ព័ត៌មានជាតិ
ស្នងការរងក្រុង ហាមមន្ត្រីយកឯកសារពលរដ្ឋមកទុកចោលជាថ្នូរនឹងការទទួលកម្រៃខុសច្បាប់
លោកឧត្តមសេនីយ៍ទោ សុង លី ស្នងការរងទទួលផែនការងារនគរបាលព្រហ្មទណ្ឌ បានជំរុញដល់នគរបាលខណ្ឌដូនពេញ ត្រូវពង្រឹងការងារផ្តល់សេវាសាធារណៈជូនប្រជាពលរដ្ឋឱ្យបានលឿនឆាប់រហ័ស ដូចជាការផ្តល់ជូនសៀវភៅស្នាក់នៅ សៀវភៅគ្រួសារ និងអត្តសញ្ញាណប័ណ្ណ ដោយមិនត្រូវយកឯកសារទាំងនេះមកទុកចោលជាថ្នូរនឹងការទទួលកម្រៃខុសច្បាប់ណានោះឡើយ ។
ការជំរុញនេះបានធ្វើឡើងនៅក្នុងកិច្ចប្រជុំបូកសរុបត្រួតពិនិត្យលទ្ធផលការងារសន្តិសុខ សណ្តាប់ធ្នាប់ប្រចាំខែតុលា និងលើកទិសដៅអនុវត្តបន្តសម្រាប់ខែវិច្ឆិកា កាលពីដើមសប្តាហ៍នេះ ដោយមានការចូលរួមពីលោកអធិការ លោកអធិការរង លោកនាយផ្នែក លោកនាយប៉ុស្តិ៍នគរបាលរដ្ឋបាលទាំង១១សង្កាត់ នៃខណ្ឌដូនពេញ។
លោកឧត្តមសេនីយ៍ស្នងការរងបានណែនាំដល់នគរបាលខណ្ឌដូនពេញ ត្រូវយកចិត្តទុកដាក់ គោរពវិន័យកងកម្លាំងនគរបាលជាតិឱ្យបានម៉ឺងម៉ាត់ ដើម្បីលើកកម្ពស់កិត្តិយស និងសេចក្តីថ្លៃថ្នូររបស់នគរបាលជាតិហើយក៏មិនត្រូវចូលរួមប្រព្រឹត្តបទល្មើសខុសច្បាប់ណាមួយឡើយ ។
ត្រូវពង្រឹងកិច្ចការងារអនុវត្តគោលនយោបាយភូមិ-ឃុំ-សង្កាត់មានសុវត្ថិភាពឱ្យកាន់តែមានប្រសិទ្ធភាពខ្ពស់ដើម្បីផ្តល់ភាពកក់ក្តៅជូនប្រជាពលរដ្ឋរស់នៅប្រកបមុខរបរមានសេចក្តីសុខ និងការផ្តល់ជំនឿទុកចិត្តមកលើកម្លាំងនគរបាលកាន់តែខ្លាំងឡើង។
លោកស្នងការរងបានជំរុញពង្រឹងការងារផ្តល់សេវាសាធារណៈជូនប្រជាពលរដ្ឋឱ្យបានលឿនឆាប់រហ័សដូចជាការផ្តល់ជូនសៀវភៅស្នាក់នៅ សៀវភៅគ្រួសារ និងអត្តសញ្ញាណប័ណ្ណ ដោយមិនត្រូវយកឯកសារទាំងនេះមកទុកចោលជាថ្នូរនឹងការទទួលកម្រៃខុសច្បាប់ណានោះឡើយ ។
ពង្រឹងការងារចុះល្បាតត្រួតពិនិត្យជាប្រចាំដោយមានការប្តូរវេនគ្នា និងប្រើប្រាស់កម្លាំងពួនស្ទាក់ដើម្បីបង្ការទប់ស្កាត់ និងបង្ក្រាបទបបទល្មើសគ្រប់ប្រភេទឱ្យទាន់ពេលវេលា ការគ្រប់គ្រង់ និងថែទាំសម្ភារៈមធ្យោបាយ អង្គភាព និងធ្វើអនាម័យឱ្យបានស្អាតល្អជានិច្ច។
ជាមួយគ្នានេះដែរ ត្រូវពង្រឹងការងារការពារសន្តិសុខរក្សាសណ្តាប់ធ្នាប់នៅគោលដៅចុះឈ្មោះបោះឆ្នោត និងទីតាំងចាក់វ៉ាក់សាំងជូនប្រជាពលរដ្ឋ និងការពង្រឹងត្រួតពិនិត្យនៅតាមបណ្តាប៉ុស្តិ៍នគរបាលរដ្ឋបាលទាំង១១សង្កាត់ឱ្យបើកទ្វារ២៤ម៉ោង/២៤ម៉ោងដើម្បីរង់ចាំទទួលពាក្យបណ្តឹងរបស់ប្រជាពលរដ្ឋ និងការចេញដោះស្រាយការងារសន្តិសុខបើក្នុងករណីប្រជាពលរដ្ឋប្តឹងរាយការណ៍នៅពេលកើតឡើងបាតុភាពផ្សេងៗនៅក្នុងមូលដ្ឋាន ។
លោកស្នងការរងបានដាក់ចេញនូវវិធានការបង្ការទប់ស្កាត់បទល្មើសព្រហ្មទណ្ឌអនុវត្តឱ្យកាន់តែមានប្រសិទ្ធភាពខ្ពស់ថែមទៀត ខណៈក្នុងខែតុលា បទល្មើសព្រហ្មទណ្ឌកើតឡើងចំនួន០៧លើក ក្នុងនោះបទល្មើសឧក្រិដ្ឋចំនួន០៤លើក និងបទល្មើសមជ្ឈិមកើតឡើងចំនួន០៣លើក ប៉ុន្តែបទល្មើសទាំងអស់នេះត្រូវបានកម្លាំងនគរបាលខណ្ឌដូនពេញ ចេញប្រតិបត្តិបង្ក្រាបបានទាំង០៧លើកដោយចាប់ឃាត់ខ្លួនជនសង្ស័យសរុបចំនួន១០នាក់ បញ្ជូនអនុវត្តតាមនីតិវិធី៕
អត្ថបទ៖ សំអឿន
កម្មករនៃរោងចក្រ Y & W ជិត២០០០នាក់ បានបើកប្រាក់ឈ្នួល និងប្រាក់បំណាច់ ដោយពេញចិត្ត និងមានជំនឿលើរាជរដ្ឋាភិបាល
ឯកអគ្គរដ្ឋទូតសាធារណរដ្ឋសហភាពមីយ៉ាន់ម៉ា បេ្តជ្ញាចិត្តក្នុងការជំរុញទំនាក់ទំនង និងកិច្ចសហប្រតិបត្តិការរវាងមីយ៉ាន់ម៉ា-កម្ពុជាឱ្យកាន់តែរឹងមាំ
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត