Connect with us

ព័ត៌មានជាតិ

អភិបាលខេត្តកោះកុង ណែនាំរដ្ឋបាលស្រុក​ចំនួន៣ចុះជួយច្រូតស្រូវជូនពលរដ្ឋថ្ងៃ​​បុណ្យអុំទូក

បានផុស

នៅ

កោះកុង៖ អភិបាលខេត្តកោះកុង បានណែនាំដល់អភិបាលស្រុកចំនួន៣ឲ្យចុះជួយច្រូតស្រូវជូនប្រជាពលរដ្ឋក្នុងមូលដ្ឋានរបស់ខ្លួន ដើម្បីកាត់បន្ថយកម្លាំងពលកម្មប្រើដោយដៃ និងចូលរួមអបអរសាទរព្រះរាជពិធីបុណ្យអុំទូកឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ឆ្នាំ២០២១នេះ ជាការលើកទឹកចិត្តដល់ប្រជាកសិករដ៏ផុសផុល លោកជំទាវ មិថុនា ភូថង អភិបាលខេត្តកោះកុងចាត់ឲ្យអភិបាលស្រុកបូទុមសាគរ ស្រុកថ្មបាំង និងស្រុកស្រែអំបិល ជាមូលដ្ឋានដែលមានប្រជាពលរដ្ឋប្រកបរបរធ្វើស្រែចម្ការច្រើនជាងគេ ត្រូវជួយប្រមូលផលជូនកសិករ។

លោកជំទាវអភិបាលខេត្តកោះកុង ថ្លែងដូច្នេះថា «ប្រមូលកម្លាំងគ្នាចុះច្រូតស្រូវជូនពលរដ្ឋនៅពេលនេះ ជាការសម្រាលទុកលំបាកបានមួយចំណែកដែរ​ សម្រាប់កសិករមិនមានម៉ាស៊ីនច្រូតកាត់។ ម៉្យាងទៀតដើម្បីសរបញ្ជាក់ពីសាមគ្គីភាពគ្នារវាងប្រជាពលរដ្ឋ និងអាជ្ញាធរ អំឡុងថ្ងៃព្រះរាជពិធីបុណ្យអុំទូក អបអំបុក សំពះព្រះខែ និងបណ្តែងប្រទីតផងដែរ»។

លោកជំទាវ មិថុនា ភូថង ក៏បានចាត់ទុកថា ការដាល់អំបុកស្រូវថ្មី ជាប្រពៃណីវប្បធម៌របស់ដូនតានៃយើង ដូច្នេះរួមគ្នាបន្តថែរក្សាឱ្យគង់វង្សយូរអង្វែងតទៅ គ្រាប្រទេសកម្ពុជា មានភាពសុខុដុមរមនា និងកិច្ចអភិវឌ្ឍន៍ក្រោយការដឹកនាំដ៏វិសេសវិសាលរបស់សម្តេចតេជោ ហ៊ុន សែន នាយករដ្ឋមន្រ្តី។

លោក ហាក់ ឡេង អភិបាលស្រុកបូទុមសាគរ លោក អន សុធារិទ្ធ អភិបាលស្រុកថ្មបាំង និងលោក ជា ចាន់កញ្ញា អភិបាលស្រុកស្រែអំបិល សុទ្ធតែអះអាងដូចគ្នានៅថ្ងៃទី២០ ខែវិច្ឆិកានេះថា ពួកគាត់ព្រមទាំងកម្លាំងប្រដាប់អាវុធ យុវជន បានរួមគ្នារៀបចំបង្កើតជាកម្មវិធីច្រូតស្រូវ និងដាល់អំបកយ៉ាងសប្បាយរីករាយក្រោមបរិយាយសាមគ្គីភាពកាន់ស្និតស្នាលគ្នារវាងអាជ្ញាធរ និងពលរដ្ឋមូលដ្ឋាន ទោះនឿយហត់ពេលដាំដុះ តែបង្ហាញមកវិញនូវស្នាមញញឹមពេលប្រមូលផល។

ថ្នាក់ដឹកនាំស្រុកទាំង៣ខាងលើ សង្កត់ធ្ងន់ថា ឆ្នាំនេះ ប្រជាពលរដ្ឋទទួលបានទិន្នផលស្រូវច្រើនជាងឆ្នាំទៅ ព្រោះតែភ្លៀងធ្លាក់គ្រប់គ្រាន់ មានប្រព័ន្ធធារាសាស្រ្ត និងចំណេះដឹងធ្វើកសិកម្មតាមលក្ខណៈបច្ចេកទេស ជាដើម។ ទិន្នផលស្រូវប្រមូលបាន គឺរក្សាទុកជាស្បៀងអាហារបរិភោគប្រចាំថ្ងៃ ឬលក់ដូរទៅកាន់ទីផ្សារតាមតម្រូវការរបស់ក្រុមគ្រួសារកសិករម្នាក់ៗ។

ការប្រមូលផលស្រូវ និងដាល់អំបុក តបនឹងគាំទ្ររបស់លោកអភិបាលខេត្តកោះកុង ស្រុកបូទុមសាគរ ធ្វើឡើងនៅឃុំកណ្តោល ស្រុកថ្មបាំង ធ្វើនៅឃុំតាទៃលើ និងស្រុកស្រែអំបិល រៀបចំនៅឃុំជីខក្រោម៕

  អត្ថបទ៖សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៤ នាទី មុន

កូរ៉េ​ខាងជើង​ ​ថា ​កិច្ចព្រមព្រៀង ​អាមេរិក​-​កូរ៉េ​ខាងត្បូង​-​ជប៉ុន​ គឺជា​ផែនការ​របស់ក្រុង វ៉ាស៊ីនតោន ​សម្រាប់​ណាតូ​អាស៊ី​

សន្តិសុខសង្គម៣៦ នាទី មុន

សមត្ថកិច្ច​ឃាត់ខ្លួនមនុស្ស២នាក់​មុខសញ្ញាទាក់ឆ្កែ​ច្រកការុង​យកទៅលក់​នៅ​កំពង់ឆ្នាំង

ព័ត៌មានជាតិ១ ម៉ោង មុន

អតីតបុគ្គលិក​ណាហ្គា​ជាង២០០នាក់​ហើយ​ព្រមទទួល​យកប្រាក់​ចំណាច់​បញ្ចប់​កិច្ចសន្យាការងារ​

ព័ត៌មានអន្ដរជាតិ១ ម៉ោង មុន

អ៊ីរ៉ង់ ជួបគ្រោះរញ្ជួយដីខ្លាំងក្លា ៣លើក ស្លាប់និងរបួសមនុស្សមួយចំនួន

ជីវិតកម្សាន្ដ២ ម៉ោង មុន

ច្បាស់ៗ នាយគ្រឿនចាកចេញពី CTN ទីកន្លែងផ្ដល់កំណើតសិល្បៈ

Sokha Hotels

ព័ត៌មានពេញនិយម