនដុល្លារអាមេរិក តែមិនដាក់ចូលក្រុមហ៊ុន ហ៊ុន វ៉ាយ អ ធី ត្រេឌីង ឯ.ក (YRT Trading Co,Ltd) នោះទេ គឺថាដាក់ចូលក្រុមហ៊ុន វ៉ាយ អេ អាយ ត្រេឌីង ឯ.ក ទៅវិញ តែក៏មិនបានដាក់ចូលក្រុមហ៊ុន វ៉ាយ អេ អាយ នេះដែរ មានន័យថា លុយ គឺចូលហោប៉ាវផ្ទាល់ខ្លួនចាយវាយខ្លួនឯង។
ក្រោយមកលោក យុត ឫទ្ធី បានប្រើហេតុផលគ្រប់បែបយ៉ាងមិនប្រគល់ប្រាក់ឱ្យជនរងគ្រោះវិញទេ ខណៈមានគេប្រាប់ថា លោក យុត ឫទ្ធី ត្រូវបានបញ្ឈប់ពីប្រធានក្រុមប្រឹក្សាភិបាល ក្រុមហ៊ុន វ៉ាយ អ ធី ត្រេឌីង ឯ.ក ទៅហើយ។
ក្រោយមក ជនរងគ្រោះបានប្តឹងលោក យុត ឫទ្ធី ទៅកងរាជអាវុធហត្ថរាជធានីភ្នំពេញ រហូតឈានដល់ការឃាត់ខ្លួនលោក យុត ឫទ្ធី បញ្ជូនមកអយ្យការអមសាលាដំបូង។
ក្នុងនោះ ក្រោយការសាកសួរតំណាងបានចោទប្រកាន់ឈ្មោះ យុត ឬទ្ធី ពីបទ ឆបោកមានស្ថានទំងន់ទោស តាមមាត្រា ៣៧៧ នោងមាត្រា៣៨០ នៃក្រមព្រហ្មទ័ណ្ឌ ហើយចៅក្រមសើបសួរ លោក ឆឹម ឬទ្ធី បានចេញដីកាសម្រេចឃុំខ្លួនបណ្ដោះអាសន្ន៕
អត្ថបទ៖ មករា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល