ព័ត៌មានជាតិ
សង្វៀនបញ្ជល់មាន់ និងអាប៉ោង ស្រុកលំផាត់ លេងមិនខ្លាចឆ្លងជំងឺកូវីដ-១៩ ចូលសហគមន៍
ខេត្តរតនគិរី៖ តាមសេចក្តីរាយការណ៍ និងជួយបង្ហាញផ្លូវពីប្រជាពលរដ្ឋផងនោះ ក្រុមអ្នកសារព័ត៌មានបានទៅដល់ទីតាំងបញ្ជល់មាន់ភ្នាល់ដាក់លុយ និងលេងបាញ់អាប៉ោងដាក់លុយ ត្រង់ចំណុចក្នុងចម្ការចន្ទីមួយកន្លែង ស្ថិតនៅក្នុងភូមិកាឡែង ឃុំកាឡែង ស្រុកលំផាត់ ខេត្តរតនគិរីពិតប្រាកដមែន។
ប្រភពពីសមត្ថកិច្ចសូមមិនបញ្ចេញឈ្មោះបានបញ្ជាក់ថា ម្ចាស់ទីតាំងជល់មាន់ខាងលើនេះឈ្មោះ គឿន ភេទប្រុស និងមានបេក្ខពួកមួយចំនួនទៀតដែលបង្កើតឱ្យមានបនល្បែងជល់មាន់ខុសច្បាប់នេះ។
ប្រជាពលរដ្ឋលើកឡើងថា មន្ត្រីមូលដ្ឋានមួយចំនួន គឺជាមន្ត្រីគ្រាប់ល្ពៅ ឬហៅបានថា ជាមន្ត្រីជើង១០ ដែលធ្វើឱ្យប្រជាពលរដ្ឋគ្មានភាពកក់ក្តៅ ដោយពួកគាត់លើកជាសំណួរថា ឯណាទៅភូមិ-ឃុំមានសុវត្ថិភាពទាំង៩ ចំណុច បើរស់នៅពោរពេញទៅដោយការភ័យខ្លាច ជំងឺឆ្លងកូវីត-១៩ ផង ឥឡូវមកភ័យព្រួយរឿងអសន្តិសុខ សង្គមខ្លាចមានចោរលួចឆក់ប្លន់ទៀត។
លោក ក្លុល ថើង អធិការនគរបាលស្រុកលំផាត់ បានឱ្យ កម្ពុជាថ្មី ដឹងតាមប្រព័ន្ធតេឡេក្រាមថា កន្លងមកលោកបានចុះទៅទីតាំងជល់មាន់នេះដែរ ប៉ុន្តែមានអ្នកចាំយាមមើលផ្លូវ គ្រាន់តែឃើញឡានសារ៉ែន ក៏នាំគ្នាំបែកហ្វូងអស់ទៅហើយ។
លោកមានប្រសាសន៍ថា៖ “បើឃើញលេងនៅកន្លែងណា រាយការណ៍ប្រាប់ខ្ញុំ ខ្ញុំនឹងចាត់ឱ្យកម្លាំងចុះទៅបង្ក្រាប មិនឱ្យមានល្បែងស៉ីសងនេះតទៅទៀតទេ”។
ប្រជាពលរដ្ឋដែលរស់នៅក្នុងខេត្តរតនគិរី សង្ឃឹម និងជឿជាក់យ៉ាងមុតមាំថា លោក ញ៉ែម សំអឿន ដែលទើបតែឡើងកាន់មុខតំណែងជាចៅហ្វាយខេត្តរតនគិរី ប្រាកដជាមើលថែប្រជាពលរដ្ឋបានល្អជាក់ជាមិនខានឡើយ៕
អត្ថបទ៖ អ៊ុច សាវុធ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល