ព័ត៌មានជាតិ
ធនាគារ កាណាឌីយ៉ា និងក្រុមហ៊ុន Total Cambodge ចុះកិច្ចព្រមព្រៀងការចាប់ដៃគូលើសេវាទូទាត់ប្រាក់បែបឌីជីថល
ធនាគារ កាណាឌីយ៉ា ដែលជាអ្នកផ្តល់សេវាធនាគារឌីជីថល និងហិរញ្ញវត្ថុឈានមុខគេនៅកម្ពុជា និងក្រុមហ៊ុន Total Cambodge ដែលជាសាខារបស់ក្រុមហ៊ុន TotalEnergies ដែលជាក្រុមហ៊ុនថាមពលដ៏ធំទូលាយដែលផលិត និងផ្គត់ផ្គង់ថាមពលលើសកលលោក បានចុះហត្ថលេខាលើកិច្ចព្រមព្រៀងភាពជាដៃគូ ដើម្បីលើកកម្ពស់បទពិសោធន៍របស់អតិថិជន ក្នុងសេវាកម្មទូទាត់ឌីជីថលនៅស្ថានីយរបស់ TotalEnergies។
ជាមួយនឹងភាពជាដៃគូនេះ អតិថិជន TotalEnergies ទាំងអស់ នឹងអាចធ្វើការទូទាត់តាមរយៈ Canadia QR ឬ POS រាល់ការចាក់ប្រេងសាំង ឬការទិញទំនិញ និងសេវាកម្មផ្សេងៗនៅស្ថានីយ TotalEnergies ជាង 100 នៅទូទាំងប្រទេស។ សមាជិកកាត TotalEnergies ក៏អាចបញ្ចូល ទឹកប្រាក់ក្នុងកាតប្រេងឥន្ធនៈ របស់ពួកគេតាមរយៈកម្មវិធី Canadia Bank App ផងដែរ។
លើសពីនេះ ដៃគូចែកចាយ TotalEnergies នឹងអាចទូទាត់វិក្កយបត្រសម្រាប់ផលិតផល និងសេវាកម្ម តាមរយៈ Canadia Bill Payment នៅលើ Canadia Bank App និងរីករាយជាមួយកញ្ចប់ហិរញ្ញវត្ថុ តាមតម្រូវការជាមួយនឹងអត្រាការប្រាក់ដ៏គួរឱ្យទាក់ទាញ ការបញ្ចុះតម្លៃលើសេវាកម្មធនាគារ និងចំនួនប្រាក់កម្ចីបន្ថែមសម្រាប់ពួកគាត់។
លោក អ៊ូ សុផាណារិទ្ធ នាយកប្រតិបត្តិហិរញ្ញវត្ថុ និងជានាយកប្រតិបត្តិស្តីទី នៃធនាគារ កាណាឌីយ៉ា បានធ្វើអត្ថាធិប្បាយថា៖ «ធនាគារ កាណាឌីយ៉ា មានសេចក្ដីសោមនស្សរីករាយក្នុងការចាប់ដៃគូ ជាមួយក្រុមហ៊ុន TotalEnergies លើការណែនាំការទូទាត់តាមឌីជីថលដល់អតិថិជន ដៃគូ និងដៃគូចែកចាយ។ ជាផ្នែកមួយនៃកិច្ចព្រមព្រៀង យើងក៏បានរៀបចំនូវកញ្ចប់ហិរញ្ញប្បទាន ពិសេសសម្រាប់ដៃគូចែកចាយរបស់ក្រុមហ៊ុន TotalEnergies ។ ការចាប់ជាដៃគូថ្ងៃនេះ តំណាងឱ្យ ទិដ្ឋភាពនៃការជឿទុកចិត្តសម្រាប់កិច្ចសហការរវាងអ្នកដឹកនាំនៃឧស្សាហកម្មទាំងពីរ ដែលបើកច្រកទ្វារសំខាន់សម្រាប់កិច្ចសហប្រតិបត្តិការ និងស៊ីជម្រៅបន្ថែមទៀត ដើម្បីលើកកម្ពស់ មិនត្រឹមតែផលប្រយោជន៍ទៅវិញទៅមករបស់យើងប៉ុណ្ណោះទេ ប៉ុន្តែថែមទាំងប្រព័ន្ធ អេកូឡូស៊ីអាជីវកម្មរបស់អតិថិជន និងសង្គមរបស់យើងផងដែរ។»
លោកស្រី Dinah Kumar នាយកគ្រប់គ្រងនៃក្រុមហ៊ុន Total Cambodge បានមានប្រសាសន៍ថា “យើងមានសេចក្តីសោមនស្សរីករាយដែលបានចាប់ដៃគូជាមួយធនាគារកាណាឌីយ៉ា ដើម្បីសម្រួល ដល់ជីវភាពរបស់អតិថិជនរបស់យើង ដោយផ្តល់នូវដំណោះស្រាយការទូទាត់ប្រាក់តាមបែប ឌីជីថលប្រកបដោយសុវត្ថិភាព ដែលមានលក្ខណៈសាមញ្ញ និងមានប្រសិទ្ធភាព។ នេះក៏ជា មធ្យោបាយមួយសម្រាប់យើងដើម្បីបន្តការសម្រួលបទពិសោធន៍របស់អតិថិជននៅស្ថានីយរបស់យើងឱ្យប្រសើរឡើង»។
សម្រាប់ព័ត៌មានបន្ថែមអំពីសេវាកម្មដែលផ្តល់ដោយ ធនាគារ កាណាឌីយ៉ា និងក្រុមហ៊ុន Total Cambodge សូមទាក់ទង លោក ឆាយ ឈុនលាភ ប្រធានសាជីវកម្មធនាគារ កាណាឌីយ៉ា តាមរយៈលេខ 088-9966 559 ឬ Total Cambodia តាមរយៈលេខ 023 218 630។
អំពីធនាគារ កាណាឌីយ៉ា
ធនាគារ កាណាឌីយ៉ា គឺជាធនាគារក្នុងស្រុកឈានមុខគេ និងជាធនាគារពាណិជ្ជដែលផ្តល់សេវា ពេញលេញនៅក្នុងប្រទេសកម្ពុជាចាប់តាំងពីឆ្នាំ 1991។ យើងត្រូវបានទទួលស្គាល់ និងផ្តល់រង្វាន់ ដោយ The Asian Banker ថាជា “ធនាគារដ៏រឹងមាំបំផុតដោយតារាងតុល្យការក្នុងប្រទេសកម្ពុជា” រយៈពេល 3 ឆ្នាំជាប់ៗគ្នា និងជា “The Best Retail Bank in Cambodia” ក្នុងឆ្នាំ 2021។ គិតត្រឹមថ្ងៃទី 30 ខែកញ្ញា ឆ្នាំ 2021 ធនាគារមានសាខាចំនួន 63 ជាង 300+ ATM និង CRM នៅទូទាំងប្រទេស ហើយ សេវាធនាគារចល័តទំនើប បានទៅដល់អតិថិជនចំនួនធំ។ សម្រាប់ព័ត៌មានបន្ថែម សូមចូលទៅកាន់ គេហទំព័ររបស់យើង៖ www.canadiabank.com.kh ឬ https://web.facebook.com/CanadiaBankCambodia
អំពី Total Cambodge
ក្រុមហ៊ុន Total Cambodge បានដំណើរការជាផ្លូវការនៅក្នុងប្រទេសកម្ពុជាតាំងពីឆ្នាំ 1993 មកម្ល៉េះ។ នៅទូទាំងប្រទេស ក្រុមហ៊ុន Total Cambodge បានចូលរួមក្នុងការផ្សព្វផ្សាយផលិតផល និងសេវាកម្មថាមពល និងប្រេងរំអិលផ្សេងៗដល់អតិថិជនរបស់ខ្លួនទាំងក្នុងវិស័យឯកជន និងសាធារណៈ។ ក្រុមហ៊ុន Total Cambodge ផ្តល់ជូននូវផលិតផល និងសេវាកម្មជាច្រើន តាមរយៈស្ថានីយសេវាកម្មជាង 100 ដែលមានហាង Bonjour ជាង 52 ការលក់ដោយផ្ទាល់ដល់ អតិថិជន B2B និងវិស័យអាកាសចរណ៍។ លើសពីនេះ កាត TotalEnergies ផ្តល់នូវមធ្យោបាយ ងាយស្រួលក្នុងការរៀបចំ និងគ្រប់គ្រងការទិញប្រេងឥន្ធនៈ។ សេវាកម្មផ្សេងទៀតរួមមាន ការវិភាគប្រេងដែលបានប្រើរួច ការផ្លាស់ប្តូរប្រេង និងការលាងសម្អាត។ សម្រាប់ព័ត៌មានបន្ថែម សូមចូលទៅកាន់គេហទំព័រ៖ www.kh.totalenergies.com ឬ www.facebook.com/TotalEnergiesCambodge
នាយកសាលា ហ៊ុន សែន ជម្ពូវ័នហាមដាច់ខាតមិនឱ្យលក់ ឬ ពិសាគ្រឿងស្រវឹងក្នុងពិធីសង្ក្រាន្ត
ក្រសួងសុខាភិបាល ៖ មន្ទីរពេទ្យត្រូវយកចិត្តទុកដាក់កសាងសមត្ថភាពនិងពង្រឹងក្រមសីលធម៌វិជ្ជាជីវៈ
វិថីអាហារដែលមានរចនាបថខ្មែររួមនឹងការបង្ហាញពីវប្បធម៌ប្រពៃណីជាតិ និងលេចរូបរាងចំកណ្តាលក្រុងកំពត
សហជីព ៖ ការកេងចំណេញនយោបាយពីការដំឡើងពន្ធអាមេរិក គឺជាចរិតនយោបាយដ៏ខ្មៅកខ្វក់របស់ក្រុមប្រឆាំង
កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ
រកឃើញសាកសព Miss Tourism 2018 បន្ទាប់ពីគ្រោះរញ្ជួយដីនៅប្រទេសមីយ៉ាន់ម៉ា
កម្ពុជានឹងទម្លាក់ពន្ធនាំចូលទំនិញអាមេរិក ១៩ ប្រភេទ មកត្រឹម ៥%
រុស្ស៊ី ដាក់លក្ខខណ្ឌថ្មីទៅអាមេរិក បើចង់ឲ្យមានកិច្ចព្រមព្រៀងសន្តិភាពជាមួយ អ៊ុយក្រែន
លាចាកសិក្ខាបទបាន៩ថ្ងៃ អតីតសង្ឃ ជួន កក្កដា ត្រូវបានតែងតាំងជា អនុរដ្ឋលេខាធិការក្រសួងធម្មការ
-
ព័ត៌មានជាតិ៤ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់