ព័ត៌មានជាតិ
រដ្ឋសភា នឹងបើកកិច្ចប្រជុំដើម្បីបោះឆ្នោតផ្តល់ទំនុកចិត្តលើបេក្ខជនជំនួសឯកឧត្តម ងួន ញ៉ិល នៅថ្ងៃទី២៥ ខាងមុខ
លោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភាបានថ្លែងប្រាប់«កម្ពុជាថ្មី» នៅព្រឹកថ្ងៃទី១១ ខែវិច្ឆិកា នេះថា ជានីតិវិធីនៅក្នុងការជ្រើសរើសបេក្ខភាពអនុប្រធានរដ្ឋសភានេះ ជាដំបូងគឺរដ្ឋសភាត្រូវទទួលសំណើពីគណបក្ស ដើម្បីដាក់បេក្ខភាពសិន ហើយនៅពេលគណបក្សដាក់សំណើរមក រដ្ឋសភា នឹងបោះឆ្នោតដល់ទំនុកចិត្ត។
លោកបញ្ជាក់យ៉ាងដូច្នេះថា “ហ្នឹងជាសំណើរបស់គណបក្ស គណបក្សដាក់មក គណបក្សលោកស្នើមកហើយ សមាជិករដ្ឋសភានឹងបោះឆ្នោតផ្ដល់ទំនុកចិត្ត ពីព្រោះប្រធានអនុប្រធានសភា ទាល់តែរដ្ឋសភាទាំងមូលបោះឆ្នោត តែងតាំង”។
លោក ឡេង ប៉េងឡុង បានបញ្ជាក់ទៀតថា គណៈអចិន្ត្រៃយ៍ នឹងបើកកិច្ចប្រជុំដើម្បីពិនិត្យសម្រេចលើសំណើរដាក់បេក្ខជនអនុប្រធានរដ្ឋសភាជំនួសឯកឧត្តម ងួន ញ៉ិល នៅថ្ងៃទី២២ ខែវិច្ឆិកា ហើយនៅថ្ងៃទី២៥ ខែវិច្ឆិកា រដ្ឋសភា នឹងបើកកិច្ចប្រជុំពេញអង្គ ដើម្បីបោះឆ្នោតផ្តល់ទំនុកចិត្ត។
សូមបញ្ជាក់ថា ឯកឧត្តមកិត្តិនីតិកោសលបណ្ឌិត ងួន ញិល អនុប្រធានទី១ នៃរដ្ឋសភា បានទទួលមរណភាពដោយរោគាពាធ នៅវេលាម៉ោង១០និង៣០ នាទីព្រឹកថ្ងៃទី០៥ ខែវិច្ឆិកា ឆ្នាំ២០២១ នៅគេហដ្ឋានរបស់គាត់ នៅសង្កាត់ព្រែកប្រា ខណ្ឌច្បារអំពៅ។ ឯកឧត្តម ងួន ញិល ទទួលមរណភាពក្នុងអាយុ៧៩ឆ្នាំ ហើយសពតម្កល់នៅគេហដ្ឋាន ដើម្បីធ្វើបុណ្យតាមប្រពៃណី ៕
អត្ថបទ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង